Persekutimi i muslimanëve në pendën e karikaturistit

Më tepër...

Holandë; Koka të prera derrash nëpër xhami

Në Holandë me ardhjen në krye të detyrës të qeverisë se re të pakicave e cila u formua me mbështetjen e partisë raciste Lira, sulmet kundër turqve dhe marokenëve janë shtuar.

Përshkallëzimi i sulmeve kundrejt xhamive ka filluar të shkaktojë shqetësim. Partitë opozitare sulmet në fjalë i ngritën në rendin e parlamentit.

Javët e fundit sulmet kundër xhamive në Holandë janë dendësuar në mënyrë të ndjeshme. Ndërkohë që në qytetin Dordrecht një xhami është sulmuar me armë, një xhamie tjetër në Gronigen i është vënë zjarri.

Nëpër shumë xhami muret janë shkarravitur me slogane raciste si dhe janë lyer me gjak derri. Nëpër disa xhami janë hedhur edhe koka të prera derrash.

Partia e Majtë e të Gjelbërve dhe Partia Laburiste kanë paraqitur në parlament nga një interpelancë. Partia Laburiste gjithashtu ka kërkuar që parlamenti të mblidhet në një seancë urgjente për të diskutuar sulmet kundër myslimanëve dhe faltoreve të tyre. Ky propozim është përkrahur edhe nga Partia e Majtë e të Gjelbërve.

Kurse Gert Uilders, i cili njihet për deklaratat si "Sa më pak xhami të ketë në Holandë aq më mirë është", në një mesazh që ka shkruar në TWITTER ka thënë se "sulmet ndaj xhamive janë të papranueshme". /TRT/

Më tepër...

HISTORIANËT ; E kemi fabrikuar Greqinë e lashtë

Një grup historianësh të njohur mbajtën një konferencë shtypi në fillim të kësaj jave tek National Geographic Society, për të deklaruar se e kanë "fabrikuar krejtësisht" Greqinë e lashtë, një kulturë që prej një kohe të gjatë mendohej se ishte baza intelektuale e qytetërimit perëndimor.

Grupi pranoi se ideja e një shoqërie të sofistikuar dhe në lulëzim që ekzistonte në Greqi më shumë se dy mijëvjeçarë më parë ishte e gjitha një sajesë e krijuar nga një ekip prej dhjetëra historianësh, antropologësh dhe klasicistësh që punuan pa ndërprerje në periudhën mes viteve 1971 dhe 1974 për të "krijuar" dokumente dhe sende "greke".

"Sinqerisht, asnjëherë nuk e mendonim që gjërat do të shkonin kaq larg", deklaroi Profesor Gene Haddlebury, i cili është ofruar që të japë dorëheqjen nga pozicioni i tij si kryetar i Studimeve Helenistike në Universitetin e Georgetown. "Ishim të rinj dhe përpiqeshim të çonim përpara karrierat tona, kështu që nisëm të sajojmë: Homeri, Aristoteli, Sokrati, Hipokrati, leva dhe boshti, retorika, etika, të gjithë llojet e kolonave - gjithçka. Sigurisht shumë më tepër gjëra nga sa do të kishte qenë në gjendje të krijonte një qytetërim i vetëm".

Sipas Haddlebury, ideja e sajimit të një kulture të lashtë erdhi kur ai dhe akademikë të tjerë kuptuan se nuk e kishin fare idenë se çfarë kishte ndodhur në fakt në Europë në periudhën 800 vjeçare përpara epokës së krishterë. Të frustruar nga hendeku që ekzistonte në të dhënat dhe duke parë që arkeologët nuk po ndihmonin aspak, ata ua paraqitën problemin kolegëve që në atë kohë ishin duke u përpjekur për të gjetur një mënyrë për të shpjeguar gjëra të tilla si astronomia, kartrografia dhe demokracia.

Brenda pak orësh u lind qytetërimi më i madh dhe më me ndikim i të gjithë kohëve. "Një natë, dikush bëri shaka dhe tha sikur të marrim të gjithë këto ide, t'i bëjmë bashkë dhe të themi që grekët kishin bërë gjithë këto 2000 vjet mëparë", tha Haddlebury. "Kështu rodhën gjërat njëra pas tjetrës dhe pa e kuptuar as vetë ne mbërritëm tek gjithçka, që nga përpjestimi i drejtë e deri tek Iliada".

"Dhe meqë ra fjala, ishte një tmerr i vërtetë ta shkruaje atë", vazhdoi ai, duke iu referuar poemës epike që besohet se ka hedhur themelet e traditës letrare të Perëndimit. "Por gjithësesi, na eci".

Përreth të njëjtës kohë, një kurator në institutin Smithsonian kërkoi ndihmën e Haddleuryt: Muzeu kishte marrë një donacion të majmë për të krijuar një ekspozitë mbi botën e lashtë "por faktikisht nuk kishte shumë gjëra për të vendosur aty". Historianët iu futën menjëherë punës, duke falsifikuar me shpejtësi prova të një qytetërimi që - i plotësuar me poetët dhe filozofët e tij, perënditë dhe heronjtë - do të bëhej më vonë pika qendrore e librave shkollorë, arsimit në kolegje dhe fushave të tëra të shkencave njerëzore.

Emily Nguyen-Whiteman, një prej akademikeve të reja, shpjegoi se e gjithë arkitektura e lashtë greke bazohej në ndërtesa në Uashignton, duke përfshirë edhe një bankë që ndodhej matanë rrugës përballë kafenesë ku "ata ishin mbledhur për të rrahur idetë mbi mitologjinë e të tjera si këto".

"Zgjodhëm Greqinë, sepse kuptuam se askush nuk do të shkonte atje dhe të kontrollonte", tha ajo. "E keni parë ndonjëherë atë vend? Është si një varr i braktisur i mbushur me mace". Ajo shtoi: "Por, ishte e pashmangshme që njerëzit të fillonin të kërkonin nga këto gjëra 'të lashta' dhe pa kaluar shumë kohë u gjenda në Athinë gjatë gjithë verës duke ndërtuar Partenonin për të fshehur gjurmët".

Nguyen-Whiteman pranoi se asaj iu ngarkua edhe detyra që të ndryshonte dokumentet që varionin nga Biblat e hershme deri tek shkrimet e Tomas Xhefersonit, për të pasqyruar një ndikim të Greqisë së lashtë - një detyrë që përfshinte gjithashtu krijimin, nga hiçi, të një gjuhe të bazuar në greqishten moderne dhe që mund të kapërdihej me lehtësi si paraardhësja e saj e lashtë.

Historianët u thanë gazetarëve se dise prej ideve të ashtuquajtura greke ishin në fakt të huazuara nga romakët. Por për të tjerat ata thanë se ishin ide që i kishin sajuar vetë. "Gjeometria? Ishte gjithçka ide e Kevin", tha Haddlebury, duke iu referuar ish-studentit të sapodiplomuar në atë kohë, Kevin Davenport. "Ai djalë ishte i papërmbajtshëm në ato kohë. Në fakt, po ta mendosh sot mësojnë gjeometrinë Davenportiane në shkollat e mesme, që sigurisht e quajnë gjeometria Euklidiane".

Në një deklaratë ku shprehen se kërkojnë falje për këtë gënjeshtër të madhe me temë lashtësinë, historianët shprehën shpresën se vepra e tyre do të mbijetojë për meritë të vet. "Do të ishte turp të shihnim njerëzimin të braktiste arritje të tilla si heliocentrizmi dhe veprat e Eskilit, vetëm për shkak të origjinës së tyre", thuhej në deklaratë. "Veç kësaj, kemi disa gjëra zhgënjyese për t'iu thënë në lidhje me piramidat, veprat e Leonardo Da Vincit, penicilinën, internetin, metodat shkencore, filmat dhe qentë"./Bota sot/

Më tepër...

Evropa jotolerante

“Nata e errët e fashizmit gjithmonë ka qëndruar mbi Shtetet e Bashkuara, por zbriti vetëm në Evropë”, tha Tom Volf në vitin 1965 dhe kështu është edhe sot.

Komentatorë të ndryshëm kanë pohuar së fundmi se kundërshtimi i shumë amerikanëve ndaj propozimit për ndërtimin e qendrës islamike, dy blloqe nga vendi ku ndodhej Qendra Botërore e Tregtisë, paraqet fanatizëm fetar dhe paranojë.

Por, nëse ndonjë vend është i pllakosur nga fanatizmi në rritje, ai nuk është Amerika, por Evropa, kontinenti ku mirëqenia e shteteve dhe pacifizmi admirohen aq shumë nga liberalët amerikanë.

Vitin e kaluar, rreth 60 për qind të zviceranëve votuan për të ndaluar ndërtimin e minareve, të gjitha minareve, gjithkund, jo vetëm afër vendit ku u kryen sulmet terroriste.

Në Belgjikë, Dhoma e Ulët e Parlamentit e miratoi Ligjin për ndalimin e ferexhesë në publik, i cili tash pret miratimin në Senat.

Në Francë, ndalesa e tillë u bë ligj javën e kaluar, pas ngecjes në Gjykatën Supreme. Megjithëse ka arsye legjitime për ndalesat e tilla, një pjesë e mbështetjes së tyre vjen nga fanatizmi anti-mysliman.

Në vitet e fundit, e djathta ekstreme dhe partitë kundër imigrantëve kanë bërë shumë punë në mbarë Evropën. Në Suedi, nacionalistët ‘Demokratët Suedezë’ hynë në parlament muajin e kaluar, për të parën herë nga themelimi i partisë në vitin 1988.

Në Britaninë e Madhe, partia e ekstremit të djathtë, Partia Kombëtare Britanike, fitoi pothuaj trefish më shumë vota se në zgjedhjet e vitit 2005, ndërsa siguroi edhe dy ulëse në Parlamentin Evropian.

Në Austri, Partia e Lirisë, që fillimisht drejtohej nga Jorg Haider, i cili fliste për nazistët, fitoi 17.5 për qind të votave në vitin 2008.

Në Francë, Fronti Kombëtar i Zhan Mari Le Pen, i cili e ka vënë në pikëpyetje ekzistimin e dhomave të gazit të nazistëve, doli i dyti në zgjedhjet presidenciale më 2002, duke hyrë në balotazh me presidentin Zhak Shirak.

Tash, e djathta ekstreme mund të rritet në Gjermani, ku ligjet mbi lirinë e shprehjes dhe pragjet parlamentare janë mbajtur jashtë Bundestagut.

Një sondazh i agjencisë DPA tregon se 20 për qind e votuesve mund të mbështesin një parti anti-myslimane, mjaft sa për të hyrë në parlament.

“Rënia e ulëseve parlamentare në duart e ekstremistëve paraqet tundjen më të madhe në politikën e Evropës që nga rënia e komunizmit”, shkroi Denis MekShejn në “Newsweek”.

MekShejn është anëtar laburist i Parlamentit britanik dhe më herët shërbeu si ministër për Evropën.

Evropianët nuk i shohin shtrembër vetëm myslimanët, por edhe hebrenjtë, të cilët pothuaj u zhdukën nga kontinenti 60 vjet më parë. Sondazhi më i fundit i “Pew Global Attitude” tregon se 50 për qind e spanjollëve kanë qëndrime të pafavorshme për hebrenjtë.

Ky antisemitizëm u nënvizua së fundmi nga Komisionari për Tregti i BE-së, Karel De Guht, i cili tha se “as me hebrenjtë e moderuar nuk është lehtë të kesh diskutim racional se çfarë po ndodh në Lindjen e Mesme”.

Pra, kur liberalët amerikanë i kritikojnë homologët e tyre konservatorë si fanatikë që duan të imponojnë fashizmin në Shtetet e Bashkuara, ata e harrojnë atë pjesë të Perëndimit, ku vërtet ka mbetur nostalgjia për fashizmin.

Cilido që ka udhëtuar nëpër Evropë, e di se imazhi, si shembull i progresit dhe i diversitetit etnik dhe fetar, është vetëm fabrikim në mendjen e liberalëve amerikanë.

Liberalët amerikanë, të cilët nuk e përfillin fanatizmin evropian, ma kujtojnë sugjerimin tallës të skenaristit gjerman, Bertold Breht: “A nuk do të ishte më lehtë për qeverinë që ta shpërndajë popullin dhe të zgjedhë një tjetër”.

Gjatë debatit për xhaminë, shumica e amerikanëve treguan se janë të aftë t’i respektojnë mospajtimet. Janë përsëri evropianët ata, nga impulset e errëta të të cilëve duhet të kemi frikë. /Wall Street Jornal / Express/

Më tepër...

Bakllavaja e Ramadanit dhe Hallva e Rexhepit

Mirëpo mesa duket sheqeri i bakllavave të Ramadanit helmoi gjakun dhe mendjet e shumë njerëzve anti-shqiptarë. U helmuan sepse ato janë mësuar me rolin pasiv të hoxhës në shoqërinë civile

Uskut në gjuhën arabe vjen si formë urdhërore për heshtje, ndërkohë që tek ne shqiptarët i përafrohet emrit të një prej qyteteve me popullsi më të madhe shqiptare, Shkupit. Në fakt heshtja do të na bënte të gjithëve mirë. Do të na pasuronte me flori sepse heshtja është urtësi dhe pasuri…Nëse nuk di të heshtësh nuk di as të flasësh, thotë populli. Ah or popull, sa gjëra thuhen në emrin tënd ndërkohë që ti gjithmonë ke heshtur!.  Shqiptaret e humbën urtësinë e Heshtjes kur fjala Uskub u zëvendësua me fjalën Skopje. Në terminologjinë gjuhësore shqipe fjala Skopje do të thotë plasje e gomës së makinës. Në fakt Maqedonasit na e plasën surratit për shumë vjet por ne prapë heshtëm. Sepse ne shqiptarët gjithmonë mundohemi t’ia përplasim njëri tjetrit fjalët ose sjelljet.

Duke parë ngjarjen në xhaminë Isa Beg normalisht të vjen keq në plan të parë kur shikon të rinj që godasin me grushte duke dale jashtë çdo konteksti të islamit. Të vjen keq ku papritmas xhamia bëhet arenë gladiatorësh në ditën e xhuma. Kjo gjendje e mjerueshme e jona padyshim se ka nevojë të rregullohet dhe të përmirësohet.

Kjo ngjarje, shumë prej njerëzve u ka bërë përshtypje dhe shumë prej tyre kane dalë në konkluzione qe do ti paraqes në vijim të shkrimit.

Konflikti i xhamisë Isa Beg lindi për shkak të një mosmarrëveshje midis Myftinisë së Shkupit dhe të Imamit Ramadan Ramadani. Myftinia e Shkupit si organ hierarkik ka shkarkuar nga detyra hoxhën Ramadan Ramadani. Është e ligjshme apo jo shkarkimi do i kthehemi më vonë por më parë na shqetëson kjo mënyrë funksionimi e bashkësisë fetare të Maqedonisë.

Imam Ramadan Ramadani një teolog shqiptar në viset e Maqedonisë magjepsi të gjithë shqiptarët me nismën e tij qytetare për ndërtimin e xhamisë Burmali. Një nismë qytetare që përveç shpërndarjes së bakllavave mori hov dhe atdhetar për të gjithë shqiptarët që mendojnë që një shtet multifetar dhe nacional si Maqedonia duhet të dijë të respektojë të drejtat e të gjithë komuniteteve.

Me bakllavat në duar Hoxhë Ramadani i kërkoi në mënyrë paqësore shtetit nacionalist maqedonas që të respektojë dhe të balancojë të drejtat e komuniteteve fetare. Mirëpo mesa duket sheqeri i bakllavave të Ramadanit helmoi gjakun dhe mendjet e shumë njerëzve anti-shqiptarë. U helmuan sepse ato janë mësuar me rolin pasiv të hoxhës në shoqërinë civile. Me teologë servile që dinë vetëm të tundin tespihet ndërkohe që duhet të mbartin në supet e tyre përgjegjësitë dhe drejtimin e popullit.

Kur një hoxhë del si lëvizje qytetare për të kërkuar të drejtën e tij legjitime për të drejtuar popullin drejt zgjimit për një padrejtësi, fytyrëzinjve u nxihen zemrat dhe mendjen.

E ku ka më bukur se një hoxhë që drejton një lëvizje qytetare duke shpërndarë bakllava. Dhe ku ka më turp për një institucion që jo vetëm që hesht por dhe shpërndan helm.

Bashkësia Islame e Maqedonisë me vendimin e saj për shkarkimin e Hoxhë Ramadan Ramadanit tregoi dhe njëherë se sëmundja e diabetit tek hipokritet, dyfytyrëshit, spiunët, servilët dhe sahanlëpirësit e posteve është e veçantë kur bëhet fjalë për hoxhallarë që shpërndajnë bakllava.

Kush që shkaku që një hoxhë shkarkohet nga një xhami mbas një nisme qytetare për të ndërtuar në qendër të Shkupit një xhami në vendin e saj të dikurshëm. Ndërkohë që maqedonasit ndërtojnë kishën ortodokse, shqiptarët heshtin. U desh energjia e Bakllavasë së Ramadanit që ti zgjoj këto shqiptarë nga gjumi për të kërkuar dinjitetin e tyre të cunguar dhe për t’i kthyer shqiptaret në faktorë aktivë të shoqërisë maqedonase. Boll vuajtën me vite nën gjenocide dhe padrejtësitë e skllevërve. Nëse Marrëveshja e Ohrit nuk iu dha atë që iu takonte atëherë pse keni frikë nga një cope bakllava.

Në shoqërinë Islame shqiptare hoxhallarë që shpërndajnë bakllava e marrin nisma qytetare në mbrojtje të të drejtave të shqiptarëve ose besimtareve janë gjithmonë të mirëpritur dhe të vlerësuar, dhe sigurisht të rrallë, ndërsa kollarexhitë e karrigeve që i mbajnë çallmat e

mëdhaja në kokë ndërkohë që brenda i kanë bosh sjellin në zemrat e shqiptarëve përçmim dhe zhgënjim ndaj rolit të klerikut në shoqërinë shqiptare.

Kulisa dhe Agjentë të UDB-së që mbajnë poste të larta në Bashkësitë Islame që natën u bëjnë muslimaneve shiringa qetësuese mbushur plot me hipokrizi dhe dyftyrësi, që paralizojnë ecurinë dhe zhvillimet e shoqërisë islame. Që na mpinë mendjen me opiumin e tyre paqësor dhe tolerant në kurrizin e Islamit dhe myslimaneve apo të ndonjë individi që di të veshi kollare dhe di të mbajë çallme por nuk di që të prijë konsekuencave që sjell realiteti ynë i sotëm për ta zhvendosur shoqërinë islame nga një shoqëri brenda mureve të xhamisë në një shoqëri që suportohet dhe integrohet me të gjithë mjedisin që e rrethon. Duke u bërë kështu një luftëtarë kundër pasivitetit dhe që kërkon të ngrejë principet dhe identitetin e saj human ndaj botës së padrejtësive.

Kur presidenti i Amerikës Obama vendos që të ndërtohet një xhami në rrënojat e kullave binjake atëherë pse maqedonasit pengojnë Xhaminë Burmali të ndërtohet në vendin e saj të dikurshëm dhe për këtë marrin mbështetjen e institucioneve të bashkisë fetare të Maqedonisë. Pse jo ndoshta i kanë dhënë dhe ndonjë urdhër me shantazh agjenturor për pushimin nga detyra të Imamit Ramadan Ramadani.

Sfida sot është e dyfishtë sepse nëse dikur përballeshin me sfidën e pushtetit politik dhe mosbesimit të tij laik por që ndërkohë ishin të udhëhequr nga instuticione islam dashëse. Sot ndodh një fenomen tjetër përveç sprovave të pushtetit politik të institucioneve shtetërore përballemi dhe me servilizmin, hipokrizinë e institucioneve të cilat na i kanë vendosur si një çallme bosh për të na komanduar ndërgjegjen tonë fetare.

Pra sot neve na godasin me dorën tonë brenda llojit. Sepse kjo lloj mënyrë është shumë e dëmshme sidomos për shqiptarët. Sepse të sulmojnë me dorën tënde është më e rëndë se të sulmojnë me duart e veta. Kjo lloj paralize që na ka kapluar dhe ky lloj realiteti kërkon prej nesh angazhim dhe shpërndarje bakllavash. Të dështojnë të gjithë ato që bëhen pjesë e skenarëve të servilizmit dhe hipokrizisë. Të gjithë ato që shesin gjakun e myslimanit, nderin dhe dinjitetin e tij për postet dhe që në vend që të ëmbëlsohen me bakllavanë e Islamit shkojnë dhe derrkohen më falni darkohen me hallvën e shejtanit.

Geri BEGOLLI, Tiranë

Më tepër...

Estagfirullah - Vlera e të kërkuarit falje nga Zoti

Estagfirullah

Më tepër...

Pamja futuristike e qendrës islamike të kontestuar të New York-ut

Nëpër pamjet duket ndërtesa prej 16 kateve, e ngërthyer me strukturë abstrakte, në formë të saçit. Pamjen e ndërtesës disa e krahasojnë me kalajën e vetmisë, shtabin kristal të supermenit, siç është i përshkruar nëpër stripa. Tjerët potencojnë se disa forma i ngjajnë yllit të Davudit alejhi selam, simbolit hebre. Kompania e cila qëndron mbas projektit, potencon se heksagrami poashtu përdoret edhe në islam, si vulë e Sulejmanit, alejhi selam, si edhe në krishterizëm dhe nëpër religjionet tjera. "Ne dëshirojmë bashkëshortësi ndërmjet arkitekturës islame dhe qytetit të New Yorkut. Dëshirojmë të bëjmë diçka që është ekologjike dhe që ka pamje të mirë"., ka thënë Sherif El Xhemal, udhëheqësi i projektit. Propozimi për ndërtimin e qendrës islamike, i larguar dy blloqe nga e ashtuquajtura Pika Zero, ka inicuar shum kontraverze në mbarë SHBA-në SIpas disejnit, qendra e ardhshme do të ketë katër sprate për sport, fitnes dhe basene. Në ndërtesë do të ketë foshnjore, restoran, shkolla për gatim, atelje artistike, hapsira eksponimi si dhe sallë për tubime publike. Mesxhidi do të jetë i vendosur në dy nivele, në podrum, ndërsa në katin e 12 do të gjendet qendra memoriale e sulmit të 9/11 dhe tempull për njerëzit të të gjithë religjioneve. "Get the Flash Player" "to see this gallery."

Më tepër...

Shembulli i populistit Geert Wilders në Holandë mund të bëhet model në vende të tjera

Kristiandemokratët holandezë formojnë koalicionin me liberalët e djathtë, të toleruar nga ekstremisti i djathtë Geert Wilders. Hera e parë në Evropën perëndimore që një parti islamofobe ka ndikim në formimin e qeverisë

Evropa ndryshon dhe kozmosi i Holandës së vogël është një indikator i besueshëm për kthesën në shumë vende. Nga një vend liberal, model i tolerancës dhe lirisë ky vend po rrezikon të kthehet në një vend të mbyllur, të izoluar, në të cilin përkatësia në një fe tjetër, veç asaj kristiane, të kthehet në shenjë dalluese. Ndalimi i planifikuar i burkës, kufizimet për emigracionin për qytetarët nga vendet joperëndimore, shkurtimet sociale dhe reduktimi i kontributeve në BE të bëjnë të vëmendshëm.

Në Holandë po fryjnë erëra të tjera, të cilat u fusin të dridhura myslimanëve dhe organizatave bamirëse. Por edhe fqinjët evropianë të holandezëve duhet të pyesin veten: Mos është Holanda tërësisht në përputhje me prirjen evropiane? Si mund të ndodhë që një populist dhe demagog si Geert Wilders brenda një kohe të shkurtër ta çojë partinë e tij në një rezultat zgjedhor dyshifror duke i vënë përpara partitë tradicionale?

Holanda jo më model i një shoqërie konsensusi dhe tolerance

Geert Wilders është që tani shefi në prapaskenë i qeverisë. Vrasja e populistit të djathtë, Pim Fortyun në vitin 2002, e kritikut të islamit dhe regjisorit, Theo van Gogh dy vite më vonë si edhe rezultati negativ i referendumit të BE-së në vitin 2005 lëshuan sinjalin e ndryshimit të paradigmës në Holandë. Modeli i një shoqërie konsensusi dhe tolerance nisi të shpërbëhej sepse tensionet në vend, për një kohë të gjatë u fshehën nën mantelin e shtetit bamirës social.

Tashmë tregohen efektet e asaj që u lejua formimi i subkulturave nga të huajt e vendosur në periferi. Këta të fundit u rehatuan në cepat e gjetur të shtetit bamirës, pa u përpjekur të jenë vetë aktivë në integrim.

Partitë tradicionale humbasin votues - rreziku i fenomenit Wilders

Bashkëjetesa paqësore u zëvendësua nga tendencat në rritje të polarizimit. Për politikën kjo nuk përbënte ndonjë temë, përsa kohë që mjaftonin të ardhurat nga taksat, dhe njerëzit vazhdonin të votonin partitë tradicionale. Por tanimë Geert Wilders dhe pasuesit e tij po e shkundin mirë imazhin e një vendi tradicionalisht të hapur dhe të orientuar nga shkëmbimi mes kulturave.

Shembulli i Wilders mund të bëhet model edhe në vende të tjera evropiane. Politika e Francës ndaj romëve gjendet në një harmoni kritike me tonin armiqësor në shtetin e mullinjve të erës dhe kanaleve të famshëm. Në Hungari partia ekstremiste e djathtë Jobbik mori 15% të votave, edhe në Poloni, Danimarkë, Sllovaki janë futur në parlament parti armiqësore ndaj të huajve, Gert Wilders nuk është një rast i veçuar dhe zjarrvënësit e tolerancës fetare shpejt mund të gjejnë imitues përtej Holandës./dw/

Më tepër...