blog islam

Nxënësit e gjimnazit “Frang Bardhi” në Mitrovicë protestojnë për shoqet e mbuluara

2012-02-23T16:26:00.001+01:00

Mbi 100 nxënës të gjimnazit “Frang Bardhi” në Mitrovicë, kanë bojkotuar të mërkurën mësimin, në shenjë proteste kundër largimit nga shkolla të shoqeve që mbajnë veshjen islame.

“Ligji për shaminë, për shkollat fillore dhe të mesme është aprovuar në Parlamentin e Kosovës dhe ai duhet të zbatohet”, ka thënë Ahmet Fazliu, drejtor i gjimnazit, ndërkohe që ligji për shtrirjen e autoritetit teritorial të shtetit të Kosoves nuk funksionon, dhe Mitrovica është ende e ndarë
Ai tha se shkolla që ai drejton ka shtatë “nxënëse me shami”, dhe se të martën i ka ftuar në zyrë për t’ua kumtuar vendimin e Drejtorisë së Arsimit, sipas të cilit ato nuk do ta kenë mundësinë që ta vazhdojnë procesin mësimor në të ardhmen, “nëse vazhdojnë të vijnë me shami në kokë”.
Nxënësi Behar Salihu, tha se janë shtatë paralele që kanë dalë për të protestuar kundër ndalimit të ardhjes në shkollë të shoqeve. Ndërsa, nxënëset që mbajnë shami, Fatime Veliu dhe Raza Zena, thanë se mbajtja e shamisë është e drejtë e tyre personale.
“Nuk kuptojmë pse të përjashtohemi tani, kur kanë mbetur edhe pak muaj deri në përfundim të vitit”, thanë ato.
Drejtori thotë se e ka transmetuar vendimin e Drejtorisë së Arsimit.
“Ndërsa, u kam premtuar se një javë para përfundimit të procesit mësimor do t’i ftojmë ato që t’i nënshtrohen provimeve të lëndëve, për të marrë klasën dhe për të mos e humbur vitin”, shton Fazliu, i cili kërkoi nga nxënëset t’i kthehen mësimit.
Përndryshe, nëse për tre ditë mungojnë pa arsye, atëherë në bazë të ligjit nuk janë nxënës të rregullt të kësaj shkolle dhe mund ta humbin vitin.

Mjekime popullore me bazë limoni për shëndetin tuaj

2012-02-21T20:20:00.001+01:00

-Ka një numër shumë të madh të mjekimeve me bazë limoni, që këshillohet t’i përdorni si mjekime popullore. Lëngu i limonit furnizon trupin me vitaminë C dhe B, si dhe me minerale si: kalciumi, fosfori dhe magnezi. Limoni ka edhe efekt antibakterial. Duhet të keni parasysh të zgjidhni limona të verdhë, që nuk kanë reflekse me ngjyrë jeshile. Vlerat e limonit fillojnë të humbasin pas një jave, nëse i mbajmë në temperaturën e ambientit. Nëse i mbajmë në frigorifer, vlerat e tyre zgjasin më tepër (2-3 javë). Mjekimet popullore me bazë limoni janë:

***

Temperatura. Pini ujë të ngrohtë me limon kur duhet të ulni temperaturën. Lëngu ndihmon në uljen e saj, duke rritur djersitjen.

***

Infeksionet në grykë. Limoni ofron avantazhe antibakteriale, që ndihmojnë në trajtimin e infeksioneve të grykës. Pini një gjysmë gote lëng limoni para se të flini.

***

Dhembja e grykës. Zbutni dhimbjen e grykës, duke pirë një lëng limoni, shoqëruar me një lugë mjaltë. Për të bërë një shurup kurativ përzieni 4 lugë lëng limoni, një filxhan mjaltë dhe gjysmë gote vaj ulliri. Ngrohni përzierjen për 5 minuta dhe më pas hani nga një lugë çdo 2 orë.

***

Probleme në rrugët e frymëmarrjes. Trajtoni problemet e frymëmarrjes duke pirë ujë me limon, një mjekim ky që mund të ndihmojë një person që vuan nga astma, të marrë frymë më mirë.

***

Problemet e tretjes. Përzieni lëngun e limonit me ujë të ngrohtë për të trajtuar problemet e tretjes si: djegie të stomakut, parazitët, të vjellat dhe fryrjet.

***

Plagët e vogla. Ju mund të ndaloni hemorragjinë dhe të disinfektoni plagë të vogla, duke aplikuar mbi to një sasi të vogël lëngu limoni. Kjo edhe mund të shkaktojë pak djegie, por është në të mirë të shëndetit tonë.

***

Gjakrrjedhja nga hundët. Hidhni lëngun e limonit në një copë prej pambuku dhe e vendosni me kujdes tek hunda, kur është duke ju dalë gjak.

***

Kuroni reumatizmin. Meqenëse limoni përmban sasi diuretike, mund të përdoret për të kuruar reumatizmin dhe artritin. Për më tepër ai ndihmon në eliminimin e baktereve nga trupi.

***

Lëkura e fytyrës. Limoni mund të rinojë lëkurën e fytyrës. Lëngu ndihmon edhe në luftimin e shenjave të plakjes, si pikat e zeza apo rrudhat. Mjafton të lyeni fytyrën me lëngun e një gjysmë limoni të përzierë me një lugë mjaltë dhe ta lini të veprojë për 10-15 minuta.

***

Dhembja e dhëmbëve. Vendosni lëng të freskët limoni mbi dhëmbin që ju dhemb, për të hequr dhembjen.

Gjakderdhja nga mishrat e dhëmbëve. Masazhoni me lëng limoni mishrat, për të ndaluar gjakrrjedhjen. Lëngu mund të heqë edhe erën e keqe që shkaktohet nga mishrat e dhëmbëve.

Filmi turk "Fetih 1453" thyen rekorde

2012-02-21T19:13:00.000+01:00

Filmi që trajton ngadhënjimin e Stambollit prej Sulltan Mehmet Ngadhënjimtarit u shfaq në Evropë në një mbrëmje premierë në qytetin Koln të Gjermanisë, njoftojnë mediat turke.

Në premierën e organizuar në qytetin Koln të Gjermanisë për filmin "Ngadhënjimi 1453", turqit e Evropës treguan një interes të madh. Filmi për të cilin janë shpenzuar 17 milionë dollar, është edhe filmi me buxhetin më të madh në historinë e kinematografisë së Turqisë. Aktorët dhe regjisori filmin e panë së bashku me kinemadashësit në kinemanë Cinedom të Kolnit.

Ekipi i filmit hyri në kinema duke kaluar nga qilimi i kuq nën shoqërinë e duartrokitjeve dhe brohoritjeve të spektatorëve. "Ngadhënjimi 1453" u shfaq njëkohësisht në katër salla të ndryshme të kinemasë. /koha/

Statuja e shkatëruar e Jezusit

2012-02-18T00:08:00.001+01:00

Një statujë e Jezu Krishtit e kishës në Ohajo të SHBA ishte goditur nga rrufeja gjatë një stuhie të rëndë. Mëpastaj nga zjarri i shkaktuar statuja ka shpërthyer dhe është djegur tërësishtë. Statuja është vlerësuar në 300.000 dollarë e bërë nga leshi i xhamit dhe polisterolit në brendinë e së cilës ishte një kornizë hekuri. Zjarri që ndodhi ka shkaktuar edhe dëme prej 400,000 dollarë për "Kishën Solid Rock" në Monroe, Ohajo. Më tepër në këtë link...

NXEHEN PËRSËRI UJËRAT NË NGUSHTICËN E ORMUZIT

2012-02-16T22:27:00.000+01:00

Në Ngushticën e Ormuzit ujërat po nxehen përsëri.

Aeroplanmbajtësja amerikane USS Lincoln, është marrë nën vëzhgimin të afërt të varkave sulmuese të Iranit.

Pentagoni ka hedhur pretendimin se Irani për të mbyllur Ngushticën e Ormuzit ka përgatitur motobarka sulmuese të ngarkuara me bomba.

Aeroplanmbajtësja amerikane, Lincoln, gjatë kalimit nga Ngushtica e Ormuzit është shoqëruar prej anijeve luftarake amerikane.

Gjatë kalimit, motobarkat iraniane me raketa, si dhe një avion i telekomanduar së bashku me një helikopter e ndoqën nga afër aeroplanmbajtësen që iu afrua brigjeve iraniane.

Detyra e Lincolnit pas Gjirit Persik, u bë e ditur se është ndihma në operacionet e NATO-s në Afganistan dhe më pas aeroplanmbajtësja do të kthehet në Gjirin Persik.

Autoritetet amerikane gjithashtu kanë hedhur pretendimin se Irani ka përgatitur edhe motobarka për sulme vetë-asgjësuese.

Komandanti i forcave detare amerikane në rajon, Admirali Mark Fox, njoftoi se ata janë duke u përgatitur kundër një mundësie të mbylljes së Ngushticës së Ormuzit prej Iranit si dhe tha se ata kanë marrë masa duke e rritur numrin e nëndetëseve në 10, duke depozituar mina dhe duke rritur edhe numrin e anijeve sulmuese.

Irani më parë kishte bërë kërcënimin se në rast se interesat vitale do të rrezikoheshin, atëherë ata do të mbyllnin Ngushticën e Ormuzit.

Kurse Bashkimi Evropian ka vendosur që t'i aplikojë embargo Iranit në mënyrë graduale.

Ndërkohë, Shefi i Shtabit të Rusisë, Nikolai Makarov ka hedhur pretendimin se armiqtë e Iranit do të vendosin brenda disa muajve se çfarë do të bëjnë kundër këtij vendi.

Makarov tha se drejt muajve të verës pritet një aksion kundër Iranit, por lidhur me frazën "armiqtë e Iranit" ai nuk dha detaje. /trtshqip/

De-islamizimi i gjeneratave: Ndikimi i arsimimit indoktrinues mbi rininë muslimane – Rasti i Kosovës

2012-02-14T20:34:00.001+01:00

Autor: Fatlum Sadiku

Hyrje

Ky punim socio-analitik, mëton të prekë njërin kontekst të dimensionit social të Islamit në Kosovë, konkretisht segmentin e arsimimit kolektiv të të rinjëve, mbi themele, shtylla, e principe de-islamizuese e anti-islame, në 50 vjeçarin e fundit, nën regjimin, hegjemoninë dhe kontrollin jugosllav, por në frymën kulturore dhe kurrikulimin shkollar nacional-komunist, të importuar nga Shqipëria komuniste. Një punimi për një periudhë aq të gjatë kohore, natyrisht se nuk mund t’i vihet kapak me pak fletë, por gjithsesi jam munduar të jem sa më përmbledhës në përpjekjen time. Punimi nisë me prekjen e faktorëve të jashtëm, që ndikuan në degjenerimin e situatës deri në atë pikë, ku shqiptarët e Kosovës mbetën vetëm, nën darët e socializmit/komunizmit jugosllav e enverist, jashtë çdo kontakti me botën islame. Do të përmendën kalimthi ndikimet dhe implikimet e nacionalizmit literal shqiptar, të krijuar nga albanologët e huaj, nga shtetet si Austro-Hungaria e Italia, dhe nga të ashtuquajturit “Rilindasë kombëtarë”, respektivisht finesat e ketyre ndikimeve në procesin de-islamizues. Do të përmendet edhe ndikimi që pati procesi latinizues i alfabetit tek shqiptarët e Kosovës. Më pas elabrohet periudha post viteve '50, dhe implikimet e shkollares në inventimin e bindjeve, formësimin dhe kalibrimin de-islamizues të rinisë. Do të trajtohetedhe periudha e të së kaluarës moderne të Kosovës, respektivisht ajo e konstelacioneve mbi të cilat kaloi arsimimi i shqiptarëve të Kosovës, nisur që nga fundvitet 60. Këtu theks të veçantë i vëhet krjimit të Universitetit të Prishtinës më 1970, respektivisht rolit, ndikimit, dhe metodave të këtij Universiteti, në mbjelljen e klimës indoktrinuese, dhe de-islamizuese në vend, permes kuadrove komuniste e nacionaliste, dhe kurrikulimit mësimor të po të njejtës natyrë. Do të përmendet edhe dukuria pasuese që doli nga arsimimi komunist e nacionalist: de-islamizimi masiv i emrave të shqiptarëve, respektivisht dukuria e vënies së emrave të huaj dhe shqiptarë në vend të atyre muslimanë. Do të bëhet fjalë edhe për lidhjen paradoksale, që rryma dominuese e sotshme në arsimin shoqëror kosovarë: katolikocentrizmi ka me ligjërimet socialiste/komuniste që pretendohen të jenë të tejkaluara nga kurrikulumi. Do elaborohet kurba e kalimit nga ligjërimi nacional-komunist, në atë nacional-katolicist, permes glorifikimit të figurave të krishtera, nga historigrafia, përkatësisht injorimi dhe përulja që u bëhet figurave islame, respektivisht do të theksohen aspektet konkrete të ofendimeve direkte të identitetit islam, Islamit si Fe e Civilizim si dhe muslimanëve. Natyrisht në fund, tek Përmbledhja, mëtohet ofrimi i alternativave, dhe metodave për dalje nga situata dëshpruese permes rolit proaktiv dhe angazhimit të vetë rinisë. Përgjegjësitë mbi punimin janë ekskluzivisht të mijat. Teksti i plotë...

Projektligji i ri mundëson ardhjen e bankave islamike

2012-02-09T19:19:00.000+01:00

Projektligji i ri për bankat, institucionet mikrofinanciare dhe institucionet jobankare, hap dyert që në Kosovë të nisin operimin edhe bankat islamike. Bankierët islamikë mund t’ia mësyjnë Kosovës që pas futjes në fuqi që këtij draftligji, por me kushte të cilat i përcakton Banka Qendrore. Në dëgjimin publik të organizuar të mërkurën nga Komisioni parlamentar për buxhet dhe financa, është vlerësuar se përveç futjes së kapitalit islamik në tregun financiar të vendit, duhet të formohet edhe një ligj tjetër i veçantë për institucionet mikrofinanciare dhe ato jobankare.

Ministri i Financave, Bedri Hamza, ka theksuar se zhvillimi i sektorit bankar ka ndikuar në nxjerrjen e një ligji të ri, për zëvendësimin e rregullores së UNMIK-ut me të cilën funksionon sistemi bankar.

Ai ka vlerësuar se ndryshimet në praktikën e mbikëqyrjes bankare kanë rritur kërkesën për nxjerrjen e Ligjit të ri për bankat, institucionet mikrofinanciare dhe institucionet e tjera financiare jobankare, me qëllim të reflektimit të ndryshimeve që kanë ndodhur nga viti 1999.

"Ligji përmirëson standardet e qeverisjes së bankave. Dispozitat e tij i japin autoritet Bankës Qendrore të ndërmarrë masa përmirësuese, si dhe të vendosë gjoba administrative për shkelje të ndryshme të ligjit, me qëllim të forcimit të stabilitetit financiar në vend", ka thënë Hamza.

Ai ka theksuar se ligji përcakton një strukturë të qartë të pronësisë dhe njëkohësisht eliminon paqartësitë ekzistuese në drejtim të institucioneve mikrofinanciare dhe atyre jobankare.

"Në përgjithësi, ky ligj ka për qëllim ndërtimin e një infrastrukture moderne ligjore për licencimin, mbikëqyrjen dhe rregullimin e bankave, institucioneve mikrofinanciare dhe institucioneve financiare jobankare, si dhe sigurimin e një niveli të përshtatshëm mbrojtës të interesave të depozitarëve", është shprehur Hamza.

Sipas ministrit të Financave, hartimi i dokumentit ligjor për rregullimin e sektorit bankar ka qenë kërkesë e dalë nga marrëveshja ndërmjet Qeverisë dhe Fondit Monetar Ndërkombëtar.

Guvernatori i Bankës Qendrore të Kosovës, Gani Gërguri, ka thënë se risia kryesore që sjell miratimi i ligjit ka të bëjë me forcimin e kritereve të qeverisjes, si nevojë aktuale për bankat dhe institucionet financiare në Kosovë.

“Ky ligj nxit forcimin e kritereve të qeverisjes dhe i jep mundësi BQK-së për mbikëqyrje të konsoliduar”, ka thënë Gërguri. Sipas tij, pas aprovimit të këtij draftligji, bankierët islamikë kanë të drejtën e operimit në tregun financiar të Kosovës.

“BQK-ja përcakton dhe kontrollon detajet e operimit të bankingut islamik. Ligji hap derën edhe për ardhjen e investitorëve të tjerë të jashtëm”, është shprehur Gërguri. /kohaditore/

Shehadeti ne ushtrine Turke (Video)

2012-02-07T19:17:00.000+01:00

Ushtaret e Shtetit te Turqise me rastin e diplomimit shqiptojne deshmine Islame shehadetin dhe Suren el Fatiha. MashAll-llah ....All-llahu Ekber

Deklarata e Dëshmisë ( Shehadeti): Esh-hedu en La Ilahe il-lAllah we esh-hedu enne Muhamedun abduhu we Resulullah"

Përkthimi i së cilës është:

"Dëshmoj se s'ka të adhuruar me të drejtë përveç Allahut, dhe se Muhamedi është rob dhe i Dërguari i Tij."

Si dhe surja e pare ne Kur'an el Fatiha:

1. Fatiha
1. BISMI ELLAHI ER-REHMANI ER-REHIMI
2. EL-HEMDU LILLAHI RABBIL-'ALEMINE
3. ER-REHMANI ER-REHIMI
4. MALIKI JEWMI ED-DINI
5. 'IJAKE NA'BUDU WE 'IJAKE NESTA'INU
6. EHDINA ES-SIRATEL-MUSTEKIME
7. SIRATEL-LEDHINE 'EN'AMTE 'ALEJHIM GAJRIL-MEGDUBI 'ALEJHIM WE LA ED-DALLINE

Perkthimi dhe komenti i sures se pare el Fatiha:

1. Fatiha
1. Me emrin e All-llahut, Mëshiruesit, Mëshirëbërësit!
2. Falënderimi i takon All-llahut, Zotit të botëve!
3. Mëshiruesit, Mëshirëbërësit!
4. Sunduesit të Ditës së Gjykimit (përgjegjësisë-shpërblimit)!
5. Vetëm Ty të adhurojmë dhe vetëm te Ty kërkojmë ndihmë!
6. Udhëzona (përforcona) në rrugën e drejtë!
7. Në rrugën e atyre, të cilët i begatove me të mira, jo në të atyre që kundër veti tërhoqën hidhërimin, e as në të atyre që e humbën veten!

“Presheva për Kosovën, veriu për Serbinë”

2012-02-06T19:49:00.000+01:00

Ish-koordinatori i Paktit të Stabilitetit për Europën Juglindore, Erhard Busek, deklaroi se Prishtina dhe Beogradi duhet të nisin diskutimet për ndryshime territoriale të hartës së dy shteteve.

Në një prononcim për KTV-në, ai tha se kjo është zgjidhja më e mirë për të siguruar stabilitet afatgjatë. Sipas tij, ky “shkëmbim territoresh” do të shpërblehej me statusin e vendit kandidat për Serbinë dhe njohjen nga pesë vendet e mbetura të Bashkimit Europian, për Kosovën.

Sipas Busek, është e arsyeshme që Presheva, Medvegja dhe Bujanovci, tre qytetet serbe me popullsi dërrmuese shqiptare dhe rrethinat e tyre, të përfshihen në shtetin kosovar. Nga ana tjetër, krahinat me popullsi serbe në veri të Kosovës do të kalonin në shtetin e tyre “nënë”.

”Jam i bindur që nëse bisedimet aktuale nuk do të sjellin asnjë zgjidhje, atëherë ndarja mbetet e vetmja mundësi”, u shpreh Busek.

Sa u përket bisedimeve mes Prishtinës dhe Beogradit, ai ka thënë se vetëm pas zgjedhjeve në Serbi do të krijohen kushte të favorshme për zhvillimin e bisedimeve.

Aleanca Kuqezi reagoi ashpër kundër fjalës së Erhard Busek, ndërsa theksoi se ndarja e Kosovës është një ide pa asnjë bazë.

”Kufijtë e Kosovës nuk janë dhe nuk mund të jenë një çështje pazaresh”, shkruante “AK” në një deklaratë të botuar për shtyp, mëngjesin e së dielës.

”Ne mbështesim projektin amerikan për Kosovën, pasi shkëmbimi i territoreve nuk është garanci për stabilitet. Propozimi i Erhard Busek nuk është aspak konstruktiv për rajonin”, vlerësoi Aleanca./tch/

Ballkani drejt ndryshimit të kufijve

2012-02-02T19:07:00.000+01:00

Një raund të ri ndryshimi kufijsh do të kemi së shpejti në Ballkan. Kosova dhe Bosnje e Hercegovina janë ende dy vende politikisht dhe ekonomikisht të brishta, që jetojnë nën protektoriatin e vendeve perëndimore, së bashku me Maqedoninë.

Kështu thotë Instituti Gjerman për Cështjet Ndërkombëtare dhe Sigurinë, SWP, në bazë të një analize të kryer nga Dusan Reljic, ku nënvizohet se konfliktet etno-politike do të ndodhin sërish në këto tre vende.

Në dy dekadat e fundit konfliktet territoriale në zonën e ish-Jugosllavisë janë zgjidhur me tërheqjen e kufijve, gjë që rrallë ka ndodhur pa dhunë, vlerëson analiza.

Sipas saj, vendi ku harta politike ka mundësi të rishikohet është trekëndëshi i përbërë nga Shqipëria, Kosova dhe Maqedonia.

Kjo zonë dominohet kryesisht nga popullsia shqiptare, shumica e të cilës kërkon bashkimin në një shtet të vetëm. Kështu, nga një sondazh i kryer në vitin 2010 rezulton se:

81 për qind e popullsisë shqiptare në Kosovë kërkon një Shqipëri të Madhe, në Maqedoni të njëjtën gjë e kërkon 66 për qind e shqiptarëve dhe në Shqipëri 63 për qind.

Në vitin 2009, thuhet në web site-n e SWP, ambasadori amerikan në Tiranë u përpoq të bindte kryeministrin Sali Berisha që të largonte idenë e Shqipërisë së Madhe.

Por, lëvizja Vetëvendosje, forca e tretë parlamentare në Kosovë dhe që po përhapet me shpejtësi, ka ringjallur idenë në radhët e kombit shqiptar në Ballkan, duke e vendosur atë në majë të prioriteteve të saj.

Gjithashtu, edhe serbët e Kosovës refuzojnë të jenë pakicë në një shtet me shumicë shqiptare, gjë që sipas SWP, bën më të fortë hipotezën për një rishikim të kufijve në Ballkan.

Shpërthimi i një konflikti të ri etno-politik do të godiste në zemër Evropën jug-lindore dhe investimet që Shtetet e Bashkuara dhe vendet e Evropës perëndimore kanë bërë atje.

Vendet e Ballkanit perëndimor janë të kufizuara nga vendet anëtare të BE, kështu që cdo destabilitet në to do të kishte impakt edhe në vendet fqinje, kryesisht në formën e emigracionit.

Për rrjedhojë, qëndrimet e ndryshme politike mes Shteteve të Bashkuara dhe Evropës perëndimore për Ballkanin me shumë mundësi do të ridalin në sipërfaqe.

Nga ana tjetër, pesë vendet anëtare të BE që nuk e kanë njohur ende pavarësinë e Kosovës nuk po japin shenja për një ndryshim të qëndrimit të tyre.

Gjithashtu, përballjet e Kinës dhe Rusisë me Perëndimin për politikat e fundit në Ballkan, që nuk janë harruar, ka shumë mundësi që të rishfaqen në arenën ndërkombëtare, vlerëson më tej analiza. /tch/

Efektet e thanës

2012-01-31T20:13:00.000+01:00

Pemës i shfrytëzohen frutat, bërthamat, gjethet dhe korubat e drurit apo degëve. Frutat e thanës përmbajnë rreth 9% sheqer, acide organike, vitaminë C etj. Thanat, jo vetëm që hahen të freskëta, por ato hahen edhe si komposto dhe marmelatë.

Gjethet përmbajnë 10 deri 15% taninë. Frutat e thanës kanë veti të mira për qitjen e barkut të verës, sidomos te fëmijët. Merren një kg thana gjysmë të pjekura. Zien me sheqer dhe bëhet reçel.

Nga ky reçel u jepet fëmijëve nga 2 lugë kafeje në ditë për ndaljen e barkut. Të sëmurëve me acid (që u është mbledhur uji në bark), u këshillohet kjo përgatitje dhe përdorim, merren një grusht thana gjysmë të pjekura ose të thata dhe zihen me një litër ujë për një orë e mandej kullohet.

Ky lëng përzihet me çajin e fituar nga shegët e egra. Nga kjo përzierje lëngjesh të tharta, merret nga një lugë gjelle, sa herë që i sëmuri të ketë etje për ujë.

Edhe bërthamat e frutave të thanës kanë veti të mira rrudhëse dhe ndalojnë të dalët shpesh të barkut.

Faqet e internetit kundër Islamit ndiqen nga afër prej njësive të sigurisë

2012-01-31T19:59:00.000+01:00

Lartësimi i racizmit në Evropë ka përshkallëzuar armiqësinë kundër Islamit dhe sulmet kundër myslimanëve.

Pas sulmit në Norvegji, një çetë raciste që u zbulua në Gjermani, nxori edhe një herë në dritë, mangësinë në marrjen e masave përkundrejt organizatave terroriste prej forcave të sigurisë.

Gjermania pas ngjarjeve të fundit filloi të marrë në vëzhgim të afërt ata që shfaqin armiqësi kundër Islamit nëpër faqet e internetit.

Edhe sulmi i përgjakshëm në Norvegji, e tërhoqi vëmendjen drejt uebsajteve që bëjnë propagandë armiqësore kundër Islamit.

Është zbuluar se Breivik, autori i sulmeve në Oslo është ushqyer nga faqet e internetit kundër Islamit.

Por një e vërtetë e hidhur është se faqet e internetit në fjalë nuk janë ndjekur prej njësive të sigurisë.

Organizata për Mbrojtjen e Kushtetutës e cila është përgjegjëse për shërbimin informativ të brendshëm në Gjermani i ka marrë në një vëzhgim më të afërt faqet e internetit të cilat nxisin armiqësinë kundër Islamit.

Në deklaratën e bërë prej Organizatës së Mbrojtjes së Kushtetutës Federale thuhej se pas sulmeve, faqet e internetit të cilat përpiqen të përhapin pikëpamjet raciste kanë filluar të ndiqen edhe më nga afër.

Si përfundim i hetimeve të bëra në internet, është hapur proces gjyqësor për një ish autoritet të Landit të Bavierës nga Partia e Bashkimit Kristian-Demokrat e cila aktualisht është në pushtet.

(TRT)

Mandarinat, shumë të dobishme për shëndetin tonë

2012-01-31T17:01:00.000+01:00

Vlerat e larta ushqyese te frutave jane te njohura per te gjithe.

Citruset (agrumet) janë familja e frutave që kontribuojnë për shëndet më të mirë, freskinë e trupit dhe bukurinë e tij në shkëlqim të plotë.

Ndër citruset më të njohura mjaft të pasura me vitamine E, minerale të ndryshme janë portokalli, limoni, mandarina dhe të tjera. Lëngu i mandarinës ka kalcium, kalium, magnez, fosfor, hekur, zink, bakër si dhe disa anti-oksidues dhe disa tjera materie kimike bimore.

Për nga përmbajta mandarina është deri diku e ngjashme me portokallin. Përderisa 100 gram mandarine përmbajnë 30 mg vitaminë C, 100 gram portokall përmban 50 mg vitaminë C. Përveç vitaminës C, 100 gram mandarina ka 160 mg kalium i cili luan rol në punën e mirë të zemrës, pastaj vitaminat e grupit B, minerale, kalcium, magnez, zink etj.

Në përgjithësi, këto fruta kanë vlera të vogla energjetike. 100 gram mandarina na japin vetëm 34 kilo kalori. Mandarina është e pasur me fibra të cilat e ndihmojnë procesin e tretjes. Materiet kimike më të rëndësishme të mandarinës janë flavonoidet dhe terrenet, si dhe ksantofili që i jep mandarinës ngjyrën e portokalltë. Ky frut në vete përmban beta-karotine, të cilat gjatë shpërbërjes në organizimin e gjitarëve ndihmojnë në sintezën e vitaminës A e cila ndihmon për shikim (sy) si dhe lëkurë të butë.

Nëse keni përjetuar javë stresuese, nuk jeni ushqyer në rregull apo keni probleme me tretje të ushqimit, një de-toksifikim i organizmit me aromë të mandarinës do t’ju ndihmoj shumë.

Lëvorja e mandarinës, si dhe e portokallit dhe limonit, përmbajnë vajra eterik. Ato mund të përdoren si shtesa për kulaçe, komplote, çaje madje edhe si shtesa për banjë mjekuese.

Nëse dëshironi të relaksoheni në banjë mjekuese për lëkurë të freskët dhe të pastër, apo kundër pagjumësisë, vaji eterik nga lëvorja e mandarinës është jashtëzakonisht e mirë dhe vepron edhe si antiseptik. Banjën aromatike mjekuese e përgatitni duke i vendosur në ujë të ngrohtë lëvoret e thara dhe të njoma të mandarinës.

Përndryshe në restaurante të ndryshme, lëvorja e mandarinës përdoret edhe si pjesë përbërëse e sallatave dhe gjellëve të ndryshme./zhurnal

Maqedonas i vën flakën kishës ndërsa myslimanët u përpoqën ta ndalin zjarrin

2012-01-31T16:51:00.000+01:00

Kryetari i Strugës Ramiz Merko në linjë telefonike për Alsat deklaroi se dëshmitar okular kanë vërejtur se zjarri është vënë nga besimtar të konfesionit ortodoks derisa ata mysliman kanë dalur dhe kanë ndihmuar në shuarjen e zjarrit. Ai ka apeluar që të ulen tensionet, dhe u shpreh se e rëndësishme është që zjarri është lokalizuar.

Të njëjtën gjë kanë pohuar edhe disa banor të Llabunishtës të cilët janë paraqitur në Alsat dhe kanë bërë me dije se zjarrin kishës ia kanë vënë dy persona të konfesionit ortodoks, identiteti i tyre dihet dhe se policia është në kërkim të tyre.

Në linjën telefonike për Alsat kryetari i Strugës Ramiz Merko tha se bashkëjetesa në Strugë ka qenë në nivel të shkëlqyer dhe se sipas tij të gjitha këto incidente janë imponuar nga një komunë tjetër duke aluduar në komuën e Vevçanit. Incidentit në fjalë i paraprinë ndodhitë e fundit në rajonin e Strugës, posaçërisht pas karnavalit të Vevçanit ku u fyen myslimanët. Informata më të hollësishme në edicionet e nesërme. /Alsat-M/

Rrënohet çdo monument islam në qytetet palestineze të pushtuara

2012-01-31T16:35:00.000+01:00

Monumentet arkeologjike islame të qyteteve Tiberia dhe Bisan, brenda tokave të pushtuara të 1948, përjetojnë një fushatë shkatërrimi të plotë nga ana e autoriteteve izraelite, por edhe të ekstremistëve çifutë.

Tiberia është qyteti i parë palestinez i cili ra në duart e sionistëve në prill të 1948. Varrezat myslimane të qytetit kanë rënë pre e arrogancës së autoriteteve të ministrisë së transportit, të cilat duke prishur këtë varrezë, synojnë zgjerimin e varrezave hebraike. Pjesa e mbetur e varrezave myslimane, ka rënë pre e ndërtimit të një rruge.

Ajo që ndodh me varrezën myslimane në Tiberia, ndodh dhe me varrezat e qyteteve të tjera si varreza e pavarësisë në qytetin Haifa, varreza Abdunebi në Jafa, varreza Memen Allah në Kudsin e pushtuar (Jeruzalem) e shumë të tjera. Mbi varrezat myslimane ndërtohen rrugë, hotele dhe institucione të tjera.

Sipas Fondacionit Aksa, për ruajtjen e trashëgimisë islame, një numër varresh palestineze në Tiberia ranë pre e fadromave izraelite, me pretekstin se aty do të ndërtohej një parking dhe disa tualete. Kurse xhamia Bahr, e cila ndodhet në qytetin e vjetër në Kuds, është shndërruar në një muze nga autoritetet izraelite, të cilit më pas iu vu flaka dhe tani është mbushur plot mbeturina. E njëjta gjë ka ndodhur me xhaminë Umeri e ndërtuar nga osmanlinjtë, e cila është shndërruar në një vend ku hidhen mbeturinat.

Haxhi Muhamed Serhan, 86 vjeç, deklaron për Alxhazira se është dëbuar nga qyteti Bisan dhe tani jeton në një fshat. Ai thotë se herë pas here shkon të vizitojë varrezat myslimane në qytet, të cilat janë shpërfytyruar nga sulmet e ekstremistëve hebrenj, të nxitur nga autoritetet izraelite. Ai tregon se një herë në muaj, e viziton varrezën myslimane, për tu kënduar një Fatiha të vdekurve dhe nënës së tij.

I moshuari rrëfen se pre e sulmeve të ekstremistëve çifutë ka rënë dhe varreza e krishterë e qytetit, e cila ndodhet përbri asaj myslimane. Ai thotë se varreza e krishterë ka qenë shumë e madhe dhe se kushedi sa herë ka marrë pjesë në funeralet e të njohurve të krishterë.

Në raportin e tij më të fundit, Fondacioni Aksa për ruajtjen e trashëgimisë, tregon se vitin e kaluar numri, janë shënuar mbi shtatëdhjetë sulme ndaj objekteve të shenjta islame. Janë shembur tre xhami, janë djegur shtatë të tjera, janë prishur me dhjetëra varre me fadroma etj... Këtu nuk bëjnë pjesë sulmet e njëpasnjëshme ndaj xhamisë Aksa. /ardhmeriaonline/

Coca-Cola, rrezik steriliteti te meshkujt

2012-01-28T19:17:00.000+01:00

Meshkujt duhet të kufizojnë përdorimin e Coca- Colës. Përbërësit që ka kjo pije janë në gjendje të provokojnë sterilitetin tek ata. Ky është rezultati i studimit të Rigshospitalet në Kopenhagen (Danimarkë), drejtuar nga doktoresha Tina Kold Jensen dhe publikuar në “American Journal of Epidemiology”.

Ekipi i Jensen ka vëzhguar 2.500 meshkuj të rritur, duke analizuar ushqimin, spermën dhe numrin e spermatozoideve.

Sipas rezultateve, personat që bëjnë një jetë të shëndetshme, duke reduktuar pijen në fjalë, paraqisnin një mesatare prej 50 milion spermatozoidesh për çdo mililitër spermë, ndryshe nga dashamirët e kësaj pijeje ku kjo shifër reduktohej me rreth 30%. Ata që pinin një litër Cola në ditë kishin një rënie të theksuar të spermatozoideve.

Arsyes se përse shkaktohej kjo humbje e pjellorisë, shkencëtarët ende nuk i kanë dhënë përgjigje.

Nëse mund të jetë shkaku kafeina, studime të tilla kanë treguar se kafja nuk prodhon efekte të ngjashme. Ndaj, ekspertët danezë janë duke bërë një verifikim të mëtejshëm. /albeu/

Reuters: Kaos dhe dhunë në Greqi, pas falimentimit

2012-01-28T17:16:00.000+01:00

Agjencia e lajmeve Reuters paralajmëron kaos dhe trazira sociale në Greqi pas një falimentimi të mundshëm.
Agjencia prestigjoze në shkrimin e saj kushtuar Greqisë, flet për një shpërthim të pakontrolluar të dhunës në rast të falimentimit të shtetit.
Autori i shkrimit e krahason situatën në Greqinë e falimentuar, me Argjentinën, ku pati konflikte të rënda, dyqane të plaçkitura, madje edhe jetë të humbuara.
“Në rastin më të mirë, nëse kreditorët privatë tërhiqen nga ristrukturimi vullnetar i borxhit, një falimentim i çrregullt do të cojë në mbylljen e bankave greke për disa ditë, për t’i dhënë Athinës kohë të shmangë tërheqjen e menjëhershme të kapitalit, duke siguruar depozituesit që huadhënësit nuk do të zhduken”, shkruan Reuters.
"Në qoftë se negociatat dështojnë, fati i qytetarëve grekë dhe biznesmenëve varet shumë nga fakti nëse BE-ja, Banka Qendrore Evropiane dhe FMN do të qëndrojnë pranë vendit. Nëse ata nuk e bëjnë këtë, grekët të cilët janë të shqetësuar për fatin e depozitave të tyre, do të nxitojnë për tërhequr para nga bankat duke krijuar radhë jashtëzakonisht të gjata. Kjo do të jetë pasoja e parë dhe më e dukshme e krizës që do të ndikojë edhe më shumë vendin, që sapo ka hyrë në një vit tjetër të recesionit të thellë dhe kërkon ndihmë nga partnerët e vet. Dhe sigurisht, pas falimentimit, është e pamundur që vendi të mbetet brenda zonës euro", tha për agjencinë një bankier, që nuk është identifikuar.
"Dalja nga eurozona do të ishte një fatkeqësi absolute. Sipas skenarit më të keq, qeveria greke nuk mund të paguajë pagat dhe pensionet. Një falimentim do të pasonte në ekonominë e Greqisë, e cila do detyrohej të kërkojë daljen e saj nga zona e euros, vetëm një dekadë pas hyrjes së saj”, thuhet në shkrim.
Në përfundim, gazeta raporton se me qëllim që të shmanget skenari më i keq, ka shumë gjasa që Evropa të vazhdojë të mbështesë Greqinë dhe BQE të mbështesë bankat greke.
"Me pjesën e pasme të mendjes, udhëheqësit evropianë mendojnë edhe për mundësinë e humbjes së stabilitetit në rajon", tha për Reuters ish ministri i financave të Argjentinës, që udhëhoqi negociatat me kreditorët, pas rënies së vendit të tij, Nielsen Günter. Sipas tij, "Greqia luan shumë fort kartën gjeopolitike ... Pjesa tjetër evropiane duhet vetëm të plotësojë faturën".
Ndërkaq pavarësisht parashikimeve të Reuters, mësohet se bisedimet për prerjen e borxhit grek janë në rrugë të mirë. Bankierët dhe qeveria greke janë shprehur optimistë për fundin e tyre.
Kreu i IIF, Charls Dalaras tha pas bisedimeve të djeshme, se kishte "përparim të madh" për programin e shkurtimit të borxhit grek. Një njoftim i ngjashëm është lëshuar edhe nga Instituti Ndërkombëtar i Financave (IIF), ndërsa ministri grek i Financave Evangelos Venizelos tha se "jemi një hap përpara përfundimit të procedurave për PSI".
Një zyrtar i qeverisë greke, tha gjithashtu për Reuters se qeveria duhet të përpiqet të bjerë dakord në parim për marrëveshjen, deri në pasditen e së dielës. /balkanweb/

Holandë - Ndalohet perçja dhe ferexheja

2012-01-28T16:43:00.000+01:00

Në Holandë do të ndalohet mbajtja e perçes dhe e ferexhesë.

Qeveria holandeze miratoi projektligjin i cili ndalon përdorimin e veshjeve si perçja dhe ferexheja që mbulon tërësisht fytyrën e gruas.

Projektligji në fjalë u përgatit nga Ministria e Brendshme e Holandës dhe ai është miratuar edhe në Këshillin e Ministrave.

Sipas këtij projektligji, ndalohet mbajtja e ferexhesë dhe e perçes në publik.

Këshilli i Shtetit i Holandës mbron mendimin se ky ligj bie ndesh me lirinë e fesë.

Drafti pasi të miratohet edhe nga krahu i ulët i parlamentit dhe Senati do të hyjë në fuqi.

Ata që nuk e zbatojnë këtë ligj do të dënohen me 380 euro gjobë.

Projektvendimi i cili prej popullit holandez njihet me emrin "ligji i ndalimit të ferexhesë", zinte vend në programin e qeverisë së pakicës të mbështetur nga jashtë prej partisë raciste të Geert Wilders-it./trt/

Sot protestë kundër Karnevalit të Vevçanit (video)

2012-01-27T19:46:00.005+01:00

Struganët do të protestojnë kundër keqpërdorimit të vlerave islame në Karnevalin e Vevçanit që u mbajt javë më parë. Indinjata e banorëve ka inkurajuar Myftininë e BFIM-së në Strugës që ditën e premte me fillim në ora 13 e 30 të caktojë protestë në mbrojtje të vlerave islame. Karnevali i Vevçanit si manifestim organizohet me sponsorisim e Komunës së Vevçanit. Myftiu i Strugës, Ferat Polisi, konfirmon se protesta do të zhvillohet para godinës së selisë së Myftinisë, ndërkohë si itinerar do të ketë edhe parakalimin në disa rrugë kryesore të qytetit. Në këtë protestë në mbrojtje të vlerave islame, sipas Myftiut të Strugës, do të marr pjesë edhe kryetari i Komunës së Strugës Ramiz Merko dhe shumë qytetarë nga Struga dhe qytetet e tjera të vendit. Edhe vetë Merko e konfirmon pjesëmarrjen si dhe mbajtjen e një fjalimi para protestuesve. Para disa ditëve Myftinia e Strugës nëpërmjet një komunikimi me gazetarët kërkoi nga autoritetet më të larta të vendit që Komuna e Vevçanit, si organizatore zyrtare e Karnevalit, të mbajë përgjegjësi, ndërsa kryetari i komunës të japë dorëheqje të parevokueshme, sepse tallja me vlerat e fesë islame është e papranueshme dhe e rrezikshme për raportet ndërfetare në vend.

Myftinia e Strugës dhe vetë BFIM-ja e gjykon shumë ashpër këtë gjest tallës kundër myslimanëve në një aktivitet të sponsorizuar nga Komuna e Vevçanit, njëkohësisht kërkon nga Qeveria të marr masa ndaj kësaj komune dhe titullarit të saj. Kryetari i Komunës së Vevçanit, sipas kreut të myslimanëve të Strugës, pasi të dorëhiqet nga posti në krye të komunës, detyrimisht duhet të kërkoj falje publike para opinionit. “Si fillim kërkojmë nga Qeveria e RM-së dhe dikasteret përkatëse që Komuna e Vevçanit të shlyhet nga regjistri i Komunave të RM-së dhe me ngulm kërkojmë që kryetari i saj të jap dorëheqje të parevokueshme nga ky post dhe të kërkojë falje publike para opinionit”, u tha në reagimin publik të Myftinisë së Strugës dhe BFIM-së. Kryetarja e Komisionit për marrëdhënie ndërfetare, Valentina Bozhinoska, thotë se komisioni nuk ka ingernaca për të marr masa ndaj Komunës së Vevçanit, por thotë se ky organ ndërhynë dhe tejkalon mosmarrëveshjet vetëm atëherë kur shfaqen ndërmjet vetë komuniteteve fetare. Ndërkohë, deri tani sipas Bozhinoskës te ky organ akoma nuk ka ardhur një reagim nga BFIM-ja për këtë rast. ''Por nga ajo që kam parë në media mund të them se në këtë rast janë tejkaluar caqet, sepse nuk mund të përqeshen në atë mënyrë librat e shenjtë dhe simbolet e një besimi. Pavarësisht se në Komisionin tonë akoma nuk ka ardhur një ankesë zyrtare nga BFIM-ja, ne si Komision që kujdesemi për ndërtimin e raporteve të mira ndërfetare shumë shpejt do të reagojmë publikisht për këtë akt dhe do të kërkojmë që mos të luhet me ndjenjat dhe simbolet fetare në këtë mënyrë'', thekson Bozhinoska. Ndërkaq, Ministria e Kulturës është financuese e manifestimit. Zëdhënësja e këtij dikasteri, Anita Jovanovska, për këtë rast orienton në Komunën e Vevçanit, si organizatori kryesor i këtij manifestimi. Ndërkohë, kryetari i Komunës së Vevçanit Pero Ilievski, nuk pranon përgjegjësi për atin e shëmtuar. Thotë se Karnevali është një manifestim që zhvillohet prej shekujsh dhe karakter të tillë ka pasur gjithmonë. Vitin e kaluar tregon i pari i Komunës së Vevçanit janë përqeshur priftërinjtë dhe dukuri të tjera. Ndërkohë Ilieski nuk pranoi të komentoj reagimet e Myftinisë së Strugës dhe BFIM-së të cilat kërkojnë dorëheqjen e tij. Ai për më shumë informacion na rekomandoi të komunikojmë me shoqatat që organizojnë Karnevalin. Komuna e Vevçanit është ndarë para disa vitesh nga territori i ish komunës së Strugës dhe banohet prej afërsisht 2500 banorë, në pjesën dërmuese të etnisë maqedonase.

Reagon edhe FRI

Forumi Rinor Islam, nëpërmjet një komunikate drejtuar mediave, ashpër ka dënuar fyerjet të cilat iu bënë fesë islame dhe muslimanëve nga disa persona, apo grupe të pandërgjegjshëm që duan të prishin marrëdhëniet e mira ndërfetare në mesin e popullatës së Maqedonisë, e që kanë qenë shembull për rajonin dhe duhet të vazhdojnë të mbeten si të tilla. “Për ne është e papranueshme çdo lloj fyerje dhe urrejtje ndaj fesë islame dhe ndaj çdo feje tjetër, duke u tallur me parimet dhe normat themelore të feve, sepse aktet e tilla të papërgjegjshme mund të shpiejnë deri në probleme dhe incidente të paparashikueshme, që do ta dëmtonin në masë të madhe harmoninë, tolerancën dhe bashkëjetesën e shkëlqyeshme disa shekullore në këto troje. Gjithashtu, njoftojmë të gjithë ata qëllimkëqinjë se feja islame është shumë larg nga etiketimet e tilla banale dhe keqëdashëse. Pamjet dhe skenat që u shfaqën në Festivalin e Vevçanit ishin tronditëse, shokuese dhe joetike, e më e keqja është se ky festival financohet nga Ministria e Kulturës, para këto që mblidhen edhe nga tatimpaguesit muslimanë të këtij shteti dhe ky institucion nuk e pa të arsyeshme të dalë me reagim apo ndonjë formë tjetër të mospajtimit me veprimet e paraqitura në këtë eveniment të turpshëm”, thuhet në komunikatën e FRI-së. /koha/

Bota e Xhinnëve

2012-01-26T21:52:00.001+01:00

Kur’ani dhe Sunneti na tregojnë se xhinnët ekzistojnë dhe ekzistenca e tyre ka një qëllim në këtë jetë, i cili është që ta adhurojnë vetëm All-llahun Një, pa i shoqëruar shok apo ortak. All-llahu thotë në Kur’an:

“Unë nuk i krijova xhinnët dhe njerëzit për tjetër pos që të më adhurojnë’’ (EDH-DHARIJAT 56)

“O grumbull i xhinnëve dhe i njerëzve! A nuk ju erdhën nga mesi juaj të dërguar t’ju rrëfejnë argumentet e Mija ...?” (EL-EN’AME 130)

Bota e xhinnëve është një botë e pavarur dhe separate, që ka natyrën dhe tiparet e saja që janë të fshehura nga bota e njerëzve. Xhinnët dhe njerëzit kanë disa gjëra të përbashkëta, siq janë zotërimi i të kuptuarit dhe zgjedhja mes rrugës së mirë dhe rrugës së keqe. Fjala Xhinn vjen nga arabishtja që d.m.th.”i fshehur nga shikimi”. All-llahu thotë:

“Vërtetë ai (shejtani) dhe shoqëria e tij ju sheh, ndërsa ju nuk i shihni.” (EL-A’RAFE 27)

All-llahu na ka treguar në librin e Tij për esencen nga e cila janë krijuar xhinnët. Ai Subhanehu we te’Ala thotë:

“E xhinnët i krijuam më parë nga zjarri, nga flaka e fortë. (EL-HIXHER 27)

“Dhe Ai krijoi xhinnët nga flaka (pa tym) e zjarrit. (ER-RRAHMAN 15)

Bazuar në hadithin që tregohet nga Aisha radiAll-llahu anha, Pejgamberi salAll-llahu alejhi we sel-lem ka thënë: ”Melekët u krijuan nga drita, xhinnët u krijuan nga flaka e zjarrit, kurse Ademi u krijua nga ajo që u është përshkruar (dheu).” (transmeton Muslimi, 5314).

Llojet e xhinnëve

All-llahu ka krijuar lloje të ndryshme të xhinnëve. Ka prej tyre që mund të marrin forma të ndryshme, siq janë p.sh. qeni dhe gjarpri; disa janë që fluturojnë me krahë në hapësirë; dhe disa janë që udhëtojnë dhe kanë nevojë të pushojnë. Ebu Tha’labah el-Khushani ka thënë, se Pejgamberi salAll-llahu alejhi we sel-lem ka thënë: “Xhinnët janë tri llojesh: një lloj posedon krahë dhe këta fluturojnë në hapësirë; një lloj shfaqen si gjarpër dhe qen; dhe një lloj ndalet të pushojë për një kohë dhe pastaj e vazhdon rrugën.”(transmeton El-Tahaviu në Mushkil al-Athaar, 4/95, dhe el-Tabaraani në el-Kebir, 22/214. Sheikh el-Albani thotë në el-Mishkaat (2/1206, nr. 4148): el-Tahaviu dhe Abu’l-Shaykh kanë transmetuar me një zingjir të saktë (sahih).

Xhinnët dhe bijt e Ademit

Secili individ nga bijt e Ademit e ka një xhinn i cili është caktuar të jetë shoqërues i tij i vazhdueshëm (deri në vdekje, i cili quhet Kariin). Ibn Mas’udi ka thënë: "Pejgamberi i All-llahut salAll-llahu alejhi we sel-lem ka thënë: “Nuk ekziston asnjëri prej jush e të mos e ketë nje përcjellës të vazhdueshëm të caktuar. ”Ata i thanë: “Edhe ti, o i Dërguar i Allahut?” Ai salAll-llahu alejhi we sel-lem tha: “Edhe unë, mirëpo All-llahu më ka ndihmuar dhe ai është nënshtruar, kështuqë ai vetëm më ndihmon që të bëj mirë.” (Transmeton Muslimi, 2814).

El-Neveviu ka thënë në komentimin e tij për Muslimin (17/175): “Ai është nënshtruar … ai është bërë besimtar musliman.” Ky është kuptimi i saktë. Duke e konsideruar këtë thënie, El-Kaadi ka thënë: “Dije, se ummeti është pajtuar në çështjen se Pejgamberi salAll-llahu alejhi we sel-lem është i mbrojtur nga shejtani, fizikisht dhe mentalisht.” Ky hadith referon në paralajmërimin e fitnes (sprovës, tundimit) dhe pëshpëritjes së Kariin-it (shoqëruesit të vazhdueshëm që është prej xhinnëve). Ne e dijmë se ai është me ne, prandaj duhet të ruhemi nga ai aq sa kemi mundësi.

Aftësitë e xhinnëve

All-llahu u ka dhënë xhinnëve disa aftësi, që ne njerëzve nuk na ka dhënë. All-llahu na ka treguar për disa nga aftësitë e tyre, siç është aftësia e lëvizjes dhe udhëtimit shumë të shpejt. Një ifriit nga mesi i xhinnëve ka garantuar Sulejmanin alejhi selam se ai mund ta sjell fronin e mbretrëshes së Jemenit në Jeruzalem më shpejt sesa një njeri që qohet në këmbë prej vendit ku ka qenë ulur. All-llahu thotë:

”Njëri prej xhinnëve të vrazhdë (Ifriti) tha: “Unë do ta sjell atë ty para se të ngrihesh nga vendi yt, unë për të kam fuqi dhe jam i sigurt! E ai i cili kishte dituri nga libri tha: “Unë ta sjell atë ty sa çel e mshel sytë (këtij i tha sille)!”E kur e pa atë (fron) të vendosur pranë tij, (Sulejmani) tha: “Kjo është dhuntia e Zotit tim ...” (EN-NEML 39-40)

Ushqimi dhe pirja e Xhinnëve

Xhinnët hanë dhe pinë. Ibn Mes’udi radiAll-llahu anhu ka thënë: "Pejgamberi i All-llahut salAll-llahu alejhi we sel-lem ka thënë: “Disa nga xhinnët më kanë thirrur dhe unë kam shkuar me ta dhe kam recituar Kur’an për ta.” Ai salAll-llahu alejhi we sel-lem na ka marrur dhe na ka treguar gjurmët e tyre ku kanë qëndruar dhe gjurmët e zjarrit të tyre.

Ata (xhinnët) e kanë pyetur Pejgamberin salAll-llahu alejhi we sel-lem për ushqimin dhe ai ka thënë:”Ju mund ta hani secilën kockë mbi të cilën është përmendur emri i All-llahut e që është në posedimin tuaj, dhe të gjitha jashtëqitjet janë për kafshët tuaja.”

Pejgamberi salAll-llahu alejhi we sel-lem na ka porositur (njerëzit): “Mos u pastroni (prej jashtëqitjes) me jashtëqitje kafshësh dhe as me eshtra, sepse ato janë ushqimi i vëllezërve tuaj prej xhinëve" (transmeton Muslimi, 450).

Sipas një transmetimi tjetër: “Një delegacion nga xhinnët e Nasiibiin-it kanë ardhur tek unë, e sa xhinnë të mirë që janë ata! Ata më pyeten për ushqim dhe unë bëra tek All-llahu dua për ta, që mos të kalojnë në eshtra dhe jashtqitje pa gjetur ushqim në to.” (transmeton Buhariu, 3571).

Xhinnët besimtarë mund të hanë secilën kockë mbi të cilën është përmendur emri i All-llahut, sepse Pejgamberi i All-llahut salAll-llahu alejhi we sel-lem nuk ua ka lejuar atyre të marrin dicka mbi të cilën nuk është përmendur emri i All-llahut – këtë e bëjnë vetëm xhinnët që janë jobesimtar.

Egërsirat në mesin e xhinnëve

Sipas hadithit që tregohet nga Ibn Mes’udi radiAll-llahu anhu, të cilin e cituam më lart, xhinnët e kanë pyetur Pejgamberin salAll-llahu alejhi we sel-lem për furnizim, dhe ai salAll-llahu alejhi we sel-lem iu përgjigj: “... dhe [ju mund të mirni] jashtëqitjet si ushqim për kafshët tuaja.”

Vendbanimet e xhinnëve

Xhinnët jetojnë në këtë tokë, ashtu sikurse ne. Ata zakonisht gjenden në vende të pabanuara dhe vende të papastërta siç janë wc-të, fëlliqësirat, mbeturinat dhe varrezat. Prandaj Pejgamberi salAll-llahu alejhi we sel-lem na ka mësuar të kemi kujdes kur vizitojmë vende të tilla duke recituar lutjet që i ka paraparë Islami. Një nga këto lutje është transmetuar nga Enes ibn Maliku, radiAll-llahu anhu, i cili ka thënë: “Kur Pejgamberi salAll-llahu alejhi we sel-lem hynte në banjo/wc, ai thoshte: ‘Allahume innee e’udhu bike min el-khubuthi we’l-khabee’ith (O Allah, kërkoj mbrojtje tek Ti nga shpirtkqinjët/ të papastërtit meshkuj dhe femra)" (transmeton Buhariu, 142; dhe Muslimi, 375). El-Khattaabi ka shpjeguar se fjala khubuth është shumësi i fjalës khabeeth (shpirtkeq apo i papastërt – forma maskuline), dhe khabaa’ith është shumësi i fjalës khabeethah (shpirtkeqë apo e papastërt – forma feminine), dhe kjo nënkupton shejtanët meshkuj dhe femra.

Disa xhinn janë muslimanë, disa janë jobesimtarë

All-llahu na tregon se disa nga xhinnët thanë:

“Është e vërtetë se prej nesh ka besimtarë (muslimanë) dhe prej nesh ka që janë jashtë rrugës (jobesimtarë), e kush e pranoi islamin, të tillët mësynë rrugën e shpëtimit. Ndërsa, ata që lëshuan rrugën, ata u bënë lëndë e xhehennemit! (EL-XHINN 14-15)

Muslimanët në mesin e xhinnëve janë të rangut të ndryshëm sa i përket drejtësisë dhe devotshmërisë së tyre. All-llahu thotë:

Është e vërtetë se prej nesh ka të mirë, por ka edhe që nuk janë të mirë, sepse ne kemi qenë në drejtime të ndryshme. (EL-XHINN 11)

Ngjarja e xhinnit të parë të këtij ummeti që është bërë musliman është treguar nga ‘Abdullah ibn ‘Abbaasi radiAll-llahu anhu, i cili ka thënë: "Pejgamberi salAll-llahu alejhi we sel-lem doli jashtë me disa nga sahabët për të shkuar në tregun Ukaaz. Kjo ishte në kohën, kur shejtanët pengoheshin të marin ndonjë lajm nga qielli dhe yjet e ndezura i goditnin ata. Shejtanët u kthyen prapa tek populli i tyre, i cili u tha: “Çfarë ndodhi me ju?” Ata thanë: “Ne nuk mund të marim asnjë lajm nga qielli dhe jemi qëlluar me yje të ndezura.”Populli i tyre tha: “Asgjë tjetër nuk është duke ju ndalur nga të dëgjuarit e lajmeve nga qielli përveq ndonjë ngjarje e re që duhet të ketë ndodhur. Shkoni dhe kërkoni në lindje e perëndim të kësaj toke dhe zbuloni se cfarë është duke ju ndalur nga të dëgjuarit e lajmeve prej qielli.” Ata që kanë shkuar në drejtim të Tihaames, erdhen tek Pejgamberi salAll-llahu alejhi we sel-lem në Kahlah, ndërsa ai ishte duke udhëtuar për në Ukaaz, dhe e gjetën atë salAll-llahu alejhi we sel-lem duke iu prij shokëve të tij në namazin e sabahut. Kur e dëgjuan Kur’anin, qëndruan duke e dëgjuar atë dhe thanë, “Pasha All-llahun, kjo është ajo që na pengon ne nga të dëgjuarit e lajmeve nga qielli.” Pastaj u kthyen tek populli i tyre dhe thanë:

“O populli ynë, ne kemi dëgjuar nje recitim të mrekullueshëm (Kur’anin). Ai udhëzon në rrugën e drejtë dhe ne i kemi besuar atij dhe ne kurrë nuk do t’i bëjmë shok (në adhurim) Zotit tonë (All-llahut).”

“Ne kemi dëgjuar një Kur’an që mahnit, që udhëzon në të vërtetën, andaj ne i besuam atij dhe Zotit tonë, kurrsesi nuk do t’ia shoqërojmë më askë”. (EL-XHINN 2)

Pastaj All-llahu subhanehu we Te’Ala i shpalli Pejgamberit të Tij salAll-llahu alejhi we sel-lem:

Thuaj: “Mua më është shpallur se një grup i vogël nga xhinnët i vuri veshin dhe dëgjoi (Kur’anin) (EL-XHINN 1) dhe Allahu ia zbuloi atij atë që e kanë thënë xhinnët.” (transmeton Buhariu, 732).

Llogaritja e tyre në Ditën e Gjykymit

Xhinnët do të japin llogari në Ditën e Ringjalljes. Muxhahidi (rahimehullah) ka thënë për ajetin:

Ata (idhujtarët) pohuan mes Tij e mes engjëjve (xhinnëve) lidhmëri farefisnore, po xhinnët e dinë se ata (idhujtarët) janë të hedhur në zjarr. (ES-SAFATE 158)

"Ata do të miren në përgjegjësi.” Sahih el-Buhariu, Baab Dhikr el-xhinn we Thawaabihim wa ‘Ikaabihim.

Mbrojtja nga dëmi i xhinnëve

Ngase xhinnët mund të na shohin ne, ndërsa ne nuk mund ti shohim ata, Pejgamberi salAll-llahu alejhi we sel-lem na ka mësuar shumë mënyra si ta mbrojmë veten nga dëmi i tyre, si për shembull të kërkojmë mbrojtje tek All-llahu nga shejtani i mallkuar, recitimi i sureve El-Felek dhe En-Nas (dy suret e fundit të Kur’anit) dhe recitimi i fjalëve që na ka mësuar All-llahu në Kur’an:

“Dhe thuaj: “O Zot i im, unë mbrohem me Ty prej cytjeve të djajve! Dhe mbështetem te Ti që ata të mos më afrohen!” (EL- MU’MINUNE 97-98)

Të themi Bismil-lah (Në emër të All-llahut) para se të hyjmë në shtëpi, para se të hajmë apo të pijmë, dhe para se të kemi mardhënie – kjo do ta ndalon shejtanin të hyjë në shtëpitë tona, të hajë apo të pijë bashkë me ne, apo të mer pjesë në mardhëniet seksuale. Ngjashëm, përmendja e All-llahut para hyrjes në wc apo para se të zhvishen rrobat, e ruajnë personin që mos ta shohin xhinnët avretin e tij apo ta dëmtojnë atë, siç ka thënë Pejgamberi salAll-llahu alejhi we sel-lem:"Në mënyrë që të vendoset një barrier e cila do t’i pengojë xhinnët ta shohin avretin e bijve të Ademit, thoni “Bismil-lah” para se të hyni në wc.” (Transmeton Tirmidhiu, 551; Saheeh El-Jaami’, 3611).

Forca në iman dhe në fe në përgjithësi na ruan nga dëmi i xhinnëve aq shumë saqë nëse do të luftonin, ai që ka devotshmëri do të fitonte. Abdullah ibn Mesudi radiAll-llahu anhu thotë: "Një njeri nga shokët e Muhammedit salAll-llahu alejhi we sel-lem e takoi një xhinn. Ata u kacafytën dhe njeriu e rrëzoi xhinnin. Njeriu i tha atij (xhinnit): Ti më dukesh i vogël dhe i dobët (kockë e lëkurë), dhe krahët/duart e tua më duken sikurse pjesa e përparme e një qeni. A duken të gjithë xhinnët kështu si ti?” Ai tha: “Jo, pasha All-llahun, unë jam njëri prej të fortëve, por eja kacafytemi prap dhe nëse më mund prap, atëher do të tregoj diçka që do të bën ty dobi.”Njeriu tha: “Mire.” Pasi që njeriu e mundi prap xhinnin, xhinni i tha: “Recito All-llahu është një, nuk ka zot tjetër përveç Atij. Ai është mbikqyrës i përhershëm dhe i përjetshëm. Atë nuk e kap as kotja as gjumë, gjithçka ka në qiej dhe në tokë është vetëm eTij. Kush mund të ndërmjetësojë tek Ai, pos me lejen e Tij, e di të tashmen që është pranë tyre dhe të ardhmen, nga ajo që Ai di, tjerët dinë vetëm aq sa Ai ka dëshiruar, Kursija e Tij (dija-sundimi) përfshijnë qiejt dhe tokën. Kujdesi i Tij ndaj të dyjave, nuk i vjen rëndë, Ai është më i larti, më i madhi. ( Ajetul-Kursi - EL-BEKARE 255)

Njeriu tha: “Mirë!” Ndërsa xhinni ia ktheu: “Nuk do ti recitosh kurrë këto ajete në shtëpinë tënde, vetëm se Shejtani do të del jashtë sikur një gomar, dhe nuk do të kthehet më deri në mëngjesin tjetër (transmeton el-Daarimi, 3247).

Kjo është një përmbledhje e shkurtër për xhinnët, për natyrën dhe karakteristikat e tyre.

All-llahu është mbrojtësi më i mirë.

Marrë nga: islamicemirate.com

Përktheu: Ebu Muslim

Zjarri nuk dogji Kuranin (video)

2012-01-26T17:42:00.002+01:00

Novi Pazar - Zjarri që përfshiu xhaminë Muhaxhir në Novi Pazar dogji të gjitha, por jo edhe faqet e librit te Allahut - Kur'anin.

Kongregacioni dhe banorët lokal kanë dëshmuar për të, dhe ranë dakord që kjo mbetet një mrekulli, Që çdo gjë tjetër, duke përfshirë edhe ndërtimet metalike janë djegur. Këtë ngjarje regjistuan edhe televizionet lokale dhe ato serbe.

Shihni videon e më poshtme./mesazhi/

Hebrenjtë pranojnë Islamin

2012-01-24T19:14:00.000+01:00

Gazeta izraelite Yediot Aharonot publikoi këto ditë rezultatet e studimeve për pranimin e Islamit në mesin e hebrenjve në Izrael.

Sipas studimeve të bëra nga profesori Yitzhak Ritter, brenda vitit në Izrael, rreth njëzet hebrenj konvertohen në islam. Sipas këtij studimi Islami tek hebrenjtë vjen nëpërmjet kanaleve televizive satelitore dhe internetit.

Është interesante se në Izrael ekzistojnë shumë shoqata që zhvillojnë aktivitete me hebrenjtë e konvertuar në Islam.

Shoqatat të tilla si “Yad not Haim” zhvillojnë shumë aktivitete për t’i bindur hebrenjtë myslimanë të largohen nga Islami.
Daiu më i famshëm hebre në Izrael është Yusuf al-Khattab, respektivisht Joseph Cohen. Për davetin e tij profesor Yitzhak Ritter thotë:” Në 30 vitet e fundit, nuk kam parë person më aktiv që fton hebrenjtë në Islam në shtetin e Izraelit”. /igj/

Pjetro Bogdano Macedono

2012-01-20T22:52:00.000+01:00

Avni AVDIU

Reagimet mund të jenë: a) emocionale, kur në mungesë të fakteve përdoren sharje, etiketime e mallkime b) agresive, kur përdoret forca fizike ose likuidimi dhe c) argumentuese, kur përdoren faktet. Ata që shkruajnë punime shkencore, disertacione të doktoratës etj. e dinë se si shkruhet me fakte: së pari mbiemri i autorit, pastaj emri, titulli i librit, vendi i botimit, shtëpia botuese, viti i botimit, citati dhe në fund faqja e librit.

Në lidhje me Pjetër Bogdanin unë kam problem me faktet historike, të cilat dëshmojnë kundër tij, kurse ata që kanë problem me emocione u preferoj t’u drejtohen barnatoreve për ilaçe qetësuese. Siç përcjell nga dokumentet autentike origjinale studiuesi e historiani i shquar anglez, më i njohur dhe i gjithëpranuar i çështjes shqiptare, Noel Robert Malcolm, Pjetër Bogdani ka mohuar se Kosova është pjesë e Shqipërisë dhe e shihte si pjesë të Serbisë. Për këtë edhe u angazhua dhe luftoi. Iu bashkëngjit forcave serbe dhe së bashku me to bëri kërdi e masakër ndaj shqiptarëve të Kosovës e Maqedonisë.

Kush nuk beson, le të lexojë gjerësisht në: Malcom, Noel, ‘A Short History’. New York: New York University Press, 1998, Kapitulli: ‘Pushtimi Austriak’ dhe 'Migrimi i Madh' 1689 -1690, f.149. Fakti që partitë politike e morën figurën e tij për ta glorifikuar, lidhet me gjasë nga kompromisi që mund të kenë bërë me kryeministrin maqedonas Gruevski, sepse ka shumë shkrime serbe të bazuara në dokumente arkivore që argumentojnë se ai maskohej e s’donte të identifikohej si shqiptar, herë quhej Pjetro Bogdano Macedono e herë Petar Bogdanoviç, mburrej të quhej administrator i Mbretërisë së Serbisë; sërbisht: BOG-Zot, DAN-ditë etj. Po të mos ishte kështu, serbët nuk do ta lavdëronin, as s’do ta donin aq shumë!!! Studiuesit komunistë, me direktiva të partisë prosllave PPSH (PKSH) i heshtën këto fakte dhe i kamufluan me sajesa të tyre, për hir të vëllait (serb) të vëllait të madh (rus). Pra Pjetër Bogdanin e ngritën jaranat e Stalinit, Milladin Popoviqit e Dushan Mugoshës.

Ne po e jetojmë procesin e mutacioneve ideologjike, një kohë kjo e ngjashme me komunizmin, atëherë kur ‘nëna’ parti e futi në Index Librorum Prohibitorum librin ‘Lahuta e Malcisë’ vetëm pse e kishte shkruar një prift (Gjergj Fishta), edhe pse ky libër ka vargje të bukura për liri dhe atdhedashuri. Edhe në demokraci sikurse në komunizëm, na ndodh që partia t’i caktojë figurat ‘më të mira’ historike. Pse pikërisht P.Bogdani në Maqedoni, e jo ndonjë figurë tjetër,?!; pse ka shkruar diçka shqip. Paj edhe Sinan Hasani (1922-2010) mor burra ka shkruar shqip, bile edhe më bukur se ai (romani “Era dhe lisi”), por ç’i vlen kur tërë jetën ua kushtoi serbëve. “Me rrugën e së keqes nuk arrihet tek e mira”(Sheksipiri). Përçarësit qëllimkëqinj këtë e implikojnë në konotacion religjioz. Kur lavdëroj ndonjë figurë krishtere akuzohem se më paguan Papa-Roma, kur e kritikoj akuzohem për talibanizëm. Këto gjëra miskine s’çojnë peshë tek unë. Mua më intereson vetëm e vërteta, faktet dhe asgjë tjetër.

Unë s’mund të rri heshtur nëse nesër dikujt i teket ta shpall patriot Ali Shukriun ose Rrahman Morinën. Për mua patrioti i krishter është miliarda herë më i afërt se muslimani tradhtar. Siç thuhet në Bibël fjala mbetet dhe me fjalën filloi gjithçka; dhe mbaron. Unë edhe njëherë për hir të së vërtetës e ritheksoj këtë fjalë-dëshmi, këtë qëndrim dhe këtë argument. Megjithatë, unë e pranoj se e ndiej veten të pafuqishëm përballë turmës shqiptare, sepse bustin e atij që së bashku me serbët na masakroi stërgjyshërit tanë shqiptarë, do ta ngrisin 361.850 duar ‘inosente’ të shqiptarëve të Maqedonisë. Psikologjikisht ky absurd ndërlidhet me formën mazohiste të ‘ikjes nga liria’ (që e ka shtjelluar sociopsikologu Erih From). P.Bogdani parathënien "lexuesit të nderuar" e përfundoi sikur ta anticiponte me fjalët:"Ta kesh me dije se unë shkrova për njerëz të padijshëm…”;. Dhe unë s’kam çfarë t’u bëjë simpatizantëve të tij, sepse dituria arrihet me studim intenziv dhe dijen s’mund t’ia imponoj askujt. Ritualxhinjtë formalistë do të kënaqen me një psherëtimë që gjoja do ta mërmërisin në vete kinse në shenjë pakënaqësie, duke u ruajtur fort që të mos i ketë dëgjuar dikush, të cilit mund t’ia prishin qejfin.

Çfarë t’u bëj; breshka elefant s’bëhet. Nga ana tjetër disa kuazipatriot patetik do të simulojnë hiperpatriotizëm (me zhargonin postmodernist amalgamë e super dhe pseudos). Sa për kuriozitet shumica e ish-tucave në kohët më të vështira, tani shtiren si megapatriotë, të cilët shumë lehtë të shpallin renegat nëse nuk mendon si ata. Sinqerisht kjo është për të të ardhur keq. /lajmpress/

Zbulohet llamba elektrike LED me efikasitet të rrallë

2012-01-19T16:14:00.000+01:00

Zbulohet llamba elektrike LED me efikasitet të rrallë. Ajo është shumë më e vogël e praktike dhe harxhon më pak energji krahasuar me tjerat. Mediat botërore i kanë bërë jehonë këtij zbulimi më të fundit.

Doc Dr Mehmet Arëkut, i cili punon në qendrën e kërkimeve globale në Njujork, ka zbuluar një llambë elektrike e cila harxhon shumë më pak së një llampë normale dhe kushton shumë më lirë. Turku Mehmet Arëkut është quajtur nga mediat si Edisoni i shekullit të 21-të.

Llamba LED, të cilën Arëk e realizoi duke u frymëzuar nga sistemet e ftohjes në motorët zhet dhe të cilësuar si teknologjia e së ardhmes në ndriçim, ju prezantua shtypit në përvjetorin e 131-të të zbulimit të llambës elektrike nga Edisoni. “Llambat e gjeneratës së re LED”, mund të quhen si një “revolucion” në ndriçim.

Arëkut i nxit nga parimet e ftohjes së praktikuara nëpër motorat zhet, dhe të njejtën gjë bëri me llampat elektrike, së afërmi kjo metodë do të mund të përdoret edhe nëpër shumë pajisje, që kanë problemin e nxehjes si telefonat celularë, apo edhe shumë produkte teknologjike si laptopët etj.

Llambat LED në teknologjinë e ndriçimit u zbuluan(shpikën) në vitin 1960-të, por produktiviteti i tyre ishte shumë i ulët. Kurse në vitin 1997-të, doli teknologjia e llambave LED, që jepnin akoma edhe më shumë dritë, por madhësia e llambave ishte e tepër e madhe, nxeheshin shumë shpejt dhe si pasojë e sasisë së madhe të energjisë së shpenzuar prej tyre nuk ishin efikase për konsumatorin.

Llambat LED, që do të dalin në tregjet botërore duke filluar nga viti 2012-të, janë shumë të lehta dhe sigurojnë një kursim të madh të energjisë elektrike. /Drita Islame/

“Miqtë e Librit”, libraria Islame, e para në kryeqytet

2012-01-19T15:41:00.001+01:00

Tiranë: “Miqtë e Librit” është libraria më e re në kryeqytet, përurimi i së cilës u bë këtë javë, si e para librari e cila mbledh të gjitha botimet e shtëpive botuese islame në Shqipëri, Kosovë, Maqedoni dhe më gjerë.
Përveç librave islamë ajo përmban edhe libra të tjerë nga fusha e letërsisë, historisë, kulturës, artit, etj.
Për të gjithë të dashuruarit pas librit dhe leximit “Miqtë e Librit” vjen me mbi 1.000 tituj të ndryshëm për të gjitha grupmoshat, për fëmijë, të rritur, etj. Të gjithë autorët klasikë botërorë për fëmijë janë të pozicionuara në këndin për lexuesit e vegjël.
Përveç librave është hapur edhe këndi i suvenireve, ku janë të renditura suvenirë të shumëllojshëm islamë, si dhe tradicionalë shqiptarë në kuadër edhe të 100 vjetorit të pavarësisë së Shqipërisë. Gjithashtu aty gjenden panorama të të gjitha llojeve, me djegie në dru, gdhendje si dhe 3D.
Por nuk mbarojnë këtu të veçantat e kësaj librarie. “E veçanta e librarisë “Miqtë e Librit” është edhe këndi i leximit, i ndërtuar i tëri në dru, për të gjithë ata që duan të lexojnë, ku mund t’u ofrohet edhe çaj dhe pije të ndryshme freskuese”, tregon librari Ardit Haxhija.
Libraria “Miqtë e Librit” është hapur nga Komuniteti Mysliman i Shqipërisë, më një projekt të hartuar nga Drejtoria e Kulturës dhe Drejtoria e Medias në KMSH.
Kryetari i Komunitetit Mysliman Haxhi Selim Muça, preu edhe shiritin e përurimit në praninë e dhjetëra intelektualëve, letrarëve, artistëve dhe lexuesve të thjeshtë.
Në ceremoninë e përurimit, kryetari Haxhi Selim Muça, falënderoi dhe përgëzoi të gjithë ata të cilët organizuan hapjen e kësaj librarie dhe veçanërisht ideatorët, drejtorin e kulturës z. Genti Kruja si dhe drejtorin e medias z. Agron Hoxha.
I pranishëm në ceremoninë e përurimit ishte edhe kryetari i Komitetit Shtetëror për Kultet z. Rasim Hasanaj, përfaqësues nga Kultet z. Nexhat Gjuzi, profesori dhe muzikanti i njohur z. Pëllumb Vorbsi, zyrtarë të tjerë të KMSH-së, myftinj, si dhe qytetarë dhe dashamirës të librit.
Në kuadër të hapjes së kësaj librarie u shpërndanë edhe gazeta dhe revista “Drita Islame” falas.
Drejtori i Kulturës Genti Kruja në një intervistë ekskluzive për gazetën “Drita Islame” tregon edhe për synimet në të ardhmen, “Kjo është libraria e parë e Komunitetit Mysliman, e cila vjen si rezultat e punës disa mujore të kolegëve, në bashkëpunim me shtëpi botuese nga të gjitha trevat shqipfolëse. Kjo librari dhe qendër e librit islam në shqip, do të shërbejë si pikë referimi zyrtare e KMSH-së për të gjitha botimet islame në shqip dhe më vonë do të pasurohet edhe me libra në gjuhë të huaj për Islamin, të cilët do të shërbejnë, jo vetëm për studiuesit dhe lexuesit vendas, por edhe për të huaj.
KMSH me këtë librari-qendër libri synon që të nxisë hapjen edhe të degëve të veta në myftinitë e mëdha të vendit, një nevojë kjo tepër e madhe për besimtarët e shumtë në rrethet e ndryshme të Shqipërisë.”
Në përfundim drejtori i Kulturës i bëri thirrje për bashkëpunim me librarinë, të gjithë botuesve shqiptarë. /dritaislame/

Novi Pazar: Të gjithë në mbrojtje të pronës së Bashkësisë Islame

2012-01-18T14:48:00.000+01:00

Novi Pazar (Pazari i Ri) - Fakulteti i Studimeve Islame në Novi Pazar, i vendosur në ndërtesën, pronë e së cilës është BI (Vakafit) përndryshë ndërtesa e dikurshme e Shtëpisë së Mallërve “ Gërmia” Prishtinë është kërcnuar nga grabitja e kësaj ndërtese .

Nëpërmjet një deklarate të lëshuar Fakulteti për Studime Islame në N. Pazar, reagohet dhe dënohet paralajmërimi i grabitjes së objektit të Bashkësisë Islame.

“Një grup manjatë kriminelë me gjyqtarë dhe politikanët të korruptuar vazhdimisht janë duke u përpjekur t’a rrëmbejnë këtë ndërtesë e cila është simbol i mbijetesës së vakafit në rajon”.

“Me këtë akt konfirmohet qëndrimi diskriminues i autoriteteve ndaj pronës së Vakafit, ndërsa në anën tjetër Kishës Ortodokse Serbe jo vetëm se i kthehet pasuria e sekuestruara por i dhurohen të reja “ thuhet në deklaratën e lëshuar nga Dekanati i Fakulteit për Studime Islame në N. Pazar, të cilën e transmetojnë mediat elektronike të Sanxhakut.

Këto përpjekje paraqiten në vazhdimsi si agresion kundër Bashkësisë Islame me qëllim të dobësimit të valës së ngritur në mbrojtje të besimit të tyre, Vakafit dhe institucioneve të Bashkësisë Islame .

Duke pasur parasysh lidhjen midis krimit, politikës dhe autoriteteve të pushtetit, studentëve, prindërve të tyre, mësimdhënësëve dhe të gjithë muslimanëve nuk iu ka mbetë asgjë tjetër, porveç, sikurse më parë, të organizohen në mbrojtje të Fakultetit të Studimeve Islame dhe Vakufit.

Marrja nga pushteti e kësaj ndërtese pronë e Bashkësoisë Islame është paraparë për ditën e sotme./mesazhi/

Kongresmeni amerikan Ron Pauli: Çfarë nëse (njerëzit zgjohen)...? + Video

2012-01-15T21:34:00.001+01:00

Në fjalimin e tij frymëzues, në të cilin bota nuk është mësuar që të vjen nga një politikan amerikan, kongresmeni Ron Paul e ka sulmuar pamëshirshëm hegjemonin amerikane dhe politikën e jashtme të qeverisë, dhe ia parashtroi disa pyetje retorike Kongresit amerikan. Në vijim është përkthimi i fjalimit të tij, si dhe videoja shoqëruese po ashtu.

Çfarë nëse politika jonë e jashtme e shekullit të kaluar është thellë e gabuar dhe nuk i ka shërbyer interesave të sigurisë shtetërore? Çfarë nëse zgjohemi një ditë dhe e kuptojmë se kërcënimi terrorist parashikon pasoja për shkak të ndërhyrjes tonë në punët e vendeve të tjera dhe nuk ka të bëjë aspak me lirinë dhe prosperitetin tonë?

Çfarë nëse mbështetja e regjimeve shtypëse në Lindjen e mesme i kërcënon Shtetet e Bashkuara të Amerikës dhe Izraelin? Çfarë nëse pushtimi i vendeve si Irakut dhe Afganistanit dhe bombardimet në Pakistan janë të lidhura direkt me urrejtjen që është e drejtuar ndaj nesh? Çfarë ndodh nëse një ditë zgjohemi dhe e kuptojmë se humbja e më shumë se 5,000 trupave të SHBA-ve në Lindjen e mesme që nga 9 / 11 nuk është një kompromis i drejtë për humbjen e rreth 3000 qytetarëve amerikanë, pavarësisht nga ajo se sa irakianë, pakistanezë dhe afganë janë vrarë apo zhvendosur?

Çfarë nëse më në fund vendosim se torturat, "përmirësimi i teknikës së hetuesisë (marrjes në pyetje)", janë vetë-shkatërruese dhe të këqija dhe që nuk prodhojnë informacione të dobishme, pavarësisht nëse ajo është bërë në një vend të botës së tretë?

Çfarë nëse më në fund kuptohet se lufta dhe shpenzimet ushtarake janë gjithmonë shkatërruese për ekonominë? Çfarë nëse të gjitha shpenzimet e luftës paguhen përmes procesit mashtrues dhe ogurzi të inflacionit dhe të huamarrjes?

Çfarë nëse më në fund e kuptojmë se kushtet e luftës gjithmonë dëmtojnë lirinë personale? Çfarë nëse konservatorët, të cilët favorizojnë qeverinë më të vogël, zgjohen dhe e kuptojnë se ndërhyrjet tona në planin e brendshëm ofrojnë nxitje të qeverisë?

Çfarë nëse konservatorët përsëri e kuptojnë se ndërhyrja ushtarake është e vetmja mënyrë logjike e forcimit dhe zgjerimit të perandorisë amerikane në mbarë botën?

Çfarë nëse populli amerikan zgjohet dhe e kupton se arsyet zyrtare për fillimin e luftës, pothuajse gjithmonë janë të bazuara në gënjeshtra dhe se janë të promovuar me propagandën e luftës për ti shërbyer një interesi special?

Çka nëse ne si popull e kuptojmë se çdo perandori ka një fillim dhe një fund? Çfarë nëse Obama nuk ka ndërmend të largohet nga Iraku?

Çfarë nëse është në plan detyrimi i mobilizimit të amerikanëve për luftëra të reja nëse nuk ndryshon politika e jonë e jashtme?

Çfarë nëse populli amerikan e kupton të vërtetën se politika jonë e jashtme nuk ka asnjë lidhje me sigurinë tonë shtetërore dhe se ajo është gjithmonë e njëjtë nga administrata në administratë?

Çfarë nëse lufta dhe përgatitja për luftë është një mashtrim i madh që i shërben një interesi të veçantë? Çfarë ndodh nëse presidenti Obama nuk ka aspak të drejtë në lidhje me Afganistanin, kështu që kalojmë në të më keq se në Irak dhe Vietnam?

Çfarë nëse krishterimi në fakt, predikon paqe, dhe jo luftëra agresive dhe parandaluese? Çka nëse konfirmohet se diplomacia e Amerikës është superiore në krahasim me bombat dhe çfarëdo ryshfeti?

Çfarë ndodh nëse shqetësimet e mia janë të pabaza? Asgjë!

Por çfarë ndodh nëse shqetësimet e mia janë të justifikuara dhe të injoruara? Asgjë e mirë!

www.botaislame.com

Në zjarr xhamia më e madhe në Kazahstan (video)

2012-01-15T18:36:00.001+01:00

E ka kapluar zjarr xhaminë më të madhe në Azinë qendrore "Hazret SUlltan" në Astanë kryeqendrën e Kazahstanit.

Xhamia, me sipërfaqe prej 17,7 mijë kilometrash katrorë, është hapur para një muaj, me 16 Dhjetor, në 20 vjetorin e pavarësisë së Kazahstanit dhe në të kanë mundur të vendosen 28000 njerëz

Një person humbi jetën në zjarrin i cili shpërtheu në xhaminë Hazreti Sulltan në Astanë, kanë lajmëruar nga ministria për situata të jashtëzakonshme e Kazahstanit.

"Në vendin e zjarrit është gjetur trupi i mashkullit të panjohur" ceket në informatën njoftimin dhe shtohet se zjarrfikësit kanë shpëtuar 13 njerëz. Siqë lajmëron agjencioni Itar Tash, shkaku i zjarrit është i panjohur, por besohet se shkak mund të jetë përdorimi i ngjitjes me elektro aparat.

SIpas të gjitha raporteve zjarri ka kapur sipërfaqe prej 300 metra katrorë, ndërsa në shuarjen e tijë kanë marë pjesë 30 automjete zjarrfikëse. Zurtarët pohojnë se flakën me siguri e ka shkaktuar aparatura për ngjitje elektrike e cila ka qenë e vendosur nën kuben qendrore.

Kur do të përfundohet kjo xhami do të mund të pranojë rreth 5000 njerëz. Katër minaret janë të larta nga 77 metra, kubja e sajë është më e madhja në Kazahstanb, e gjërë 28, dhe e lartë 52 metra.

69 të arrestuar , 13 policë dhe 6 protestues të lënduar

2012-01-14T20:15:00.002+01:00

Prishtinë, 14 janar - Sipas njoftimeve më të
fundit të Lëvizjes Vetëvendosje, me rastin e intervenimit të policisë së Kosovës para pak çastesh te Dheu i Bardhë, kundër protestuesve të cilët qëndronin të ulur, janë arrestuar edhe dhjetëra protestues, ndër ta edhe deputetët e parlamentit të Kosovës Glauk Konjufca, Visar Ymeri dhe Liburn Aliu, por edhe disa aktivistë të tjerë të kësaj lëvizjeje. Me arrestimet e fundit duket të jetë rritur ndjeshëm numri i protestuesve të arrestuar. Tashmë vlerësohet se ky numër ka arritur 69 të arrestuar. /koha.net/
Si shkak i protestës ishte paralajmërimi i lëvizjes Vetëvendosje për bllokimin e kufirit me Sërbinë ku pas sipas tyre nuk po zbatohet vendimi i Kuvendit të Republikës së Kosovës, për reciprocitet politik, ekonomik dhe tregtar me Serbinë.

Një ushtar amerikan pranon islamin në Turqi

2012-01-14T16:02:00.000+01:00

Javën e kaluar, një ushtar amerikan që shërben nën bazën ajrore “Inçirlik” e cila përdoret nga ushtria amerikane në qytetin Adana, ka pranuar Islamin.

Sipas një rrjeti televiziv amerikan, Pieter Michael është 25 vjeç dhe shërben si teknik avionësh. Ai e ndryshoi dhe emrin nga Pietër në Ali, pasi u njoh me fenë islame.

Ushtarit amerikan iu dhurua një kopje e Kuranit fisnik që ta ndihmojnë në kuptimin e fesë islame. /ardhmeriaonline/

Shënohet 10 vjetori i kampit Guantanamo

2012-01-12T23:27:00.001+01:00

Dita e sotme shënon 10 vjetorin e hapjes së kampit amerikan ushtarak të paraburgimit për terroristët e dyshuar, në bazën detare amerikane në Guantanamo Bej në Kubë.

Qeveria amerikane, nën udhëheqjen e presidentit Xhorxh W. Bush e kishte hapur kampin pasi forcat amerikane e kishin pushtuar Afganistanin, për të sulmuar rrjetin e Al-Kaidës, që fajësohet për kryerjen e sulmeve të 11 shtatorit të vitit 2001, ku mbetën të vdekur rreth 3000 njerëz.

Ndërkohë presidenti i tanishëm, Barak Obama, pas zëvendësimit të Bushit në vitin 2009, urdhëroi mbylljen e kampit deri në janar të vitit 2010, por si duket ky afat kohor ka kaluar që sa kohë.

Raportohet se 171 të burgosur po mbahen tani në kampin në Guantanamo Bej./rfe/

Ja edhe pamje nga një protestë në Bruxelles

Widget count timer për Ramazan

2012-01-12T18:54:00.002+01:00

Widget i cili llogarit kohën e mbetur deri në Ramazanin e vitit 2012 të sipas kalendarit gregorian. Vërejtje : Widget-i është valid vetëm për vitin aktual.

Kopjoni kodin më poshtë për të publikuar në faqen tuaj!

 <div align="center">
<iframe src="http://www.freewebs.com/shkajahihasani/countramadan.html" width="413" height="102"></iframe></div>

Të mësojmë nga shpezët

2012-01-10T20:53:00.001+01:00

A nuk i shohin ata shpendët fluturues në ajrin e qiellit, të cilët nuk i mban kush, përveç All-llahut. Edhe në këto ka fakte për njerëzit që besojnë.(Quran Sura An-Naĥl 16:79)

Islamikët fitojnë në zgjedhjet egjiptiane

2012-01-08T23:35:00.000+01:00

Në rrethin e tretë të zgjedhjeve parlamentare në Egjipt, partitë islamike e kanë përmirësuar edhe më shumë epërsinë e mëparshme. Partia Vëllazëria myslimane në raundin e tretë të votimeve ka fituar të paktën 41 për qind të mandateve parlamentare.

Salafistët ultra-konservatorë, sipas të dhënave të televizionit shtetëror egjiptian, kanë fituar rreth 20 për qind të votave.

Në zgjedhjet e para parlamentare që nga rrëzimi i presidentit Hosni Mubarak iu bë thirrje për të votuar rreth 50 milionë egjiptianëve. Rezultati përfundimtar do të bëhet i ditur nga mesi i janarit./koha/

Kush është kush

2012-01-08T23:25:00.000+01:00

Kush është kush : Një krahasim ndërmjet holokaustit dhe asaj që aktualishtë ndodh në Palestinë...

U sulmua xhamia në Gjermani

2012-01-08T19:29:00.000+01:00

Në qytetin gjerman Darmshtad, është bërë sulm ndaj xhamisë.
Persona të panjohur kanë tentuar që ta ndezin xhaminë e bashkësisë Turko-islame pranë institutit për pyetje fetare.
Zurtarët e policisë kanë njoftuar se në brendi të xhamisë është hudhur material ndezës, por se zjarri është shuar vfetvetiu dhe se është thyer qelqi mbi dritaren e objektit.
Policia në Darmshtad ka njoftuar se do të nisë hetim të detajuar mbi aksidentin, duke paralajmëruar se masat e sigurisë rreth xhamisë dhe rrethinës do të përforcohen.

Sateliti Gokturk i Turqisë shqetëson Izraelin

2012-01-04T00:32:00.000+01:00

Revista “Jane's Defense”, një nga revistat ushtarake prestigjioze të Shteteve të Bashkuara të Amerikës shkroi se politikanët dhe ushtria izraelite janë të shqetësuar nga sateliti ushtarak “Gökturk” që Turqia planifikon ta ketë gati për përdorim brenda dy vjetëve dhe që do të ketë aftësinë të bëjë fotografime me dallueshmëri të lartë.

Deri tani vendi i vetëm që zotëron teknologjinë për të marrë nga sateliti pamje me një dallueshmëri të lartë se Izraeli janë Shtetet e Bashkuara të Amerikës.

Vetëm se posedimi i një teknologjie të tillë nga Turqia e shqetëson Izraelin.

Por arsyeja kryesore e shqetësimit që ka shkaktuar çështja në Izrael është mungesa e një marrëveshjeje ndërmjet Ankara-së dhe Tel-Avivit që pengon ndarjen e pamjeve satelitore.

Për prodhimin e satelitit “Göktürk” Turqia ka lidhur kontratë me vlerë 270 milionë euro me kompaninë italiane “Telespazio”. Pritet që firma t’ia dorëzojë satelitin Turqisë në vitin 2013.

Pretendohet se më herët Izraeli ka bërë lobim në Itali dhe Francë me qëllim pengimin e realizimit të këtij projekti për një satelit zbulues./trt/

2012 - A do të mbijetojë euro?

2012-01-02T17:43:00.001+01:00

Viti i ardhshëm mund të jetë një moment vendimtar për Eurozonën tashmë të dobësuar.

Do të jetë viti kur plani i shpëtimit të euros, i projektuar nga Gjermania dhe Franca, gjatë dhjetorit në Bruksel, ose do të marrë krahë në frymën e re të Bashkimit Evropian, ose do të tretet në mesin e grindjeve nacionaliste.

Varësisht nga suksesi apo dështimi i planit - i cili do të zyrtarizohet si një traktat i ri ndërqeveritar në muajin mars - Evropës do t’i duhet të zgjedhë drejtimin: ose të vazhdojë rrugën për integrim më të madh politik dhe ekonomik, ose t’i kthehet të kaluarës së saj tradicionale, me grindjet e shpeshta të shteteve rivale.

Një gjë e tillë mund të tingëllojë si një vlerësim i tmerrshëm. Por, pas tre vjetësh euro-krizë, askush, përfshirë dhe udhëheqësit e Evropës, nuk i nënvlerëson aksionet.

Prejse liderët e BE-së bënë publik planin më 9 dhjetor, ata kanë punuar shumë për ta portretizuar atë si të vetmen rrugë përpara - jo vetëm për 17 vendet e Eurozonës, por për të 27 anëtarët e bllokut evropian.

“Kjo nuk është një marrëveshje në 17-plus, por një marrëveshje në 27-minus. Shumica e krerëve shtetërorë apo qeveritarë kanë treguar gatishmërinë e tyre për të ecur përpara me integrimin evropian drejt stabilitetit fiskal. Ata kanë treguar se duan më shumë Evropë, jo më pak”, ka thënë presidenti i Komisionit Evropian, Hoze Manuel Baroso, para Parlamentit Evropian në Strasburg.

Plani i ri do që të rikthejë besimin e investitorëve në euro, duke u kërkuar vendeve jo vetëm të kursejnë më shumë, por, për herë të parë, duke vendosur sanksione ndaj atyre që dështojnë t’i përmbushin objektivat e kursimit. Në fakt, ai kërkon të shpëtojë Eurozonën me transferimin e një mase të paparë të sovranitetit të vendeve të BE-së në Bruksel.

Por, nuk duhet mohuar se disa vende evropiane - sidomos Britania, e cila ka kursyer mbështetjen - e shohin paktin e ri të propozuar si një hap shumë të largët në drejtim të integrimit evropian. Rezervat e tilla mund ta bëjnë atë sfidë për disa nga qeveritë që miratuan planin në Bruksel, e që kërkojnë aprovimin e brendshëm për “më shumë Evropë, e jo më pak”.

Dalibor Rohak, ekonomist në Institutin Legatum me seli në Londër, e shpjegon sfidën në këtë mënyrë:

“Mendoj se problemi më i madh është t’i kemi qeveritë në periferinë e Evropës dakord me këtë marrëveshje. Vendet si Greqia, Italia ose Portugalia kanë bërë përpjekje, vërtet, të vështira për të kthyer rregullin e tyre fiskal. Unë mund të imagjinoj se, nëse qeveritë e tyre përpiqen të detyrojnë qytetarët për më shumë kursime, për shkak të këtij traktati, dhe nëse përpiqen të heqin dorë nga sovraniteti fiskal mbi buxhetet e tyre, kjo mund të çojë në pakënaqësi dhe reagim të ashpër popullor. Ne tashmë jemi duke parë një reagim të ashpër në vendet si Greqia”.

Njëra nga arsyet e pakënaqësisë, që mund të kalojë në tone nacionaliste, është se pakti shihet gjerësisht si një strategji e imponuar nga Gjermania, për të rregulluar problemet e kontinentit.

Berlini, i cili ka paguar pjesën e ndihmës për Eurozonën, përballet me një rezistencë të madhe të vetë qytetarëve të tij ndaj çdo marrëveshjeje që do të parashihte transferimin e fondeve në vendet e prekura.

Sipas formulës gjermane, vendet periferike duhet të zbatojnë kursime më të mëdha, derisa Gjermania - motori ekonomik i Bashkimit Evropian - përdor industritë e tij të eksportit për të forcuar rritjen ekonomike dhe për të kthyer “shëndetin e euros”.

Se si do të funksionojë ky model, mbetet pikëpyetje. Rohak thotë:

“Vendet në periferi janë duke humbur konkurrencën dhe Gjermania mund të jetë në gjendje të eksportojë. Por, nëse ekonomia botërore dhe pjesa tjetër e Evropës bien në depresion, ajo nuk do të ketë shumë vende për të eksportuar. Andaj, unë nuk mund ta shoh këtë si një model që do të bëjë punë”.

Banka Qendrore e vendit, së fundmi, parashikoi se ekonomia gjermane do të ngadalësohet ndjeshëm në vitin 2012, “falë krizës së borxhit”. Bundesbanka tha se prodhimi ekonomik do të rritet vetëm 0.6 për qind në 2012-n, krahasuar me rritjen prej 3 për qind në 2011-n.

Dyshimet rreth paktit të ri nuk shprehen vetëm brenda vendeve të Eurozonës. Pasiguri ka edhe në disa vende të BE-së, që nuk e përdorin monedhën euro.

Kryeministri i Republikës Çeke, Peter Necas, thotë se personalisht kundërshton thirrjen e traktatit që secili vend i Bashkimit Evropian të kontribuojë në inxheksionin 200 miliardë dollarësh për Fondin Monetar Ndërkombëtar, për të mbështetur vendet me ngarkesa të larta borxhesh.

Në Poloni, mijëra njerëz kanë mbushur rrugët e Varshavës, për të protestuar kundër thirrjeve për integrim më të thellë me Bashkimin Evropian. Një gjë e tillë ka ndodhur pavarësisht mbështetjes së fuqishme të qeverisë për paktin e propozuar.

Të gjitha këto mund të jenë shenjat e para të vështirësive që mund t’i ketë marrëveshja e re.

Në vitin 1997, shumë kohë para se euroja të shfaqej në rrugët e Evropës, euro-skeptiku Martin Feldstein, ekonomist në Universitetin Harvard, dyshonte se monedha mund të ketë sukses pa një bashkim politik dhe fiskal.

Feldestin parashikoi edhe diçka tjetër: Nëse Evropa integrohet gjithnjë e më shumë për të mbështetur monedhën e përbashkët, streset e këtyre përpjekjeve ka shumë gjasë të çojnë në rritjen e tensioneve, e madje edhe në konflikte brenda vetë Evropës.

Muajt e ardhshëm do të tregojnë nëse tensionet do të rriten për shkak të rrugës së re të Eurozonës drejt bashkimit fiskal, ose nëse euros do t’i kthehet shëndeti i saj.

Nëse pakti nuk e shpëton euron, është e paqartë nëse Berlini është i përgatitur të hedhë në qarkullim propozime të tjera. Gjermania dhe vendet e tjera të pasura besohet se janë të gatshme të konsiderojnë krijimin e një zone më të vogël të monedhës së përbashkët, me nivel të lartë të koordinimit fiskal dhe të qetë nga anëtarët e dobët të Eurozonës.

Kjo do të ishte shpërbërja e Eurozonës dhe fillimi i një udhëtimi të ri të Evropës drejt një të ardhmeje të paeksploruar.

A lejohet urimi i festave të jo-muslimanëve?

2011-12-23T23:00:00.000+01:00

Nga: Dr. Sheref El-Kuda

Këto dite është aktualizuar pyetja në lidhje me vendimin për përshëndetjen e krishterëve për festat e tyre, dhe si përgjigje për këtë themi se:

Në esencë kjo gjë është e lejuar dhe se nuk ka ardhur diç që e ndalon këtë gjë.

E tërë ajo që e kemi dëgjuar apo edhe lexuar rreth ndalimit të urimeve dhe përshëndetjeve qëndron në të arsyetuarit se këtu kemi të bëjmë me pëlqimin dhe njohjen e fesë së tyre, për të cilën besojmë se është e devijuar.

Por, e vërteta është se në rast se i urojmë apo i përshëndesim me rastin e festave të tyre, nuk kemi aspak të bëjmë me atë se ne po ua pëlqejmë apo po ua miratojmë fenë e tyre në përgjithësi dhe festat e tyre në veçanti, e kjo për arsyet që vijojnë:

1. Sepse ne nuk e llogarisim përshëndetjen dhe urimin e tyre si njohje apo miratim nga ana e tyre se Islami është fe e drejtë, e edhe muslimani nuk e ka për qellim me përshëndetje preferencën ndaj fesë së tyre, e as ata nuk e kuptojnë në këtë mënyrë.

2. Allahu xh.sh. na ka urdhëruar t'i trajtojmë ata me mirësi, ku Allahu xh.sh. për këtë thotë: "Allahu xh.sh. nuk ju ndalon që ata të cilët nuk ju kanë luftuar në fe e as nuk ju kanë dëbuar nga shtëpitë tuaja që të silleni mirë dhe të jeni të drejtë ndaj tyre. Me të vërtet Allahu xh.sh. i donë të drejtit", e "mirësia" është, në përgjithësi, çdo vepër e mirë. Allahu xh.sh. na ka urdhëruar që në çdo aspekt të kemi mirësjellje ndaj tyre, pra mirësjellja ndaj tyre jo vetëm që është e lejuar por ajo është edhe e preferuar. E si pra do të mund të ishte e ndaluar përshëndetja dhe urimet si për shembull "Urime festa" e shprehje të tjera të kësaj natyre. S’ka dyshim se ne duhet të ua dëshirojmë atyre të mirat sepse kështu edhe na ka urdhëruar Allahu xh.sh.

3. Allahu xh.sh. na e ka lejuar të bërit marrëveshje, kompromise dhe të hyrit në aleancë me ta, siç kishte vepruar Pejgamberi s.a.v.s. kur erdhi në Medine.

4. Allahu xh.sh. e ka lejuar për ne që t’i vizitojmë ata në shtëpitë e tyre si dhe t’i mirëpresim ata për vizita në shtëpitë tona. Po ashtu e ka lejuar edhe ushqimin e tyre, madje na e ka lejuar edhe martesën me femrat e tyre duke e ditur se Allahu xh.sh. ka kërkuar që në martesë në mes të bashkëshorteve të mbizotërojë dashuria, mirësia, dhe mëshira.

Për këtë nuk mund të themi se në tërë këtë ka një lloj pëlqimi, njohje, apo pranimi se feja e tyre është e drejtë, e si pra do të mund të ishin të lejuara të gjitha këto e të ndalohen përgëzimet dhe urimet për festat e tyre?!

Burimi: www.albosala.com

Shqipëroj: Artan Musliu

Kur flasin liderët

2011-12-22T19:08:00.000+01:00

“Ata të cilët na patën akuzuar si “Buri i sëmurë i Bosforit” sot janë vet të sëmurë. U urojmë shërim të shpejtë” kjo ishte një nga frazat e fjalës së presidentit turk, Abdulla Gyl, gjatë vizitës së tij në Angli.

Thua ta ketë thënë thjesht për sarkazëm këtë fjalë, apo thjesht për të shprehur një kënaqësi që buron nga pozita në ngritje e Turqisë në kundërshtim me pozitën e tronditur të Evropës. Apo është ndonjë ndjenjë tjetër me sfond historik. Apo ekziston ndonjë arsye tjetër shumë më e rëndësishme dhe shumë më strategjike se sa kaq?!

Liderët në përgjithësi dhe ata të llojit të presidentit Gyl në veçanti s’para bëjnë, të paktën parimisht, në situata të tilla, kësisoj deklaratash duke u nisur nga motive kaq të rëndomta.

Historia e liderëve me peshë nxjerr në pah se karakteri strategjik është piedestali i fjalëve dhe veprimeve. Pra, shprehur rëndom, mënyra se si luajnë dhe si rrotullohen gjërat është pjesë themeltare e dijes së tyre dhe motivit të qëndrimeve të tyre.

“Bota me rrota”

Ibnu Halduni dhe më pas Arnold Toenby, sipas studiuesve të tyre, konsiderohen teoricienët sintetizues të teorisë së “Botës me rrota”. Ata pohojnë se civilizimet lindin, ngrihen, konsolidohen, fillojnë rënien dhe në fund ndodh rrënimi që realizohet përmes zbërthimit apo çmontimit të komponentëve civilizues nga njëri-tjetri.

Traktati i Henry Kampbell

“Në fund të shekullit të 19-të dhe fillimin e të 20-it, pikërisht në vitin 1907 Henry Kampbell ishte kryeministri i Britanisë i cili ishte i apasionuar pas shkencës së filozofisë së historisë. Në atë kohë ndryshe Britania quhej: “Perandoria që s’i perëndon dielli”. I inspiruar nga filozofia e historisë dhe i ndikuar nga teoria e ngritjes dhe rrënimit të civilizimeve të Toenbyt, Kampbelli del në konkluzionin se patjetër do të vijë një ditë kur dielli i perandorisë britanike do të perëndojë. Duke u nisur nga fakti se Britania është një nga faktorët e civilizimit perëndimor kristian, detyrohet të mendojë se ç’mund të bëjë për zgjatjen e jetës së civilizimit perëndimor dhe vazhdimësinë e sundimit të botës, si rrjedhojë vazhdimin e rolit britanik, me një formë a me një tjetër, në sundimin e botës.

Ajo çka synonte ishte përgatitja e një strategjie evropiane që garantonte predominancën e vazhdueshme të civilizimit evropian dhe jetëgjatësinë e tij. Sakaq Kampbell ua dërgon shqetësimin e tij universiteteve më të shquara të Britanisë dhe Francës. Përgjigja që kthyen këto universitete, pasi e studiuan e i kushtuan vëmendjen e duhur shqetësimit të Kampbellit u quajt “Traktati i Kampbellit” i cili ekziston edhe në ditët e sotme në arkivin e Anglisë. Ky traktat u shfaq për publikun vetëm për dy javë, pas përfundimit të afatit ligjor të kufizimit të tij, e më pas u tërhoq.

Sipas këtij traktati Britania duhet ta shikojë botën përmes tre sipërfaqeve:

Sipërfaqja e parë: përbëhet nga shtetet e sistemit të vlerave perëndimore kristiane. Sipas traktatit, Britania detyrohet të punojë bashkë me shtetet e tjera për të mos lejuar që sundimi i botës të dalë jashtë kësaj sipërfaqeje. Pra, sipas traktatit, sistemi i kësaj sipërfaqe duhet të ketë në dorë përherë frerët e botës.

Duke qenë të bindur sipas filozofisë historike, se çdo civilizim e ka një fund, elementët përbërës të kësaj sipërfaqeje duhet të punojnë që trashëguesi i këtij civilizimi të jetë nga e njëjta sipërfaqe.

Sipërfaqja e dytë: është ajo e civilizimit të verdhë e cila nuk bie në kundërshtim dhe nuk e konkurron civilizimin e sipërfaqes së parë në aspektin e vlerave por mund të rivalizohet me të në aspektin e interesave pragmatike materiale.

Me civilizimin e kësaj sipërfaqeje mund të bashkëpunohet në aspektin e shkëmbimit të interesave materiale e tregtare. Po ashtu njëkohësisht të sulmohet e të ndikohet në aspektin kulturor, këtë gjë e mundëson dobësia e sistemit të vlerave të kësaj sipërfaqeje. Si rrjedhojë bashkëpunimi me të, ngrihet mbi bazën e interesave të sipërfaqes së parë.

Sipërfaqja e tretë: është jeshilja apo e civilizimit i gjelbwr. Traktati pohon se kjo sipërfaqe përmban një sistem vlerash konkurruese me atë të sipërfaqes së parë. Ky civilizim e ka rivalizuar në shumë rajone dhe e ka nxjerrë nga shumë vende. Sakaq i duhet sipërfaqes së parë të ndërmarrë të gjitha hapat dhe procedurat për të penguar çdo lloj përparimi të mundshëm jo vetëm të këtij sistemi vlerash por edhe të ndonjërit prej elementëve të tij përbërës, sepse ky sistem është një konkurrues i vërtetë i sipërfaqes së parë.

Termi “Value System” përsëritet vazhdimisht në trashëgiminë bashkëkohore evropiane. Siç përmendet vazhdimisht përgjatë historisë së presidentëve amerikanë.

Traktati propozon se ndaj sipërfaqes së tretë të ndërmerren tre procedura kryesore:

E para: Privimi i shteteve të sipërfaqes së tretë nga dija dhe teknologjia, apo thënë ndryshe, ngushtimi i kufijve të njohjes.

E dyta: Fabrikimi apo konsolidimi i problemeve që kanë të bëjnë me kufijtë e këtyre shteteve.

E treta: Krijimi i pakicave apo mbështetja e atyre që ekzistojnë, që të mos harmonizohet rrjeti shoqëror i këtyre shteteve dhe të mbetet peng i ndërhyrjeve të jashtme.” (Roli i të menduarit strategjik në kuptimin e historisë, “Filozofia e historisë”. Xhasim Sultan, fq 76 – 79)

Malik Ibën Nebij, një nga studiuesit dhe njohësit e filozofisë së historisë, pohon se: “Një nga ligjet shoqërore që të tërheq fuqishëm vëmendjen konsiston në faktin se historia ecën sipas një cikli dhe hierarkie. Kjo histori herë u regjistron popujve arritje dhe bëma madhore e herë i mbulon me kuvertën e saj për t’i lëshuar në një gjumë të thellë. Duke u nisur nga ky ligj social na del domosdoshmërish për detyrë, gjatë zgjidhjes së problemeve tona, të shikojmë mirë pozitën dhe vendin tonë në ciklin e historisë, të perceptojmë mirë konditat tona si dhe faktorët e rrënimit që na rrethojnë po ashtu edhe shkaqet e përparimit që kemi në dorë.” (Libri: Orientimi i botës islame, Malik Ibn Nebij)

Probleme civilizimi

Presidenti francez, Sarkozy, pohon, në kongresin e 20-të të Partive Popullore Evropiane, se Evropa po përballet me një situatë jashtëzakonisht të rrezikshme. Asnjëherë rreziku i shpërbërjes nuk ka qenë kaq i madh. Ekonomitë e eurozonës kanë ende disa javë kohë për të vendosur, por se koha po punon kundër tyre”

Ndërsa Kancelarja gjermane, Merkel, ka deklaruar se do të duhen vite për të kapërcyer krizën. Të 27-të vendet anëtare të BE-së kanë detyrim ndaj Evropës dhe ky detyrim është që të punojmë së bashku për të kapërcyer krizën” (Ballkanweb)

Një mosmarrëveshje e qartë, e shprehur me tone të ashpra dhe zëra të ngritur, u duk mes presidentit francez dhe kryeministrit anglez në lidhje me reformat që duhet të bëjë Evropa për të kaluar krizën. Madje Sarkozy deklaroi haptazi se faji i mosmarrëveshjes është i kryeministrit anglez.

Një nga gjërat më të rëndësishme që vërehet tek përpjekjet evropiane për kurimin e krizës aktuale është këmbëngulja e vazhdueshme e liderëve, të mëdhenj e të vegjël, evropian për ta mbajtur shqetësimin e zgjidhjes vazhdimisht në nivel unioni dhe jo të shteteve në veçanti gjë që vërehet qartë edhe nga qëndrimi ndaj krizës greke.

Ky mund të ketë qenë shkaku i zemërimit të Sarkozys, Merkelit dhe shumë liderëve të tjerë evropian ndaj Kameronit i cili vazhdon ta trajtojë problemin si të Evropës e jo të Anglisë. Domethënë, siç nuhatet, liderët evropian e shohin krizën si kanosje ndaj një civilizimi dhe jo thjesht ndaj një ekonomie të një shteti.

Gjatë kohës që liderët evropian e perëndimor pranojnë praktikisht e deklarativisht problemin e krizës së civilizimit të tyre, që mendohet të jetë shumëdimensional pavarësisht se shprehet vetëm rreth atij ekonomik, në të njëjtën kohë deklarojnë dhe pranojnë se nuk kanë asnjë lloj rezerve ndaj ardhjes në pushtet të islamikëve në lindjen e mesme, gjë e cila nuk ka ndodhur para revolucioneve të pranverës arabe.

Këtu natyrshëm lind pyetja: këto pohime, deklarata dhe qëndrime konkrete të liderëve evropian dhe perëndimor vijnë si pasojë e ndryshimeve në Evropë dhe Perëndim apo si pasojë e ndryshimeve në lindjen e mesme, apo i të dyjave bashkë?!

“Bota me rrota” por asnjë herë pa lider

Bota, duke qenë shumë e vjetër, si e tillë e bën shumë të lehtë sjelljen e argumenteve nga historia e saj se gjithmonë dhe pandërprere ka pasur një civilizim lider që ka luajtur, ndër të tjera edhe rolin e drejtimit të popujve dhe civilizimeve të tjera. Pa dashur të shkojmë shumë larg mjafton të përmendim civilizimin faraonik, grek, romak, pers, bizantin, islam dhe perëndimori aktual.

Drejtësia, si parim hyjnor, natyror, shoqëror dhe logjik e mbështetur njëkohësisht edhe nga përvoja e pasur e historisë na bën me dije se pozita e civilizimit lider nuk është veti e një race, kulture apo sipërfaqe të caktuar por këtë të drejtë e kanë të gjitha racat, kulturat dhe sipërfaqet kulturore. Pra, këtë përgjegjësi dhe nder kanë të drejtë, duhet dhe mund ta përjetojnë të gjithë popujt, racat dhe sipërfaqet kulturore.

Misioni i mëkëmbjes së njeriut në tokë është një nga burimet bazë të këtij pohimi. Ky mision ndryshe mund të quhet edhe si sprova e mëkëmbjes. Nivelet apo sferat e kësaj sprove fillojnë nga më i ngushti, individual e mbarojnë tek ai më i gjëri, civilizimi shoqëror. Pra, kemi mëkëmbjen e individit, të shoqërive, të popujve, të shteteve dhe të civilizimeve.

Kurani na bën me dije se ashtu siç sprovohet njeriu me misionin apo sprovën e mëkëmbjes në nivelet apo sferat e ngushta: “E kur Zoti yt u tha engjëjve Unë do të krijoj në tokë një mëkëmbës[1]” po ashtu sprovohet me këtë mision apo sprovë edhe në nivelin më të lartë, atë të civilizimit lider.

Adi, Iremi që nuk ishin krijuar më parë si ata në tokë, Themudi që ngriti qytet në brendësi të malit, Faraoni me piramidat e larta i cili abuzoi me forcën e tij të madhe, të gjithë këto emra na paraqiten në Kuran, kaptina “Fexhër”, të shoqëruara me bëmat dhe arritjet e tyre, si disa prej modeleve më të larta të organizimit njerëzor dhe të arritjeve shkencore e teknologjike.

Këtu Kurani synon të nxjerr në pah rëndësinë madhore të parimit të drejtësisë në marrëdhëniet e njeriut me Zotin dhe me veten dhe për të treguar se cenimi i këtij parimi është gabimi më madhor dhe shkakton dëmet më madhore, këtë e realizon duke argumentuar me rrënimin e organizimeve dhe arritjeve me të larta njerëzore si ato të lartpërmendurat të cilat cenuan parimin e drejtësisë.

Rrotacioni ose “El-mudavele[2]” dhe vakumi i civilizimit lider

Përgjegjësia, misioni, sprova dhe nderi i civilizimit kryesues apo lider u takon të gjithë popujve dhe sipërfaqeve kulturore. Sakaq për t’u bërë e mundur mbartja e kësaj përgjegjësie nga të gjitha civilizimet duhet të ndodh ndërrimi i pozicioneve të civilizimeve apo rrotacioni i civilizimeve që ndryshe Kurani e quan “EL-mudavele”.

Këtu ballafaqohemi me një çështje shumë të rrezikshme e me pasoja shumë të rënda, atë të vakumit të civilizimit lider.

Kurani është treguar shumë i saktë kur ka përmendur termin “Mudavele[3]” i cili përcjell kuptimin e alternimit e të rrotacionit. Folja “Davele” ngërthen në vetvete bashkëveprim, pra bashkëveprim gjatë procesit të alternimit apo të rrotacionit.

Konteksti në të cilin është përmendur ky term është ambient plotësisht i përshtatshëm për këtë term. Ai e gjen veten plotësisht aty. Konteksti prezanton kampin Islam dhe atë politeist të ballafaquar me njëri-tjetrin. Historia u tregoi brezave të mëvonshëm se ngjarja për të cilën zbriti verseti përmbajtës i këtij termi po ndodhte gjatë etapës së procesit të rrotacionit që po zhvillohej mes dy kampeve atij Islam dhe atij politeist. Njëri po ngjitej në fronin e sprovës dhe të nderit të civilizimit lider dhe tjetri po zbriste nga ky fron. Në këtë kontekst vërehet qartë se procesi i ngjitjes së njërit dhe zbritjes së tjetrit nuk bëhej me radhë por njëkohësisht. D.m.th gjatë kohës që po bëhej gati të zbriste njëri po në të njëjtën kohë përgatitej të ngjitej tjetri. “Mos u ligështoni dhe mos u pikëlloni, sepse ju, gjithsesi jeni më të lartët, nëse jeni besimtarë të vërtetë. Nëse ju ka goditur ndonjë plagë, edhe popullin tjetër e kanë goditur të tilla plagë. Ato ditë(fitoreje dhe humbjeje) Ne i ndërrojmë mes njerëzve, që Allahu t’i dallojë besimtarët dhe për t’i bërë disa nga ju dëshmorë. Allahu nuk i do keqbërësit[4]”

Parimi i rotacionit të civilizimeve, logjikisht na bën të dalim në konkluzionin se ndërrimi nuk është një akt rrëzimi i njërit nga tjetri, pra civilizimi nuk rrënon civilizim, por ndodh gjatë kohës kur të zëvendësuarit i dobësohen cilësitë që e bëjnë të meritueshëm për pozitën e civilizimit lider apo kryesues dhe në të njëjtën kohë zëvendësuesi konsolidon cilësitë e meritueshmërisë. “Allahu nuk e ndryshon gjendjen e një populli derisa ata të ndryshojnë veten e tyre[5]”. “Allahu nuk e largon një mirësi që ia ka dhënë një populli derisa ata të ndryshojnë veten e tyre[6]”. Pra gjatë kohës që njëri ndryshon veten për keq, tjetri e ndryshon për mirë. Në fund, ky proces mbyllet me zëvendësimin e njërit me tjetrin.

Kur zbriti verseti i parë Kuranor, në tokë ekzistonin civilizime të tjera, kryesisht ai Bizantin dhe Pers të cilët kishin shtrirë ndikimin e tyre në sipërfaqe të mëdha territoriale.

Ajo që e ndihmoi Islamin, me qendër Medinën, të zgjeronte sferën e ndikimit të tij,veç sistemit të vlerave të tij të konsoliduara, teorikisht e konkretisht, ishte tkurrja e vazhdueshme e sipërfaqes së dy civilizimeve në fjalë, e atij bizantin dhe persian.

Në kontaktin e parë, ballë për ballë, të Islamit me civilizimin pers në Kadisije, si persët edhe myslimanët konstatuan lehtë se është afruar koha e ndërrimit. Thelbi i civilizimit, tashmë i konsoliduar tek Islami dhe myslimanët, ishte kalbur rëndë tek persët.

Civilizimi pers, në atë kohë, si shqetësim kryesor kishte formën dhe jo thelbin. Dëshira dhe vullneti për të qenë liderë të njerëzimit dhe kujdestarë të vlerave humane kishte degjeneruar në dëshirën për t’u dukur si më të fortë e më të bukur. Madhështia perse tashmë nuk shprehej tek shërbimi ndaj qenies humane por përmes insistimit të vazhdueshëm për ta paraqitur racën perse si të paprekshme dhe të pashoqe.

Rustumi kryekomandanti i ushtrisë perse, çuditet kur shikon pamjen dhe paraqitjen e Ribij Bin Amirit, përfaqësuesi i delegacionit mysliman, dhe e pyet: Kush jeni ju?! Ribij Bin Amiri i përgjigjet: Ne jemi një popull që na ka dërguar Zoti i gjithësisë për t’i nxjerrë njerëzit nga adhurimi i njerëzve tek adhurimi i Zotit të gjithësisë, nga ngushtësia e dynjasë tek gjerësia e dynjasë dhe ahiretit, nga padrejtësia e besëtytnive tek drejtësia e Islamit.

Rustumi pasi kuptoi mirë nivelin e shqetësimit të Islamit u drejtohet këshilltarëve dhe klerikëve të tij: Çmendoni? A keni dëgjuar ndonjëherë fjalë më të qartë dhe më të lartë se fjala e këtij burri?!

Këshilltarët i Përgjigjen: Kurrën e kurrës nuk mund të marrësh në konsideratë qoftë edhe një fjalë të vetme nga çka tha dhe të lësh fenë tënde për shkak të këtij qeni. A nuk e shikon se si është veshur?!

Rustumi, i cili ishte më i mençuri, përgjigjet: O të mjerë mos shikoni rrobat, por mendimin, fjalën dhe veprën. Arabët nuk i kushtojnë shumë rëndësi rrobës dhe ushqimit por nderit. Ata nuk veshin si rrobat tuaja por në të njëjtën kohë nuk mendojnë si ju.

Ribij Bin Amiri, përpjekjeve të këshilltarëve për ta kompromentuar u përgjigjet: O persë ju e keni zmadhuar vlerën e ushqimit, të pijes dhe të veshjes ndërsa ne e kemi zvogëluar.

I deleguari i dytë i myslimanëve, Mugire Bin Shube mendoi t’ju jepte një mesazh të caktuar kur tentoi të ulet në fronin e Rustumit. Pasi persët, të irrituar, e zbritën nga froni i Rustumit ai iu përgjigjet: Ne e ëndërronim pozitën tuaj por tani po e shoh se nuk ka njerëz më mendjelehtë se ju. Ne arabët jemi të gjithë të barabartë, nuk robërojmë njëri-tjetrin përveçse në luftë. Mendoja se edhe ju jeni të drejtë me njëri-tjetrin ashtu si ne. Para se të më zbrisnit nga froni që e trajtoni të shenjtë, do kishte qenë më mirë të më njoftoni se ju e robëroni njëri-tjetrin. Kjo gjendje e juaja nuk mund të vazhdojë për shumë kohë. Sot e kam kuptuar se era juaj është drejt fundit dhe ju jeni të mundur. Mbretëria nuk mund të qëndrojë mbi këtë stil jete dhe mbi këto mendje.

Edhe në kontaktin e parë të Islamit me civilizimin bizantin në Egjipt u vërejt e njëjta gjë me atë Persian.

Reforma e parë që bëri Amër Bin Asi pas hyrjes në Egjipt ishte kthimi i kryepeshkopit kopt Beniamin, në postin dhe pozitën e tij. Post nga i cili ishte privuar prej bizantëve që prej 18 vitesh dhe ishte detyruar të jetojë i arratisur në shkretëtirë.

Tek civilizimi bizantin ishte i njëjti problem si tek ai pers. Thelbi ishte kalbur. Në sipërfaqen e këtij civilizimi nuk mund të ekzistonte fe dhe kulturë tjetër. Jo vetëm çdo kulturë apo fe tjetër por edhe ndonjë element i ndryshëm nga ai bizantin nuk kishte vend mbi këtë sipërfaqe. Sakaq konsideruan apostazi që meriton ndëshkimin më të rreptë edhe disa ndryshime të fraksionit kopt të krishterë që dilte nga i njëjti burim me atë të krishterë bizantin.

Rotacioni i vlefshëm për të gjithë

Pranimi i të ndryshmit dhe krijimi i kushteve dhe mundësive të natyrshme që të tjerët të luajnë rolin e tyre në arenën e civilizimeve është një nga cilësitë thelbësore të meritueshmërisë së civilizimit lider.

Cenimi i kuadrit të së ndryshmit, apo tjetrit, bie ndesh drejt për së drejti me ligjin e dialektikës shoqërore humane. Ligji i dialektikës, apo siç e quan Kurani “Tedafu”, na paraqitet në Kuran si ruajtësi apo shpirti i ekuilibrit të jetës humane në faqe të dheut dhe si garantuesi thelbësor i zhvillimit dhe rritjes të së mirës dhe i vazhdimësisë së përpjekjes për ta mbajtur të keqen në minorancë. Ndryshe mund të thuhet se ky ligj është i vetmi që e mban të paprekshëm standardin hyjnor dhe natyror të së mirës dhe të keqes. E në momentin kur shoqëria humane anon drejt homogjenizimit të shoqërisë dhe drejt stilit unik të jetës, përmes asimilimit të tjetrit apo kufizimit të kuadrit të lirisë së rolit dhe misionit të tij, mu në këtë moment standard i të mirës dhe të keqes bëhet ai i të fortit dhe jo ai hyjnori, natyrori. Për pasojë, të fortët për të ruajtur standardin e saj, që i garanton predominancën, është i gatshëm të përdor edhe mjetet, metodat dhe mënyrat më ekstreme. Kjo e gjitha çon na prishjen e ekuilibrit të natyrshëm jetësor, human dhe e çon botën drejt kataklizmit. Por realisht afati kohor i botës është përcaktuar nga Krijuesi i saj dhe kjo botë nuk mund të shkojë apo të dërgohet drejt fundit të saj artificialisht. Është ligji hyjnor dhe natyror i dialektikës “Tedafu” ai i cili e ruan jetën humane nga kataklizmi i parakohshëm i cili funksionon, më tepër se kurrë, atëherë kur standardi i të mirës dhe të keqes është manipuluar apo kompromentuar nga despotizmi i të fortit.

Koncepti i shtetit të përjetësisë “Devlet mudet ebed”, (sipas Ahmed Davudoglu “Kriza globale”), ishte një nga shkaqet kryesore që çoi në rrënimin e perandorisë osmane. Trajtimi i vetes si arritja më e madhe e kohës e çoi perandorinë në vetëkënaqësi dhe vetëmjaftueshmëri të brendshme. Lavdia e perandorisë, dhe jo misioni i saj, u bë shqetësimi i shqetësimeve. Sakaq të tjerët, në një farë mase i shikonte si të paaftë për të kapur ato maja që kishte arritur perandoria osmane. Kjo i shkaktoi izolim dhe pavëmendje ndaj zhvillimeve të natyrshme të jashtme gjë që çoi në cenimin e rëndë të koherencës dhe shkaktoi prapambetje si në aspektin organizativ edhe atë teknologjik. Zhvillimet u bënë me ritme shumë të shpejta si brenda perandorisë osmane edhe jashtë saj, por me një ndryshim rrënjësor. Zhvillimet brenda perandorisë ishin shumë të shpejta por drejt rrënimit ndërsa zhvillimet jashtë perandorisë, edhe ato ishin shumë të shpejta por drejt ngritjes dhe lartësimit.

Jeta e civilizimeve është e gjatë dhe e ndërlikuar. Shpesh me civilizimet mund të ndodh ashtu siç ndodh edhe me shumë individë të cilët në momente të caktuara të duken sikur po vdesin e po mbarojnë e megjithatë përsëri kthehen në jetë. Sakaq është shumë e vështirë për brezin aktual të përcaktojnë se në ç’fazë ndodhet një civilizim i caktuar.

Por mendoj se një gjë është e sigurt. Zhvillimet që po ndodhin në perëndim e në lindje nuk mund të dalin jashtë ligjit të natyrshëm të dialektikës së civilizimeve.

E nëse në fund të shekullit të 17-të do t’i kishin thënë perandorisë osmane se sapo ka filluar epoka e rrënimit të saj nuk do ta kishin besuar. E nëse në fillim të shekullit të 16-të do t’i kishin thënë Evropës se sapo i keni dhënë fund mesjetës dhe keni filluar një civilizim të ri edhe ata nuk do ta kishin besuar. E pavarësisht se në atë kohë do të dukej e pabesueshme, sot rrënimin e njërit e ngritjen e tjetrit brezat aktual e trajtojnë si një cikël prej cikleve të shumtë të historisë.

Vatikani: Islami është feja me përhapje më të madhe në botë

2011-12-20T15:50:00.000+01:00

Shteti i Vatikanit, ka deklaruar zyrtarisht se Islami është feja me përhapjen më të madhe në botë dhe se numri i myslimanëve, që prej një viti, i ka kaluar të krishterët me tre milionë më shumë. Sipas Vatikanit, kjo ka ardhur si rezultat i përqafimit të islamit nga një numër i madh perëndimorësh me gjithë fushatën dezinformuese ndaj kësaj feje dhe ithtarëve të saj.

Në një deklaratë për publikun, Vatikani thotë:”Numri i myslimanëve në botë i kalon tre miliardë, e tre milionë e njëzet e dy mijë myslimanë, duke e kaluar numrin e të krishterëve me tre milionë më shumë.”

Sipas deklaratës, Vatikani e pranon se islami është feja me përhapjen më të shpejtë në mbarë botën, ku 19.5 % e banorëve të planetit janë myslimanë, kundrejt 17.5 të krishterë.

Vatikani vë theksin tek një numër i madh perëndimorësh të krishterë, hebrenj dhe besimeve të tjera, të cilët kanë pranuar islamin gjatë viteve të fundit, me gjithë fushatën dezinformative e udhëhequr nga forca armiqësore me myslimanët, si dhe pasurive që shpenzohen për fushatat kristianizuese.

Ndërkohë, me mijëra njerëz kanë dalë në demonstrata në disa qytete italiane, për të protestuar kundër racizmit ndaj myslimanëve, pas sulmit me pasojë vdekjen e dy shitësve ambulant. /ardhmeriaonline/

Brengosje e thellë për dhunën në Egjipt (Video)

2011-12-19T18:51:00.001+01:00

Sekretari i përgjithshëm i Kombeve të Bashkuara, Ban Ki-mun akuzoi për përdorim të tepërt të fuqisë nga forcat egjiptiane të sigurisë gjatë kohës së përleshjeve me demonstruesit, të cilët tashmë tre ditë me radhë kërkojnë për t’i dhënë fund menaxhimit të autoriteteve ushtarake.

Ai i bëri thirrje autoriteteve kalimtare që të tregojnë përmbajtje dhe t’i respektojnë të drejtat e njeriut, midis të cilëve edhe të drejtën e protestës së qetë, theksohet në kumtesën e zyrës së Ban Ki-Munit.

Sekretarja amerikane e shtetit Hilari Klinton, gjithashtu shprehu brengosje të thellë për shkak të dhunës në Egjipt dhe u bëri thirrje forcave egjiptiane të sigurisë që t’i respektojnë të drejtat universale të të gjithë egjiptianëve, duke përfshirë edhe të drejtën e shprehjes dhe tubimit të qetë dhe të lirë.

Klinton u bëri thirrje autoriteteve egjiptiane që të kërkojnë përgjegjësi nga të gjithë, midis të cilëve edhe nga pjesëtarët e forcave të sigurisë, të cilët i prishin të drejtat e demonstruesve.

Të paktën dhjetë persona kanë humbur jetën gjatë trazirave në Egjipt në tre ditët e fundit.

“Poshtë Tantavi” brohoritën mbrëmë rreth një mijë demonstrues në sheshin Tahrir në Kajro, duke patur parasysh Mohamed Tantavin, i cili është në krye të Këshillit të lartë ushtarak dhe ishte ministër i Mbrojtjes në qeverinë e presidentit të rrëzuar Hosni Mubarak.

Muslimanët me mjekrra janë Terroristë ?!

2011-12-18T20:19:00.001+01:00

Një video interesante mbi stereotipet dhe paragjykimet e njerëzve, të shkaktuara nga ndikimi i mediave.

Çudi, apo jo?!

2011-12-18T15:14:00.001+01:00

Çudi se si një kartëmonedhë 20€ duket aq e madhe kur e jep për xhaminë, por shumë e vogël kur e shpenzon në dyqan. Çudi se sa gjatë na duket kur bëjmë dhikër një orë, por sa shpejt kur një ekip luan 60 minuta basketboll.

Çudi se sa të gjata janë disa orë të kaluara në xhami, por sa të shkurta kur shikojmë ndonjë film.

Çudi se si nuk mund të mendojmë asgjë për të thënë kur falemi, por nuk kemi vështirësi për të menduar rreth gjërave për të cilat do të bisedojmë me ndonjë shok.

Çudi se sa tronditemi kur një ndeshje futbolli shkon në kohë shtesë, por ankohemi kur teravia gjatë Ramazanit është më e gjatë se zakonisht.

Çudi se sa vështirë është të lexosh një xhuz të Kuranit, por sa lehtë është të lexosh 100 faqe të romanit më të shitur.

Çudi se si njerëzit dëshirojnë të arrijnë një ulëse në radhët e para në ndonjë lojë apo koncert, por përpiqen të zënë rreshtin e fundit në xhami, që të mund të dalin jashtë shumë shpejt.

Çudi se si na nevojiten 2 apo 3 javë lajmërim përpara për t’i gjetur kohë një aktiviteti të xhamisë brenda programit tonë, mirëpo mund ta ndryshojmë axhendën tonë për ngjarje të tjera edhe në momentin e fundit.

Çudi se sa vështirë është për njerëzit të mësojnë mirë një fjalim të thjeshtë për t’ua thënë të tjerëve, por sa e thjeshtë është për të njëjtët njerëz për t’ i kuptuar dhe përsëritur thashethemet.

Çudi se si besojmë çfarë thonë gazetat, por dyshojmë në atë që thotë Kurani.

Çudi se si çdonjëri dëshiron të shkojë në xhenet, por nuk kujdeset të besojë, të mendojë, të flasë apo të veprojë ndonjë gjë për të.

Çudi se si mund t’i dërgosh mijëra barsoleta përmes e-mailit, të cilat shpërndahen si lënda e djegshme, por kur fillon të dërgosh mesazhe në lidhje me Allahun, njerëzit mendojnë dy herë për ta shpërndarë.

Bagdad: Sot mbyllet baza ushtarake amerikane

2011-12-15T17:28:00.002+01:00

Forcat amerikane sot do ta ulin flamurin në Irak, në një ceremoni zyrtare, para tërheqjes së tyre nga vendi, pas pothuajse nëntë vjetësh.

Ceremonia e cila shënon mbylljen e bazës ushtarake në Irak vjen një ditë pasi presidenti amerikan, Barak Obama priti në shtëpi disa prej trupave të fundit të kthyera nga Iraku.

Duke folur para ushtarëve amerikanë në Karolinën Veriore, Obama tha se Shtetet e Bashkuara lanë prapa një Irak sovran dhe stabil.

Gjatë luftës në Irak kanë vdekur më shumë se 4,500 trupa amerikane dhe rreth 100 mijë irakianë.

Obama tha se lufta në total ka kushtuar më shumë se 1000 miliardë dollarë.

Përfundimi i luftës në Irak përmbushë një premtim që e ndihmoi Obamën t’i fitonte zgjedhjet presidenciale në vitin 2008.

Gazetari anglez "Jam lodhur nga shpifjet për muslimanët"

2011-12-14T18:23:00.001+01:00

Vazhdon drama e skandaleve të medias perëndimore kundër fesë islame dhe muslimanëve. kohë më parë, gazetari i gazetës më tirazh më të madh në Angli 'Daily Star', në një letër që publikoi në gazetën The Guardian njoftonte dorëheqjen e tij nga gazeta për shkak se ishte lodhur nga shpifja dhe sajimi i lajmeve kundër fesë islame dhe muslimanëve. Richard Peppiatt në letrën e tij thoshte se më nuk do që të sajojë lajme kundër muslimanëve dhe kritikonte ashpër drejtuesit e gazetës 'Daily Star'.

Richard Peppiatt tha se në gazetë, lajmet që i kemi publikuar në lidhje me muslimanët, nuk kanë patur të bënin me realitetin dhe kanë qenë krijim i fantazisë, së njerëzve si unë dhe gazetarëve tjerë.

Gazetari anglez, Richard Peppiatt, është marrë në pyetje nga Komisioni anglez për hulumtim të medias dhe ka pranuar se lajmet që publikohen për islamin dhe muslimanët, janë sajim dhe shpifje dhe qëndrojnë larg realitetit.

Kjo është goditja e dytë më e madhe ndaj medias angleze, pas skandaleve të përgjimit nga kompania Murdoch.

Duke iu përgjigjur pyetjes se 'pse nuk je ankuar për këtë?, ai ka thënë se ata që ankoheshin menjëherë largoheshin nga puna dhe mbeteshin papunë dhe në këtë mënyrë jetonin një jetë tragjike.

"Ishte një gazetare që ishte ankuar për lajmet kundër muslimanëve dhe më pas 'ia nxinë jetën asaj', kështu që për dy javë rresht atë e detyruan të sajonte lajmet kundër muslimanëve dhe më në fund u detyrua të japë dorëheqje nga gazeta', i tha komisionit Richard Peppiatt.

Ai tha se për fat të keq kjo gjendje e ka vrarë ndërgjegjen e tij dhe është dorëhequr nga gazeta, me qëllim të qetësimit të ndërgjegjes.

Konferencë rreth Islamit në Evropë

2011-12-14T15:27:00.000+01:00

Në praninë e specialistëve akademikë të universitetit holandez Leiden, filloi punimet konferenca shkencore me titull:”Islami në Evropë mes dy luftërave botërore”, e cila synon të hedhë dritë mbi një epokë e cila ka qenë e errët ose e injoruar gjer tani.

Pjesëmarrësit në këtë konferencë shkencore janë specialistë akademikë nga vende të ndryshme të botës. Ajo organizohet nga qendra e studimeve rreth Islamit pranë universitetit Leiden, e cila funksionon që nga viti 2009, si dhe nga qendra për studime bashkëkohore të Lindjes së Mesme pranë universitetit jugor të Danimarkës, e cila funksionon që nga viti 1983.

Konferenca, e cila do të vazhdojë gjer me 14 të këtij muaji, do të trajtojë pesë boshte kryesore, të cilat do të fokusohen tek shkaqet që sollën lindjen ne komunitetit mysliman në Evropë mes dy luftërave, si dhe mënyrën e ndërtimit të rrjetës së komunikimit me shoqëritë evropiane.

Qëllimi i konferencës

Lidhur me shkakun e organizimit të kësaj konference, e cila trajton një periudhë historike të prezencës së islamit në Evropë, dr. Umer Rijad, një nga organizatorët e konferencës, deklaroi për Alxhazira se:”Historia e prezencës së myslimanëve në Evropë, zakonisht na serviret se fillon me mbërritjen e valëve të para të krahut të punës pas luftës së dytë botërore. Nëpërmjet kësaj konference, synojmë të hedhim dritë mbi një periudhë të panjohur, për të mos thënë të injoruar. Ne synojmë që kësaj çështjeje ti qasemi nga një mënyrë shkencore. Duke iu qasur akademisht kësaj teme, ne i humbasim shansin atyre që duan ta keqpërdorin për përfitime politike.”

Zanafilla

Ditën e parë të konferencës, profesori i historisë pranë universitetit britanik Cambridge, David Mant, gjatë fjalës së tij tha:”Lufta e parë botërore konsiderohet si pikënisja dhe zanafilla e emigrimit të parë të myslimanëve drejt Evropës, e cila është pasuar nga valë të tjerë emigrimi.”

Ai tha se valën e parë të emigrimit të myslimanëve drejt Evropës, pas Luftës së Parë Botërore, e motivoi dhe konflikti në Evropë dhe nevoja për luftëtarë.

Nga ana e tij, dr. Mehdi Saxhid i universitetit të Bonit, o fokusua në rolin e mendimtarëve myslimanë dhe ndikimin e tyre në idetë perëndimore. Ai cekur rastin e dy figurave islame, si Reshid Rida dhe Shekib Arselan.

Gjatë punimeve të konferencës, në një sallë të rezervuar për studentët dhe mediat, janë ekspozuar foto personalitetesh myslimane të periudhës në fjalë, si dhe dokumente të ndryshme. Ndër këto personalitete, pikaset fotoja e Zekij Hishmet Bek Kiram, komandant i forcave tokësore të ushtrisë osmane në Arish, gjatë Luftës së Parë Botërore. Ai jetoi dhe vdiq në Berlin.

Gjithashtu, për të interesuarit shfaqet dhe një dokumentar me titull:”Çallma dhe kryqi i thyer”, i cili flet mbi një pjesë të jetës të myftiut të Kudsit, Muhamed Emin Husejn. /ardhmeriaonline/

Të pushtojmë Londrën, protestuesit sfidojnë temperaturat nën zero

2011-12-14T15:09:00.000+01:00

Bashkia do të hapë çështje gjyqsore javën e ardhshme

Duket se temperaturat nën zero në Londër nuk kanë mundur të ndalojnë protestuesit e lëvizjes “Të pushtojmë Londrën”. Tendat e të indinjuarve kanë sfiduar motin e ftohtë duke qendruar për të çuar deri në fund protestën e tyre. Kur mbështetja për protestën filloi të rritej në muajt tetor dhe nëntor, u krijua nevoja për të gjetur vendqëndrime të tjera në zonën financiare. Njëra prej tyre është një shesh përballë zyrës për Britaninë e Madhe të kompanisë mediatike financiare Bloomberg. Një tjetër vendqëndrim i protestuesve është një ndërtesë e zbrazët që i përkiste bankës zvicerane UBS. Protestuesit ndajne një objektiv të përbashkët: dobësimin e ndikimit të industrisë financiare mbi shoqërinë.

Javën e ardhshme, Bashkia e Londrës do të hapë një çështje gjyqësore, në përpjekje për të hequr tendat e protestuesve përfundimisht një lëvizje e ngjashme kjo më atë të kryebashkiakut të Nju Jorkut , Majkëll Bloomberg. Protestat e të indinjuarve të nisura para disa muajsht në Wall Street, përfshinë mbarë shtetet e Bashkuara, ndërsa duket se janë përhapur edhe jashtë kufijve. Protest ate ngjashme ka patur dhe në Itali , Spanjë e së fundmi në Londër./abc/

500 muslimanët më me influencë në botë gjatë vitit 2011

2011-12-13T21:35:00.000+01:00

Sipas listës "500 muslimanët më me influencë në botë në vitin 2011", në vend të parë radhitet mbreti Abdullah bin Ali Saud (pozitë e mbajtur nga viti i kaluar)

Ndërsa vendin e dytë në këtë listë e zë mbreti maroken Mohammedi VI (ka përparuar për tre vende në krahasim me vitin e kaluar kur ishte i pesti), derisa kryeministri turk Rexhep Tayyib Erdogan u rendit i treti (një vend më poshtë nga viti i kaluar, kur ishte i dyti në listë).

Lista "500 muslimanët më me influencë në botë në vitin 2011", është lista e tretë me radhë e këtij lloji, e cila lëshohet çdo vit. Filloi në vitin 2009., ndërsa botohet nga Qendra mbretërore islame për studime strategjike, e cila është një qendër e pavarur kërkimore lidhur me Institutin mbretëror të mendimit islam „Alu al-Bayt", Institut i pavarur ndërkombëtarë joqeveritarë islam me seli në Amman.

Në këtë listë janë përfshirë muslimanët më me influencë në bazë të ndikimit që kanë në komunitetin musliman dhe mënyrën me të cilin ndikimi i tyre u ka sjellë dobi komunitetit musliman, si në botën islame ashtu edhe në aspektin e paraqitjes së Islamit tek jo-muslimanët.
Libri i titulluar "500 muslimanët më me influencë në botë në vitin 2011", në rend të parë promovon 'top listën e 50' muslimanëve, influenca e të cilëve mund të ndihet në kontekstin ndërkombëtar. Pa marrë parasysh se influenca e tyre buron nga fushat e ndryshme, e përbashkëta e tyre është se kanë ndikim të rëndësishëm tek një numër i madh i njerëzve. Në këtë lista janë theksuar lloje të ndryshme të personaliteteve nga jeta publike: mbretërit, mësuesit shpirtëror, edukatorët medial, studiuesit, politikanët, administratorët, tradicionalistët, predikuesit, filantropët, personat përgjegjës për zhvillimin e shkencës dhe teknologjisë, artit e kulturës, organizatave ndërkombëtare islame... etj.
Ja edhe lista e Top 10-shit

1. King Abdullah bin Abdul Aziz al-Saud, King of Saudi Arabia, Custodian of the Two Holy Mosques

2. Grand Ayatollah Hajj Sayyid Ali Khamenei, Supreme Leader of the Islamic Republicof Iran

3. King Mohammed VI, King of

Morocco

4. King Abdullah II bin al-Hussein, King of the Hashemite Kingdom of Jordan

5. Recep Tayyip Erdogan, Prime Minister of the Republic of Turkey

6. Sultan Qaboos bin Sa’id al-Sa’id, Sultan of Oman

7. Grand Ayatollah Sayyid Ali Hussein Sistani, Marja of the Hawza, Najaf

8. Sheikh al-Azhar Dr Muhammad Sayyid Tantawi, Grand Sheikh of the al-Azhar University, Grand Imam of al-Azhar Mosque

9. Sheikh Dr. Yusuf Qaradawi, Head of the International Union of Muslim Scholars

10. Sheikh Dr. Ali Goma’a, Grand Mufti of the Arab Republic of

Egypt

As në Turqi nuk e lejojnë me shami në universitet

2011-12-13T20:26:00.001+01:00

Një studente shqiptare në Institutin e Teknologjisë në Izmir të Turqisë (IYTE),nuk është lejuar të marrë pjesë në mësimin e zhvilluar në një nga klasat e këtij institucioni arsimor turk për shkak të shamisë që mbante në kokë.

Ngjarja e pazakontë është denoncuar nga vajza shqiptare Ornela Bega tek gazeta turke “Today Zaman”. Ajo tregoi se ka ardhur në Turqi për të studiuar fizikë në institucionin arsimor İYTE.

Si u tha gazetarëve, ajo nuk është lejuar të marrë pjesë në leksionin e saj të Kimisë për më shumë se një muaj për faktin e vetëm se mbante shami koke.

Bego ka denoncuar për “Today Zaman” se ajo nuk ka qenë në gjendje për të gjetur ndonjë zgjidhje për këtë problem, i cili sipas saj, mund ta bëjë madje që të humbasë edhe vitin shkollor. Kjo edhe pse ajo ka biseduar me rektorin e İYTE-së, Mustafa Güden për këtë çështje.

Ndërkaq, Presidenti i Bordit të Arsimit të Lartë (YOK) Jusuf Zija Ozcan lëshoi një deklaratë në mars të vitit të kaluar, me të cilin paralajmëronte ata që ndalonin mbajtjen e shamisë së kokës në universitete dhe nëse do të kishte mosrespektim të këtij vendimi, ndaj atyre personave YOK do të niste hetimin.

Bega pohon se i ishte thënë nga një profesor: “Ju nuk mund të hyni në klasa duke mbajtur shami koke, edhe në qoftë se ndalimi i tyre në universitete është hequr”.

Ajo tha gjithashtu se ajo nuk ishte në gjendje për të kuptuar pse një ndalim i tillë ka qenë i zbatuar në Turqi, popullsia e së cilës është kryesisht myslimane.

Nje mjeke myslimane ne SHBA ofron sherbime falas

2011-12-13T20:23:00.000+01:00

Një mjeke muslimane në shtetin amerikan të Karolinës, ka hapur klinikë për persona të paaftë dhe të varfër për t'i treguar botës imazhin e vërtetë të Islamit.

“Ndihem shumë e lumtur, kjo është një ëndërr për mua. Ideja është që t’i shërbej dhe t’i ndihmoj personat e nevojshëm”, tha dr. Reshma Khan, gjinekologe nga ‘Ralph Johnson Medical Center’ e cila në bashkëpunim me organizatën humanitare islamike të Amerikës së Veriut ‘USA Relief’ ka hapur klinikën në Mount Pleasant.

Klinika, e quajtur Shifa do të ofroj shërbime falas një herë në javë, të shtunave, duke filluar nga data 7 janar.

Klinika do të ofrojë kujdes shëndetësor për gratë e pasiguruara prej moshës 17 deri në 65 vjeç.

Dr. Khan shpreson në zgjerimin e shërbimeve medicinale, por kjo varet nga vullneti i mirë i mjekëve dhe infermiereve tjera.

Klinika Shifa, e para e këtij lloji në Karolina, tregon parimet e vërtetë të Islamit i cili udhëzon në ndihmë për të varfrit.

Vitin e kaluar, një grup i mjekëve në Ohajo ka hapur klinikën Noor, duke ofruar kontrolle dhe këshillime falas për personat e varfër dhe pa sigurim shëndetësor. /islamgjakova/

Demokracia në krizë

2011-12-11T20:03:00.000+01:00

Fuqia e vërtetë nuk qëndron në Shtëpinë e Bardhë por përgjatë asaj rruge, aty ku gjenden aktorët ekonomik dominues, agjentët dhe institucionet të cilat nuk janë të detyruara t’i respektojnë rregullat demokratike.

Debate intensive teorike janë zhvilluar kohëve të fundit për virtytet e demokracisë, përderisa po mundohemi t’i analizojmë zhvillimet e fundit në disa vende arabe. Demokracia, shumica pohojnë, duhet të jetë qëllimi përfundimtar: është sistemi më i mirë politik, sistem në të cilin respektohet vullneti politik i qytetarëve dhe mbrohen të drejtat dhe liritë e tyre. Një sistem i tillë do të ishte arritja më e madhe e Afrikës Veriore dhe Lindjes së Mesme; së fundi arabët do të përjetonin pluralizëm, hapje dhe – pse jo - modernizëm.

Në të njëjtën kohë, në perëndim, sistemi demokratik po kalon në një nga krizat më të thella të historisë së tij. Larg nga idealizmi dhe përshkrimet teorike të sistemit demokratik, qytetarët e vendeve perëndimore e kanë përshtypjen se janë lënë anash, që opinioni i tyre nuk vlen asgjë. Për deri sa Ben Ali, Mubaraku dhe Gadafi u rrëzuan për shkak se popujt e tyre po thërrasin për liri, tetë liderë evropianë (Lista nuk është ende përfundimtare), të cilët duhet të kishin dhënë dorëheqje për shkak të përgjegjësisë së tyre për krizën ekonomike, janë duke ia imponuar sundimin e tyre organeve politike. Sistemi politik i njohur si demokraci, po vërtetohet se nuk është transparent dhe i lirë atëherë kur që të dy, shteti dhe qytetarët janë futur thellë në borxh. Kush po i merr vendimet sot? Kush e ka fuqinë?

Kur kryeministri i Greqisë George Papandreou, filloi të bëjë politikë me thirrjen e tij për referendum. Ai u kritikua dhe u detyrua të jap dorëheqje: nuk është koha tash që të konsultohesh me popullin tënd, iu tha atij, pasi që liria e vetëvendosjes mund të na çoj në shkatërrim kolektiv... Fuqitë dominuese ekonomike dhe institucionet, dhe gjithashtu edhe “Rating Agencies” (agjencitë vlerësuese), ua kanë imponuar politikanëve logjikën e tyre: Tash nuk është momenti i duhur të konsultoheni me popullin. Mediet i ndjekin pas pa kundërshtuar; për ato është tërësisht natyrale dhe e qëndrueshme që presidentët dhe ministrat të detyrohen të japin dorëheqje pa e thënë populli fjalën e vet. Të lë përshtypjen, që në kohën e krizave, rregullat e procedurave demokratike nuk duhet të përfillen: qytetarët nuk janë tjetër veçse spektatorë.

Nga vendet me shumicë myslimane po kërkohet që ta rivlerësojnë relacionin në mes shtetit dhe autoriteteve fetare. Islami nuk duhet t’ia imponojë të vërtetën dhe besimin e vet një qeverie të zgjedhur në mënyrë demokratike. Ky i fundit duhet të jetë i lirë dhe duhet ta shprehë dëshirën e shumicës. Regjimet teokratike janë të rrezikshme, pasi që ato nuk e mbrojnë barazinë e qytetarëve para ligjit dhe të drejtën e vetëvendosjes për ardhmërinë e tyre. Çështje në të vërtetë kritike!

Vendet me shumicë myslimane me ç’do kusht duhet ta lirojnë veten e tyre nga diktatura sekulare ose religjioze. Thirrja për demokratizim është legjitime dhe duket se është e vetmja mënyrë për të ecur përpara: kjo është esenca e zgjimit arab, shpresa e tyre po aq sa qëllimi i tyre.

Kurse ne duhet të bëjmë pyetje të mprehta në lidhje me modelin dhe përfundimin. A duhet që vendet arabe t’i përcjellin hapat e perëndimit? A ia vlen që të imitohet modeli perëndimor. Ku janë liria dhe transparenca për të cilat po flasin demokratët? Nga ç’do anë që kthehemi, dëgjojmë të ngrihen zëra: Njerëzit po e vërejnë qartë që në masë të madhe po i humbin të drejtat e tyre, po përjetojnë më pak liri, po margjinalizohen gjithnjë e më shumë.

Në Shtetet e Bashkuara të Amerikës kriza më e fundit dhe gjithnjë e më shumë e thelluar po e vë në pah paaftësinë e qytetarëve. Miliona janë të papunë dhe thellë të zhytur në borxh; ata nuk kanë sigurim shëndetësor t’i mbulojnë nevojat e tyre, nuk kanë shërbime sociale t’i mbrojnë familjet e tyre. Nga ata po kërkohet që të votojnë për kandidatë që shpenzojnë miliarda dollarë gjatë kampanjave elektorale, dhe pastaj përfundojnë të harruar. Disa qytetarë tentuan që t’u dëgjohet zëri në Wall Street: Fuqia e vërtetë nuk qëndron në Shtëpinë e Bardhë por përgjatë asaj rruge, aty ku gjenden aktorët ekonomik dominues, agjentët dhe institucionet të cilat nuk janë të detyruara t’i respektojnë rregullat demokratike. E tyre është fuqia mbi ekonominë, mbi financat e larta, mbi paratë dhe mediet: këtu demokracia nuk ka vend. Numri i protestuesve arriti në disa mijëra qytetarë nevojtarë që e shprehën vetëm një ankesë: Ç’farë rruge po ndjekin demokracitë perëndimore?

Gjithashtu edhe në Evropë ndjenja është e njëjtë. Në Evropë nuk kemi kontroll religjioz mbi shtetin, mirëpo korporatat transnacionale, institutet ekonomike, bankat, mediet dhe lobet e organizuara mirë po e minojnë esencën thelbësore të sistemit demokratik (i cili duhet të bazohet në transparencë dhe në mendimin e shumicës). Ne flasim për ndarjen e autoriteteve fetare nga autoritetet shtetërore – por kush do ta mbrojë shtetin nga fuqitë ekonomike, financiare dhe mediale që po i imponojnë vendimet dhe politikat e tyre antidemokratike.

Është bukur dhe mirë ta lëvdojmë një model të idealizuar demokratik, por e vërteta është se demokracitë perëndimore po përjetojnë erozion: popujt po i humbin të drejtat dhe privilegjet e tyre. Është koha për qytetarët që të ngritën dhe të kërkojnë transparencë, respekt dhe qëndrueshmëri. Botës arabe i duhet kreativitet politik; kurse në anën tjetër perëndimi i zhytur në krizë nuk mund të jetë shembull. Është koha për të gjetur mënyra të tjera, horizonte të reja. Jeta në botën e globalizuar po i pengon zhvillimet nacionale demokratike. Tunisi, Egjipti, Libia ose edhe Shtetet e Bashkuara, Greqia, Italia, Franca apo Gjermania nuk mund ta arrijnë “demokracinë” secila në vete.

Ndërsa nacionalizmi do të ishte një kurth tjetër, pasi që forcat jo-demokratike po përgjojnë fshehtas nga prapa në vendet ku qytetarët kanë humbur të drejtat dhe statusin e tyre. Demokratët dhe qytetarët e lirë duhet të mësojnë të shikojnë përtej kufijve: çështje e vështirë që kërkon lëvizje qytetare tej-nacionale. Nuk ka zgjedhje tjetër. Së bashku me lirinë vijnë edhe disa obligime: një paradoks, por një e vërtetë historike.

Tarik Ramadan

www.tariqramadan.com

Gjenerali amerikan paralajmëron trazira në Evrope

2011-12-11T19:28:00.001+01:00

Gjenerali amerikan, Martin Dempsey, paralajmëroi trazira qytetare, nëse kriza financiare në Evropë do të zgjerojë kufijtë.

Ai tha se ende mbetet e paqartë nëse hapat e ndërmarrë nga udhëheqësit evropianë do të jenë të mjaftueshme për ta mbajtur të bashkuar Eurozonën, duke shtuar se çdo ndarje do të ketë pasoja edhe për Pentagonin. Në Bruksel, 26 nga 27 anëtaret e Bashkimit Evropian arritën një marrëveshje për një union me më shumë rregulla disiplinore.

Vetëm Britania e Madhe nuk e firmosi paktin, sepse sipas kryeministrit David Cameron ai binte ndesh me interesin kombëtar. Gjenerali Dempsey, kreu i shtabit të bashkuar të shefave të ushtrisë amerikane, tha se Eurozona ndodhet në një rrezik të madh.

“E di se ata kanë marrë disa masa, që 17 vendet anëtare te eurozonës po përpiqen të rendisin politikat monetare dhe fiskale. Por mbetet e paqartë, se paku për mua, se a është pikërisht kjo qe do t'i mbajë të bashkuar”, tha Dempsey.

Dempsey sugjeroi se një nga shqetësimet e tij është se Shtetet e Bashkuara do të ekspozohen përballe gjithçkaje që do t'i ndodhë eurozonës në të ardhmen, siç janë trazirat e mundshme sociale dhe shpërbërja e Bashkimit Evropian.

Shtetet e Bashkuara kanë mbi 80 mijë ushtarë dhe 20 mijë nëpunës në Evropë, shumica e tyre të vendosur në Gjermani. Ai shprehu shqetësim edhe për një projekt ndërkombëtar për të zhvilluar aeroplanin ushtarak F-35, i cili do të vihet në rrezik, nëse buxhetet kombëtare evropiane do te reduktohen.

Dempsey i bëri deklaratat gjatë një takimi të organizuar nga Këshilli i Atlantikut./express/

Si të argëtoheni në shtëpi gjatë ditëve të ftohta

2011-12-11T16:28:00.000+01:00

Me ardhjen e ditëve të ftohta, familjet kryesisht të shumtën e kohës e kalojnë në shtëpi. Për këtë arsye, prindërit shpesh pyesin se si t’i argëtojnë fëmijët në mënyrë të duhur.

E hëne 28 Nëntore 2011 8:54

Zgjidhja më e mirë janë lojërat shoqërore, në të cilat të gjithë do të kënaqeni dhe argëtoheni. Ne ju propozojmë disa mënyra për ta kaluar kohën gjatë pasdites në shtëpi

Plastelina

Bërja e formave me plastelinë është lojë e shkëlqyeshme kreative për fëmijët, sepse u ndihmon që ta zhvillojnë imagjinatën dhe të bëjnë forma të ndryshme.

Për fillim, prindërit duhet të tregojnë se çfarë duhet bërë, apo edhe vet fillimisht t’ua demonstrojnë se si bëhen figurat e caktuara, siç janë kafshët, pemët, perimet... Plastelina është e dobishme sepse mund ta përdorni një kohë të gjatë, ndërsa mund të gjendet në secilën librari.

Bërja e kopshtit zoologjik

Nëse tashmë keni lodra të vogla në formë kafshësh, të cilat janë lodrat më të dashura për fëmijë, por të cilat pas një kohe bëhen monotone, është koha që t’ua gjeni një vend të duhur.

Merrni ndonjë letër të madhe, karton apo kapak kutish për këpucë dhe bëni një kopsht zoologjik imagjinar. Së bashku vizatoni rrethojat për kafshë, barin, dheun, ujin (varësisht ku jeton kafsha e caktuar). Po ashtu, mund të bëni edhe tabela me emrat e kafshëve.

Lojërat shoqërore

Në lojërat klasike shoqërore, siç janë "Monopoli" apo "Njeri mos u zemëro”, me siguri se do të kënaqen të gjithë anëtarët e familjes. Mirëpo, në dispozicion keni shumë lojëra shoqërore të cilat mund t’i gjeni edhe në supermarkete.

Nëse vendosni për blerjen e një loje të re, keni kujdes të shikoni se për çfarë moshe janë të dedikuara dhe për sa lojtarë./zeri/

Në Gjermani hapet banka e parë për myslimanët

2011-12-11T15:37:00.001+01:00

Me termin “bankat islame” nënkuptohen bizneset bankare, që përcaktohen sipas ligjit islamik.

Në Paris dhe Londër tashmë janë krijuar kornizat për etablimin e bankave islame, ndërsa në Gjermani, në qytetin Manheim, tashmë ka filluar punën “Banka Kuvajto-turke”.

Kamatat janë të ndaluara, ndërsa spekulimet janë një temë tabu.

Për dallim nga biznesi konvencional bankar, në Gjermani filloi punën banka e parë për myslimanë, bazuar në rregullat e islamit.

Banka në Manheim nuk bën biznes sipas parimit të kamatës, por duke u bazuar në pjesëmarrje në financimin e ndërmarrjes./express/

Fisk: Bankierët perëndimorë si diktatorët arabë

2011-12-11T15:30:00.000+01:00

Gazetari britanik, ekspert i çështjeve të Lindjes së Mesme, Robert Fisk, i ka konsideruar bankierët perëndimorë të barabartë me diktatorët e vendeve arabe. Sipas tij, bankierët perëndimorë nuk ndryshojnë nga ata që ai i quan qeveritarë diktatorë të vendeve arabe, të cilët e konsideronin pushtetin si pronë të tyren.

Për të sqaruar pikpamjen e tij se sistemi kapitalist është shpërfytyruar dhe se kriza financiare është mbajtur e fshehtë, Fisk bën një krahasim mes asaj që tashmë njihet me emrin “Pranvera arabe” dhe mes protestave që zhvillohen në perëndim.

Lidhur me pranverën arabe, ai tha se kjo frazë është një shpërfytyrim i imazhit të rizgjimit arab dhe islam, i cili ka lëkundur të gjithë Lindjen e Mesme.

Në kuadër të kritikave ndaj gazetarëve perëndimorë të cilët kanë përcjellë protestat sociale në perëndim, Fisk thotë se raportet flasin për frymëzimin e të varfërve në perëndim me pranverën arabe të lindjes, e cila largoi nga pushteti presidentin e tunizian dhe atë egjiptian.

Gazetari shton se e gjitha kjo është absurditet, pasi në kundërshtim me atë që ndodhi në botën arabe, protestat perëndimore janë injoruar nga gazetarët perëndimorë, të cilët i kanë ngritur në qiell protestat arabe kundër diktatorëve, por lënë pas dore protestat kundër qeverive “demokratike” në perëndim. Këtë, ata e justifikojnë se gjoja po merren me konfliktet më të fundit në botën arabe.

E vërteta

Sakaq, e vërteta – sipas Fisk – fshihet diku tjetër. Ajo që i shtyu arabët të dalin në protesta milionëshe duke mbushur rrugët e Lindjes, ishin kërkesat e tyre për dinjitet dhe refuzimi që pushteti të mos shihej si pronë e familjeve qeverisëse. Martirët e protestave dhanë jetën e tyre për ti treguar botës se vendet e tyre ishin pronë e popullit dhe e askujt tjetër.

Ajo që ndodh në perëndim – po sipas Fisk – nuk janë gjë tjetër veçse protesta kundër bankiervë dhe qeverive, sepse popujt kanë ndjerë, edhe pse vonë, se janë mashtuar duke u ofruar demokraci falco.

Ai thotë se dy bankat Goldman saks dhe Royal bank of skotland, nuk ndryshojnë shumë nga Mubaraku dhe Bin Ali përsa i përket zhvatjes së pasurive të popullit nëpërmjet shpërblimeve financiare tepër të mëdha, si dhe shtesave të majve që marrin administratorët, shifra të paimagjinueshme nga “vëllezërit e tyre diktatorë arabë”.

Në kuadër të mungesës së hetimit të krizës financiare, Fisk thotë se kjo i kujton mbulimin e plotë të ngjarjeve të botës arabe nga ana e korrespondentëve amerikanë, të cilët shmangin çdo lajm ku kritikohet Izraeli.

Artikullin e tij, ai e mbyll me fjalët:”Ne në perëndim, domethënë qeveritë , kemi krijuar diktatorët tanë. Por në ndryshim me arabët, ne nuk mund ti prekim ata.” \ardhmeriaonline\

Myslimanët Amerikanë i Përgjigjen Rrjetit të Islamofobisë me Organizim në Bazë

2011-12-10T22:57:00.001+01:00

Daniel Tutt.*

Rrjeti i vogël por me influencë i analistëve dhe blogerëve anti-myslimanë të cilët kanë luajtur rol kyç në krijimin e miteve te përhapura gjerësisht si “Presidenti Obama është mysliman”, ose “myslimanët praktikantë nuk mund të jenë Amerikanë besnikë” dhe “sheriati është një rrezik ndaj Amerikës” kanë filluar ta përhapin mesazhin e tyre duke udhëtuar gjerë e gjatë. Duke folur në darka gala të mbushura plot, darka donatorësh, konferenca konservative, madje duke trajnuar edhe FBI-në dhe organet lokale të rendit, ky rrjet i vogël por i ndërlidhur folësish, analistësh, e blogerësh ka arritur të tërheqë zyrtarë të zgjedhur, përfshi edhe senatorë e kongresmenë, në aktivitetet e tyre.

Duke marrë shkas nga raporti i fundit i Qendrës për Progresin Amerikan, “Fabrika e Frikës: Rrënjët e Rrjetit të Islamofobisë në Amerikë,” i cili e ekspozoi industrinë 42.6 miljon dollarëshe që e furnizon infrastrukturën e Islamofobisë në Amerikë, myslimanët Amerikanë kanë filluar ta sfidojnë këtë lëvizje të shtrirë në bazë duke ndërmarrë kundër-lëvizjen e tyre në bazë. Duke protestuar në konferencat e tyre, shkruar peticione ndaj hoteleve që i mirëpresin ata, formuar koalicione me organizata myslimane e jo-myslimane, dhe një sërë strategjishë të tjera, organizatat dhe aktivistët myslimanë Amerikanë po fillojnë të ndeshen ballë për ballë me industrinë e vogël të folësve Islamofobë. Ky lloj agjitacioni po fillon të vihet re nga rrjeti. Ashtu si një nga arkitektët kryesorë të rrjetit të Islamofobisë, Robert Spencer ka vënë re, shumë myslimanë Amerikanë kanë filluar të sfidojnë pikëpamjet e tyre ballë për ballë, duke arritur si rezultat tërheqjen e hoteleve nga kontratat për aktivitete me fjalime nga Spencer, Pamela Geller, dhe Frank Gaffney.

Ky trend kombëtar po vihet në pah në Anapolis, Merilend, këtë fundjavë. Më 29 Tetor, Rrjeti i Aksionit Konservativ Merilend do të mikëpresë konferencën Turning the Tides, dhe ata po përballen me protesta për shkak të përfshirjes së Frank Gaffney-it dhe disa liderëve të tjerë Islamofobë. Ish Delegati i Merlilend Saqib Ali, sëbashku me Khuram Zaman, një aktivist i mediave sociale, po organizojnë një koalicion për të ngritur vëmendjen rreth këtij aktiviteti mes banorëve të Merilend. Zaman dhe Ali kanë hyrë në partneritet me Equality Maryland, CASA de Maryland, Islamic Society of Annapolis, Muslim Public Affairs Council, dhe Council on American-Islamic Relations (CAIR) për ta denoncuar konferencën Turning the Tides.

Koalicioni ka lëshuar këtë deklaratë: “Ne pa asnjë dyshim e mbështesim të drejtën e lirisë së fjalës të garantuar nga Amendamenti i Parë i Kushtetutës së Amerikës. Sidoqoftë, ne nuk mund të heshtim kur njerëz me paragjykime e urrejtje vijnë ne komunitetet tona për të përhapur gënjeshtrat dhe intolerancën e tyre.” Ata u bënë thirrje këtyre zyrtarëvë të zgjedhur që ti ri-konsideronin planet e tyre për të folur në këtë konferencë: Senator Kristofer Shank, Delegatët Keti Afzali, Patrik McDonough, dhe Neil Parrot.

Paneli hapës i konferencës titullohet “Ligji i Sheriatit në Amerikë”. Mes panelistëve është Frank Gaffney, një nga Islamofobët dhe konspiracionistët më në zë të Amerikës, i cili u citua gjerësisht prej terroristit Norvegjez Anders Breivik në manifeston e tij të dhunshme të lëshuar para masakrës së tmerrshme që ai kreu ndaj 69 burrave, grave, e fëmijëve të pafajshëm. Gaffney thotë që Presidenti Obama “ka mundësi që akoma është Mysliman”. Gaffney gjithashtu këmbëngul se logoja e re e Agjensisë së Mbrojtjes Rraketore “duket se në një mënyrë ogurzezë reflekton morfozën e hënës së re Islamike me yll bashkë me logon e fushatës së Obamës.”

Robert Stacy McCain, një bloger i ekstremit të djathtë i cili u është referuar homoseksualëve si “faggots” (term ofendues në anglisht sh.p.) dhe meksikanëve si “Beaners” (term tjetër ofendues e rracist sh.p.) në shumë raste, gjithashtu do flasë në konferencë. Fred Gandi dhe gruaja e tij, Katerinë Man-Gandi, të cilët janë ish drejtues të një emisioni radiofonik dhe të cilët promovojnë idenë se amerikanët myslimanë po përpiqen të rrëzojnë Kushtetutën duke implementuar “Sheriatin e Fshehtë”, gjithashtu do jenë në panel. Ligjërues të tjerë përfshijnë Kristofer Monkton, një aristokrat Britanik i cili pretendon se Presidenti Obama mbështet “një qeveri botërore komuniste” dhe se duke firmosur traktatin e klimës së Kiotos, Presidenti Obama “do firmoste dorëzimin e lirive dhe demokracisë sonë përgjithmonë.” Monkton ka një histori gënjeshtrash fantastike si pretendimi fallso se ai ka qenë anëtar i Parlamentit Britanik apo se ka fituar një çmim Nobel.

Partia e Çajit e Merilend e akuzon Sakib Ali dhe koalicionin se ata po mundohen të heshtin zërat që shqetësohen rreth përhapjes së sheriatit, dhe Merilend Conservative Action Network Inc., iu përgjigj koalicionit duke thënë: “ne besojmë së ja vlen të diskutohen dhe eksplorohen parimet e Ligjit të Sheriatit. Panelistët që ne kemi ftuar kanë shpenzuar një kohë të konsiderueshme duke e studjuar temën dhe kanë shumë informacion për të ofruar. Qëllimi ynë është të informojmë publikun rreth opinioneve të panelit dhe t’ua lëmë në dorë pjesëmarrësve të nxjerrin konkluzionet e veta e të bëjnë kërkime të mëtejshme.”

Ali dhe Zaman thonë se përpjektjet e tyre kërkojnë të “edukojnë publikun rreth asaj që po ndodh mu këtu në Anapolis. Ne duam ti stigmatizojmë këto lloj paragjykimesh njësoj siç janë stigmatizuar paragjykimet ndaj të zinjve dhe anti-semitizmi. Ku Kluks Klani është një organizatë e cila nuk është më e mirëpritur në shoqërinë e edukuar. Këta ekstremistë janë njësoj dhe duhen trajtuar në të njëjtën mënyrë.”

Ali dhe Zaman kanë shkruar një deklaratë zyrtare të shqetësimit të tyre rreth Konferencës së MDCAN në Anapolis dhe i inkurajojnë banorët e Merilend dhe qytetarët e tjerë të shqetësuar që ta përhapin lajmin rreth konferencës në Facebook.

*Drejtori i Marrëdhënieve me Publikun, Fondacioni Unity Productions

marre nga:www.e-zani.com

Gratë nobeliste marrin sot çmimet në Oslo

2011-12-10T22:12:00.001+01:00

Tre gratë që ndajnë çmimin e sivjetmë Nobel për Paqe pritet që t’i marrin çmimet e tyre gjatë ditës së sotme, në një ceremoni në Oslo të Norvegjisë.

Presidentja liberiane, Ellen Xhonson Sirllif, pastaj aktivistja liberiane e paqes, Lejmah Gbovi dhe aktivistja e Jemenit, Tavakol Karman do të marrin secila nga një medalje të artë, një diplomë dhe çmimin në para, 1/3 e 1.48 milionë dollarëve.

Presidenti i Komitetit Norvegjez për Nobel, Thorbrojn Jagland tha se shpallja e emrave të tyre si fituese të çmimit me 7 tetor nënkuptonte njohje të përpjekjeve të tyre kundër dhunës për mbrojtjen e grave dhe promovimin e të drejtave të tyre, si dhe njohje të punës së tyre në procesin e ndërtimit të paqes.

Në një ceremoni tjetër në Stokholm, fituesit e çmimeve Nobel për Mjekësi, Fizikë, Kimi, Letërsi dhe Ekonomi, do të pranojnë çmimet e tyre./rfe/

Gjenerali amerikan paralajmëron trazira në Evropë

2011-12-10T22:10:00.000+01:00

Gjenerali amerikan, Martin Dempsey, paralajmëroi trazira qytetare, nëse kriza financiare në Evropë do të zgjerojë kufijtë.

Dempsey i bëri deklaratat gjatë një takimi të organizuar nga Këshilli i Atlantikut./express/