"Parlamenti i Iblisit me gjuhën e Iblisit. Në të ceket se shejtanët, kolegët dhe përkrahësit e Iblisit, u takuan në këshillin konsultativ. Ata i diskutuan procedurat e botës, rreziqet dhe intrigat e të nesërmes, atë çfarë kanë perceptuar nga të frikësuarit për sistemin e tyre të Iblisit dhe misionit të shejtanit.
Përkujtuan në rreziqet dhe intrigat që e rrethojnë dhe e dobësojnë sistemin e tyre, ata e madhëruan fatkeqësinë e tyre dhe njëri-tjetrin e paralajmëruan për të keqën e saj.
Njëri nga shejtanët e përmendi republikën duke e parë diçka të rrezikshme. Tjetri iu përgjigj:
"Mos të brengos republika, ajo është vetëm një mantel i monarkizmit, sepse ne e kemi veshur republikën me mantel të monarkisë, kur e kemi parë se njeriu filloi të zgjohet dhe të bëhet i vetëdijshëm për fisnikërinë e tij, dhe ne patëm frikë për rendin tonë. Prandaj, për këtë e argëtuam me lojën e republikës. Nuk është e tëra në sundimtarin dhe mbretin.
Monarkizmi nuk duhet të shikohet vetëm me ekzistimin e një personaliteti. Monarkizmi është që një njeri të jetë i varur nga dikush tjetër dhe e dëshiron atë çfarë tjetri posedon, edhe nëse është fjala për një popull e edhe në qoftë se është vetëm për një individ. A nuk keni parë se si është sistemi republikan i Perëndimit, fytyra e tij është e ndritshme dhe me shkëlqim, ndërsa esenca dhe brendësia është më e errët dhe më e zezë se kanuni i Gjengisit? "
Një tjetër tha: "Nuk ka problem, pasi që shpirti i monarkizmit ka mbet, por çfarë thotë zëvendësi i respektuar për fitnen që e ka shkaktuar çifuti të cilin e quajnë Karl Marks. Ai nuk është profet, por pasuesit e tij, librat e tij i konsiderojnë si të shenjta. A e dini se e ka ngrit tërë botën? Skllevërit i ka rebeluar kundër zotërinjve të tyre kështu që e ka trondit administratën e drejtësisë dhe zotërimit. "
Tjetri, duke i thënë presidentit të kuvendit, tha:
"Shkëlqesi, pa marrë parasysh sinqeritetin e sihirbazëve evropian, ne nuk mund të mbështetemi në ta. Është një çifut, samarian, një Mazdek kopt (një lider socialist persian), i cili pothuajse e rrënoi tërë botën, varfëria po i ngushton guvernatorët dhe mbretërit. Ne e kemi nënçmuar këtë lëvizje socialiste, kështu që ai mori rendësin dhe e keqja e tij është rritur. Ai është një sprovë që nesër mund ta shkund botën. O zoti im, botën që e ke sunduar do të rebelohet kundër teje, dhe sistemi do te ndryshoj tërësisht."
Kryetari i kuvendit, Iblisi, tha:
"Unë ende ia mbaj frerët kësaj bote dhe i drejtoj kudo që unë dua. Bota do të sheh çudira kur ti grindi popujt evropian, dhe ata në njëri-tjetrin të kërcejnë dhe të bëhen copa si qentë dhe ujqit. Kur ju pëshpërit në veshët e udhëheqësve të tyre politik dhe prijësve të tyre krishtero - shpirtëror do ta humbin drejtimin.
Kur është fjala për atë që e keni përmendur socializmin, bëhuni të bindur se dallimi në mes njeriut dhe njeriut nuk mund të jetë urë me logjikën mazdekiste (e koptit Mazdek). Nuk më frikësojnë mua ata socialistët dhe varfëria e mjerueshme.
Nëse ka diçka që ia kam frikën, atëherë është ky ummet të cilit unë ia kam frikën në hirin e të cilit pandërprerë është një shkëndijë e jetës - gacë e fshehur. Midis tyre ka që trupat e tyre janë të privuar nga shtretërit e rehatshëm dhe lotët rrjedhin në faqet e tyre. Me informacion të mirë nuk mund të fshihet se Islami është sprova dhe brenga e së ardhmes, e jo socializmi.
Nuk kam harruar se ky ummeti e ka lënë pas dore Kur'anin, dhe se është sprovuar me pasuri dhe ai e dashuroi grumbullimin e saj siç janë edhe popujt dhe vendet e tjera. Unë e di se nata e errët është në Lindje dhe se dijetarët dhe shejhat e Islamit nuk posedojnë duar të bardha në të cilat shqyhet mbulesa e errësirës dhe drita e së cilës shkëlqen dhe e ndriçon botën. Por kam frik se tërmetet (tronditjet) e kësaj kohe do ta zgjojnë umetin nga krevatet e tyre dhe do të drejtohen drejt Sheriatit të Muhamedit, salAllahu alejhi ve selem. Unë ua tërheq vërejtjen dhe ju këshilloj në besimin e Muhamedit, i cili i mbron dhe përmbush kontratat dhe dinjitetin, fenë, nderin dhe pastërtinë, besimin dhe ndershmërinë, kalorësit, trimat dhe xhihadin, fe e cila e asgjëson çdo lloj skllavërie, fshinë çdo gjurmë të tiranisë dhe despotizmit e cila nuk bën dallim ndërmjet sundimtarit dhe qytetarit, nuk i jep përparësi sunduesit ndaj endacakut, e pastron pasurin nga çdo papastërti. Ai i cili posedon pasuri dhe pronë e bënë që të bëhet një besnik i pasurisë së tij. Një besnik dhe mbrojtës i pasurisë. Çfarë është rebelim më i madh dhe cili kthim është më i ashpër nga ajo se që kjo fe (besim) ka prodhuar në sferën e ideve dhe veprimeve atë ditë kur haptazi deklaroi se toka i takon Allahut, dhe jo mbretërve dhe sundimtarëve?
Investoni të gjitha përpjekjet dhe përdorni të gjitha potencialet tuaja që Islami të mbetet i fshehur nga sytë e njerëzve. Le të jetë stimulim për juve se edhe vetë muslimanët janë të pasigurt në Zotin e tyre, dhe se besimi i tyre është i dobët. Është në interesin tonë që ata të mbeten të ngarkuar me problemin ilmu-l-kelama (dituri e fjalës pa veprim), metafizikë dhe interpretime të ndryshme të Librit të Allahut dhe ajeteve të tij. Sulmoni dëgjimin e muslimanëve. Një musliman është në gjendje për të thyer hajmalinë e botës dhe ta prish magjinë tonë me ezanin tyre dhe madhërimin e Allahut. Mundohuni që nata të zgjatet, vëllezërit e mi, përpiquni, me punë dhe mund derisa të humbet gara. Interesi ynë është që muslimanët të mbetën robër (skllevër) të tjerëve, që ti shmangen dhe ta lënë këtë botë (me siguri këtu mendohet për ahiretin (botën tjetër), dhe për shkak të asketizmit dhe neglizhimit e rëndësisë së kësaj bote, të largohen prej saj. Mjerë për ne nëse zgjohet ky ummet të cilëve kjo fe (besim) u nevojitet që ta mbikëqyrin tërë botën. "
Nga libri: "Çfarë ka humbur kjo botë me dekadencën e muslimanëve"
